《22e意義衣》特輯 - 潮人教你襯出最Hot夏威夷恤穿搭

SzePingWong@FB

今年夏天必備款式之一「夏威夷恤」我地之前已經介紹過好幾次，無論係名星、品牌定係時尚潮人係呢個夏天都被花恤衫嘅魅力所感染。色彩鮮豔「花碌碌」嘅夏威夷恤其實無想像中咁難襯，只要把握穿搭要訣照樣可以輕鬆駕馭。介紹潮流資訊嘅YouTube 頻道《22e意義衣》都有講到夏威夷恤嘅穿搭心得，想要捉緊今季潮流就要學下野啦！
[youtube]https://www.youtube.com/watch?v=i16VheBkh54[/youtube]
講到Aloha Shirt又點可以唔提One Direction 嘅Harry Edward Styles呢？充滿陽光氣息嘅Harry Styles可以話係夏威夷恤嘅最佳代言人，經常能夠見到佢穿著夏威夷恤出席不同場合。Harry Styles 襯搭夏威夷恤嘅方式都係以經典夏日風情為主，唔作任何內搭保持最清爽感覺，再配上必備太陽眼鏡，簡直是教材般陽光男孩沙灘造型。


而除左經典嘅花草同波利尼西亞圖案，今年流行嘅夏威夷恤仲加多左好多不同元素。日常生活嘅大小事物都可以用作夏威夷恤圖案印花，加入新元素除左令設計風格可以有更多變化，亦令呢款經典服飾更加時髦年輕。



Poshbrain SS18 系列夏威夷恤就用咗好多新穎元素，例如有街頭味十足嘅裸女主題、同陽光感覺完全相反嘅黑暗風格、有或者復古日系畫風美女印花，設計同樣個性十足。