黑膠碟(彎曲+變形)~唔駛怕,我有辨法

takeishi

   喔喔喔喔~哈哈哈哈.

  好多人時太耐太舊既黑膠碟, 好多時因為天氣關係. 冷縮熱漲,
又或者放得唔好. 壓住佢太耐而令到隻碟變形或者係彎曲既情況出現.
有人話~無得救. 又或者. 有人會拎出去俾D專業人士復修隻碟. 不過.
我呢D窮L, 買碟都係果幾拾蚊. 唔通要我俾幾百蚊去復修咩. 掉左佢買過隻好過啦.




   所以~我就同達文西合作, 自我研究發左好耐. 經過我不斷嘗試,失敗~再嘗試. 終於.
終於都俾我搵到個唔駛錢~又最有效既解決方法.





  好~今日我就益下呢隻大家, 教你地點樣救番隻彎左既碟.
你可以搵隻唔要,想掉既碟黎試下. 效果保證你滿意.  方法好簡單.
黑膠碟其實都只係ON膠膠一塊. 遇熱就會變形.

  首先. 將隻碟放落地下. 用風筒係咁加熱地吹住佢. 吹到佢熱晒之後呢.




熱晒之後, 用你雙香港腳踏實佢晌平地上面. 當然啦. 最好就鋪塊布晌地下先啦.
咁隻碟就唔會咁易花, 踏實佢等佢冷卻之後. 隻碟就會定形. 自自然就會變番直. 再唔係.
你可以用相反方向微微咁樣屈住隻碟等佢冷卻. 咁樣效果更佳




  又或者可以趁佢未冷卻之前.  搵野壓實佢都一樣可以. 不過要壓好耐.



  Yeah~  呢個方法係WORK架, 我試過啦. 隻碟直番晒. 而且又唔會影響到播放既音色.
哈哈哈哈~唔信既. 試下, 得既. 返黎俾個LIKE我. 效果包你滿意.

CPU

1. 點為之"吹到佢熱哂"呢? (開始熔?)
2. 全隻碟吹熱還是只吹彎曲部份?
謝謝！

takeishi

CPU 發表於 2018-7-20 11:10
1. 點為之"吹到佢熱哂"呢? (開始熔?)
2. 全隻碟吹熱還是只吹彎曲部份?
謝謝！ ...

  呢位同學~我呢. 話說晌深水埗買左隻絕版碟. 當主只收我$50蚊. 點解咁好死呢.
就係因為隻碟彎到好似如月彎刀咁款. 根本就無可能聽. 所以先至50蚊益街坊. 點解我咁都買呢.
因為~叫做好過無啦. 咁都總算有個封套開心下滿足下自已先啦. 於是~我就的起心肝. 搵辨法試下救番隻碟.
哈哈~又俾我攪得掂和.

1) 首先呢, 膠係的確會溶架. 如果你用打火機燒佢的話. 但係. 一般家用風筒既熱度就未至於可以熱到溶左隻碟.
     我就只係用屋企用開果個風答. 較到最熱. 直接吹住隻碟佢. 我試過. 擺到好近吹住好耐佢都唔會熱到溶既.
     當然啦. 如果你驚既. 搵隻唔要既碟試多幾次先, 掌握左個方法先至真係去救隻心愛既碟. 咁做就安全好多.

2)  我果隻50蚊絕版碟. 真係全隻都彎到嚇死你. 基本上邊度彎就吹邊度. 我隻50蚊碟就全住都勁彎. 所以.
     我就全隻都加熱再定形. 我重覆又重覆都好做好幾次呢個動作. 唔會一次就直番晒. 你要做多幾次就會直.

old8woman

這個方法有創意，但有冒險性……

kl122002

容我再打多少少
你呢個方法是OK 的, 因為本身就是想張黑膠軟化還完平面.
以前我都有甘玩過, 不過乾淨少少, 我自己訂左2片厚玻璃
而且一定要有外邊做封口. 事關你可以壓平左, 但係就唔圓. 唱的時候支針會每次經過時"西"出去 / "冼"入去
仲有就留意一下有無唱紋薄左.

不過唔係代表表黑膠都得.
70-80年代的唱片膠身薄, 故可以少少熱就搞妥
但50-60年前的黑膠, 比如是厚身的舊mono 錄音, 就做唔到.
78轉蟲膠更加做唔到.

個別廠出的黑膠也是留意,  
philips microgorve 真係唔受得熱, 最好就唔好壓.
早年立體聲的唱片, 如HMV ASD 有金圈的, 受熱過的話可以起白霞,
Decca/London 的可以起一層皺紋
RCA的壓左表面睇唔出, 但一播就聽到撞針聲.

壓碟呢家野, 平的就自己發揮了, 貴的就小心處理為妙.

old8woman

kl122002 發表於 2018-7-20 14:16
容我再打多少少
你呢個方法是OK 的, 因為本身就是想張黑膠軟化還完平面.
以前我都有甘玩過, 不過 ...

貴價/珍貴的黑膠唱片我不敢博了,寧願用其他方法

edward616

始終軌道係變咗形
同橡根一樣，拉得多就變唔返原本個樣，因為分子層已經完全走晒位，用熱力將可熱塑形材料重新排位基本上唔可能回復本身嗰個樣，因為黑膠嘅PVC受熱係會溶解變液體
最影響應該係音高同拍子
二手黑膠除非真係好稀有，如果唔係有少少彎曲我都一定唔買

kl122002

我打漏左少少, 就是想再略說一下歐美兩地廠的用膠
現在大部分已知的膠都是在80年代後, 不過早年的真是連我都不太知道什麼.
比如說早美國DECCA 出的黑膠, 比如我貼手上的Bing Crosby 的20年專輯, 當中的黑膠好似玻璃, 硬身, 重, 沒彈性.
敲上去的聲真係好似敲玻璃一樣.
美RCA 和歐RCA 的用膠都不同, 大致上我覺早年歐洲的用膠是好軟身不少, 連舊philips 老荷版都是.

日版的紅膠, 可樂膠就要博. 以前壓過一張紅膠的nat king cole, 膠沒事, 但係就聲音聽出問題.
JVC/ Victor , columbia 都OK ,  
個人覺呢D膠就最好用低溫少少去處理好D.

kl122002

edward616 發表於 2018-7-21 00:50
始終軌道係變咗形
同橡根一樣，拉得多就變唔返原本個樣，因為分子層已經完全走晒位，用熱力將可熱塑形材料 ...

在今日真係沒辦法.
事實以前都已知呢個問題, 所以唱片才出得厚身少少 (加上以前的針壓重)
又故此唱片公司當成消耗品的心態發行, 沒停過出同一專輯的唱片.

如此這樣, 頭版在昨日的地位其實不如今日高

chopinlau

另我想起當年聽膠嘅樂趣！