《權力遊戲》第一季 4K 藍光 (實物圖) + 短評

Hugo Fok · 發表於 2018-6-27 14:06

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 Hugo Fok 於 2018-6-27 14:09 編輯

講碟前, 講多少周邊野先...因為都好替呢對新人開心... 早兩日見到 FB / IG 有唔少 Kit Harington (John Snow) 與同劇演員 Rose Leslie 拉埋天窗, 仲 Call 齊一班劇組人員一齊出席, 就算系各住電腦 MON 都鄧佢地興奮... 本來已為佢地呢班國際級大星個 Wedding 一定超級 Grand 同好奢華, 點知睇返媒體報導先知佢地原來去新娘子 Rose Leslie 老家蘇格蘭東北部的亞伯丁郡舉行... 成件事都非常家庭式...仲好鬼 Close... 睇相見 Rose Leslie 個開心樣都知道大婚之日應該非常盡慶... 完全系 <About Time> 一類電影既真人 SHOW 版本... 超羨慕

講返正題先, 今次《權力遊戲》4K 版上次《西部世界》4K 既配置大致相同, 相信 Mastering 同印碟都系華納代辦... 而 LOGO 方面就出返 HBO, 華納 LOGO 就只有封背左下角落有標示。碟中所收錄內容 (包括正片 + 花絮) 大致與之前的 2K 藍光版一致, 十集共 566 分鐘內容 + 兩個多小時花絮 + 幕後評論都依舊保留, 當然 4K 版最大亮點仍然系 Dolby Vision + Atmos 的終極聲畫配置。就畫質而言, 經 4K + Dolby Vision (HDR10) 優化的畫面在畫面細膩度、空間立體層次感方面亦有明顯加持。在 4K 版上較容易察覺的是首集部分畫面的鏡頭是 NOISE 略多, 與 NED 與 ROBERT 在地洞交談一幕都見到不少訊噪的存在... 翻查之下先知道原來《權力遊戲》的試映集 (PILOT) 早在 2009-2010 間拍成, 但與大家所熟識的「第一集」在 "演員陣容" , 甚至是造型上有頗明顯出入。細節如 Peter Dinklage 的髮色在同一集中都略有些微變化... 死忠粉絲應該都會留意到。總括來講, 第一季的畫質在 4K 上明顯有一種 "愈來愈清" 的感覺, 如第四、五集比第一季清, 第十集又比中段的幾集清多少等, 相信是器材更替升級所致, 大家不妨可留意下。至於聲音, 經 Dolby Atmos 加持效果明顯的必定要數片首 THEME MUSIC, 音場、動態甚至空間感都好上了不少... 至於首集 White Walker 出場, Atmos 所營造的氛圍都頗有電影感。問心首季《權力遊戲》在大型動作方面的場口不多, 但劇情張力卻是整個系列之冠, 角色與角色間的對立與互動都充滿住張力... 徹底改寫了電視劇一定 "大團圓" 的歸返...加上劇內經常會不定期加入 "肉搏" 的福利戲碼... 在電視劇來講都算是最當代最頂峰之作。