Skyscraper《高凶浩劫》觀后感，極小量劇透

mdo

午餐后去看，电影不过不失吧。

尖咀海傍起一座二百幾層大樓，故事背景發生在香港。荷理活又嚟香港取景，又有Dywane Johnson，那就入場看看今次又拎香港玩什么。电影平舖直敍，劇情單線發展，故事冇乜大犯駁位，但亦無甚驚喜，拍得還是很流暢的，但動作有些是十分誇張的：例如徙手爬成一百層樓高嘅吊臂，我就不大相信。開始冇耐已估到打大佬會用什么僑，那兩位奸角無間道呢，第一個扮好人，第二個基本上個奸字已寫在面上，但兩位一出場就估到是奸的了。動作場面嘛，trailer都睇得七七八八，除了那場低配版Mission Impossible爬墻手套，我也是無語了…

香港取景是其中一個入場原因，但睇完后唔太明点解要㨂香港，故事發生在任何一個大城市亦可，當中基本上没有一個香港因素是會影响劇情的。另外大家都知座大樓是假的，也想看看大樓望出去啲香港景有幾真，好似Pacific Rim呀、Doctor Strange呀啲景都係假得嚟又小小真，呢套窗外景色竟然十分凖確。但凖確只限窗口望出去或高空遠景，其他所有街景都是在外国拍的。就是那些外国街道放個中文街牌呀，整幾個中文招牌之類。戲中有廣東話台詞相信都是ABC,口音鬼鬼的。但一場天星小輪及碼頭戲十分真實，好像是實地拍的，但就十分唔make sense,冇理由就為五分鈡戲就飛個主角过嚟。

道具及服装要一讚，香港警車呀，警察服呀都十分標凖，只有那班特警装備十分FBI。

最后，周董太太是個大配角，加埋五分鈡戲左右。

如果大家冇乜嘢做，又有閑錢的話，可以入場一看，絕對不是欄片，但也別期望很高。

lkljason

有時睇下D唔使帶腦入場睇既戲都唔錯吖！預左阿rock 係超人架啦，叫做無之前果套猩猩打怪獸咁誇！

lkljason

lkljason 發表於 2018-7-21 17:53
有時睇下D唔使帶腦入場睇既戲都唔錯吖！預左阿rock 係超人架啦，叫做無之前果套猩猩打怪獸咁誇！ ...

同埋覺得昆凌個造型實在太似John wick 2 呢條女！

mdo

lkljason 發表於 2018-7-21 17:53
有時睇下D唔使帶腦入場睇既戲都唔錯吖！預左阿rock 係超人架啦，叫做無之前果套猩猩打怪獸咁誇！ ...

對，有時是需要這些唔駛用腦純官能刺激的电影，看特技睇爆炸還是值回票价的

G36

lkljason 發表於 2018-7-21 17:53
有時睇下D唔使帶腦入場睇既戲都唔錯吖！預左阿rock 係超人架啦，叫做無之前果套猩猩打怪獸咁誇！ ...

果套打猩猩上畫落畫都無聲無息

正宗球迷

the rock做超級英雄都估到, 能人所不能,呢樣睇就唔好駁. 慢慢欣賞下.
其實部片係唔係主力向die hard致敬, 同時再向沖天大火災, 職業特工隊取材?

有D細微位,睇完硬係怪怪地, 站於荷里活製作又唔會咁做, 香港人地道又係唔會咁做.
好似場火燒到咁勁, 消防都冇乜入鏡. 差佬去地盤有恐怖份子地方, 都唔叫sdu或多D火力去, 叫番班軍裝,拎多幾枝炮就得.
個督察望到火災大叫一聲PK, 以及madam同尼芙甘寶傾計時,下下加個Q字落去.
成班市民睇到救完火會全場拍掌.

可能唔熟知香港既文化就唔覺有問題

mike384

作為純娛樂片的話, 我覺得上次阿rock孖大猩猩打怪獸個套[RAMPAGE]更有趣(作為遊戲改編GAME唔算差了)
今次都叫做有娛樂性的, 話說有一位配角, 曾經數次好硬粗地講個Q字出來時, 個戲院都有d笑聲的.

正宗球迷

mike384 發表於 2018-7-23 12:21
作為純娛樂片的話, 我覺得上次阿rock孖大猩猩打怪獸個套[RAMPAGE]更有趣(作為遊戲改編GAME唔算差了)
今次都 ...

就係我講既madam囉, 好夾硬講粗口.
個D場合正常唔會咁講粗口

G36

正宗球迷 發表於 2018-7-23 11:44
the rock做超級英雄都估到, 能人所不能,呢樣睇就唔好駁. 慢慢欣賞下.
其實部片係唔係主力向die hard致敬,  ...

情況同盗墓者羅拉一樣，避風塘古惑仔搶嘢果場，得啖笑⋯⋯

mdo

正宗球迷 發表於 2018-7-23 13:14
就係我講既madam囉, 好夾硬講粗口.
個D場合正常唔會咁講粗口

在網上看到，此片其實請了一位語言専家去處理中文台詞，請留意是語言專家而不是文化專家。所以不會出現香港人講普通話的情况，而电梯里那把廣東話女聲還是蛮香港的，乜Q也是香港用語，你去其他粤語地區就很小聽見。問題在於這位語言專家對香港文化只認識皮毛，不是將一堆香港用語推砌出來就是香港了。不過要應付一衆外国觀衆還是桌桌有如的。

話說回来，今天荷理活對香港的印象已與時並進了，想當年所有荷理活电影香港必然會出現那艏破舊帆船，今天电影已很少見了