Acoustune HS1503 AL & HS1551 CU耳機試玩後感

iamraymond620 · 發表於 2018-6-27 00:15

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

首先要多謝Post76同埋代理Soundware安排今次既活動令我可以試清楚Acoustune 1551CU (下CU) 同1503AL (下AL), 亦要好多謝祺哥解決左我喱個麻煩友好多問題同多謝代理果邊既Derek幫助, 機緣巧合下可以同專家Derek同Kenneth交流一陣, 獲益良多

一) 包裝:
CU同AL價位雖然算係中階機既價位, 但佢既包裝都好有份量, 同AKG既N5005大細差不多, 唔會卑人一種低階既感覺。一開盒就有個同外盒一樣咁大個既夾萬(保護盒), 唔似其他牌子咁用紙盒, 靚!! 一開夾萬就係主角, 一排耳膠同外攜皮盒
PS. 不得不讚日本人既產品, 雖然CU同AL既包裝9成相同, 但有好多改良左既細微位: CU既外盒打開後要再推開一塊保護紙皮才可取出夾萬, 而AL就係外盒打開後揭開塊紙皮就可取出夾萬, 唔洗左一個盒右一個盒咁”牙”位. 而夾萬入面保護耳機既海棉都有唔同: CU要對好位所有野都放得好好先可以關上, 而AL就轉左設計唔洗諗一放就可以關上, 喱d細微位真係得日本牌子先會咁做, 如果唔係用開唔會知改左設計

二) 外觀與佩帶感
外觀喱樣野好個人既, 我女朋友覺得好似放左兩粒螺絲係耳仔咁, 我自己係鐘意既, 幾型 (借既CU版本係藍色, AL係綠色), 我覺得紅色係最型仔既顏色, 配金色螺絲, 好ironman. 而藍色會低調d, 就似ironman個frd - iron patriot. 而綠色就平凡d, 無左陣高級既味道.
佩帶方面, 我係橋耳戴, 基本上一上耳就戴到, 唔洗左扭右扭. 但CU我係覺得有小小介耳既,大約2小時就要除低休息下, 而AL好d既. 之後同Derek傾開兩者設計係一樣的, 介耳可能因為CU重小小墜住所有有咁既感覺. So far唔係長戴的話兩者都算舒服既, 但一定無westone喱d 牌子咁舒服.

三) 聽感 (Player: AK70ii)
先講CU, 用AK70ii 配Acoustune ARC02 既2.5頭
CU聲低係暖既, 聽男聲會比女聲好, 除非係鐘意女毒啦, 如果唔係基本會收貨, 唔會太尖, 無齒音. 一開聲已經將我隻Sony XBA-Z5 比下去, Bass量好足夠又有彈性, 收得快, 唔似我隻Z5咁肥膩下潛無低洞, 好爽! 而人聲方面係後一小步, 但又唔會太後好遠咁, 定位算係適中既, 亦都清晰, 分析力都高既, 例如李克勤演奏廳系列無分到樂器同位置, 克勤既口水聲都聽到, 唔講唔知係單動圈黎, 話CU係圈鐵耳機都可能有人信. 不過我覺得CU在低頻同中高頻既涵接上好似有一條線分開左, 例如我聽陳慧琳既快歌, 佢唱歌算高音, 我就覺得所有野都出到, 分析力, Bass係有, 但就好似夾唔埋, 就有d似而家d圈鐵耳機咁各有各走, so far係喱方面差小小, 整體係滿意既
100分滿分我卑85啦大約

到AL喇, 都係用AK70ii 配Acoustune ARC02 既2.5頭
一開頭我以為佢係CU既後繼版, 諗住佢會改良左CU既聲向, 點知一聽我係錯既, 之後睇番資料先知原來係1501AL既後繼版, 我無聽過1501AL所以比較唔到, 齋以CU同AL黎比, 我覺得AL算係冷聲既, 聲音既取向更為平均, 更加立體, 分析力同樣的高. 低頻無CU咁深, 點到即止, 而高音係可以去得更盡, 高低頻互相配合無比任何一邊搶風頭 (相對CU, 有時會亙相搶風頭, 因而令我覺得有一條界線), 感覺上AL會百搭小小, 男女聲都好, 如果鐘意女毒既喱隻都可以一試.
PS.因為對AL未煲過, 我又係第一個試玩, AL既齒位尖到不得了, 好刺耳聽得有小小辛苦… 不過係未煲過既情況下都有咁好既聽感, 我相信煲好左會不得了
100分滿分我會卑90分 (我估煲好可以卑更高)

後記:
我自己一向比較鐘情日本品牌既耳機, 一向都係Sony派, 鐘意佢既衝擊同下潛既爽, 但隨著自己年紀既成長, 近年想減Sony味精, 想聽番多小小分析力, 之前試過Onkyo既E900m, 感覺涵接唔係咁好, 又介耳, 比較有興趣既係Audio Technica LS200, 各方面好平均, 不過用A2DC頭有小小麻煩, 今次試左Acoustune之後對佢品牌非常有好感, 單動圈可以做到圈應有既野, 又做到鐵既分析力, 喱方面好多牌子什或乎圈鐵耳機都做唔到
再等多一排等AL平多小小我應該會忍唔住入手 (如果有其他顏色就更好)

而除左耳機, 另一個比較驚喜既係Acoustune既耳機線, 我試過ARC01 (3.5mm) 同ARC02 (2.5mm) 佢既線比較百搭, 線身唔會太粗(比較ORB) 聽診小(唔算無, 好輕微, 原全接受範圍) 最重要係L頭!!!

總結:
Acoustune性價比其實算高, 耳機同線唔算貴 (當然越平越好啦) 耳膠又平又好用, 睇黎我已經有小小中左Acoustune毒, 自己本身用緊AET07同AET08 (用係XBA Z5同HDE10) 仲有AET16 (用係Westone UM Pro 10), 而家又心思思條ARC02, 遲d又可能入埋1503AL………. 如果佢出埋Player就不得了
Acoustune有無會員制可以有Discount架XDXD

以上為小弟個人感覺同第一次寫分享, 可能寫得比較差同詞不達意, 希望各位原諒