《蟻俠2：黃蜂女現身》簡評

freestylemen

為配合香港的即食文化，先黎講句如果喜歡第一集，呢集不容錯過。

呢集係少數續集可保持水準的作品，笑料一籮籮，且今集的中心竟然是拯救大行動，至於拯救邊個？睇過第一集的相信已猜到。劇情簡單就預左，轉折位欠奉，不過節奏快無拖，而當中不斷夾雜不同笑料，輕輕鬆鬆渡過個幾兩個鐘。

佢班friend加插黎純為攪笑，鬼魅略嫌篇幅太少，開場3d鏡頭有心思，和上次一樣，第一身感覺一流。

題外話講講，現今漫威英雄大行其道，黑豹個人覺得好麻麻都爆個滿堂紅，偏偏呢套今天竟然無咩人睇，是太早的緣故？

bokee2000

黑豹個人覺得好普通
蟻2好奇佢點駁去復仇3+4

正宗球迷

黑豹同蟻俠觀賞計,真係蟻好D. 不過好多人都講左, 黑豹大收係因為黑人做主導關係, 多左呢類成份.

講番蟻俠2, 照舊變大變細既視點好吸引. 劇情方面唔算多驚喜位, 如樓上所講, ghost著墨多就仲好.
叫係交代左內戰後蟻俠做左乜, 中間拎左乜可以拖落去驚奇,以及無限戰2個段.
反而呢家咁搞,黃蜂女之後會點搞?  整套戲最有同主線有關, 就係第一段彩蛋, 會唔會解釋左,入左個空間,
會唔會係唔駛怕撻手指?

最尾彩蛋都唔知算唔算失望,我就諗住仲有野睇,結果比番蟻我睇

cyber_look

第二段彩蛋真係為做而做，無好過有，

第一段就用來引入Avengers4，個人覺得雖然引入得較完整清楚，但略嫌篇幅太少

同意各師兄所講，蟻俠玩變大縮細都玩到出神入化，也不會單調重複，電影亦笑位夠

也覺得如ghost有多少少描述就更好

正宗球迷

cyber_look 發表於 2018-7-6 14:51
第二段彩蛋真係為做而做，無好過有，

第一段就用來引入Avengers4，個人覺得雖然引入得較完整清楚，但略嫌 ...

剛睇埋其他人講部戲, 最後彩蛋其實都有所暗示無限1撻手指後既情況,
得番隻大蟻打鼓,目的係想避開特工監視, 同時個女應該返左屋企團聚,點解會唔見左.
間屋係異常清靜,即係個條街,或者前妻係冇埋. 都算有關係.

mdo

電影我未睇，但剛在網上看到一片文章，有人在看Ant-man1 dvd時，當Scott 進入quantum realm 時，用慢鏡看，在他的面上是有着初代Wasp的圖像，暗示她是在quantum realm裏活著的。另Kevin Fiege近日在訪問中，暗示在這集的quantum realm里已藏了重要彩蛋，而且是关於MCU的未来。看看有没有die hard粉絲可發现。

題外話，die hard fans的力量真的很驚人，外国已有fans找到Ready Player One内超過二百個彩蛋(I prefer to call it pop culture reference though)

alleelarry

星期六是長週，只能今天到 機場 UA 睇 IMAX 版，一來人少D，二來又平絕全港，用黎補貼番車費……

∇ 電影紙板攝於 MY CINEMA YOHO MALL - 百老匯



未睇既朋友，建議大家睇 IMAX 版，因為有 IMAX 專屬場面，起用雖然不及復仇者3 咁多，但估計都接近一半時間，每當蟻俠或者黃蜂女 SUIT UP 就一定係 IMAX 既 1.90 : 1 畫面，如此安排有點像《創戰紀》，每在電腦世界時就有 3D 畫面，如此細心運用，還是首次用在 MARVEL 英雄系列！

∇ 再者買兩張 IMAX 戲票，就可以順手兌換埋個 IMAX 版本專屬既 MEDAL！



∇ 較早前於澳門銀河 UA 外拍的 1:1 模型