有冇揸開車既CHING?

wil-wil

一般洗費保險、牌費、油費、停車場、抄牌、保養等!!

要慳嘅，被抄少啲牌、好舊車唔泊車場泊爛地、改善架車習慣都幫到慳油費、保養睇你點搞，正常機油換足，其它外表野少做 !!

MSZ

車就緊係有平就買平，保險入油維修保養都會平啲。除非你部車係攞嚟溝女就另計。

ykluk

新車二手車既車價睇自己接受能力, 車場就睇天時地利, check車整車換油換軚呢啲平時又唔少得, 可以慳既可能係:

1. 泊街or泊車場 - 睇自己計算, 有人計過數一個月抄3-4次, 計落仲平過返工日日揸泊日泊. 小弟就盡可能唔泊街, 平時返工無咩需要就唔揸, 揸就泊爛地日泊, weekend就泊商場, 老婆一定幫到拎泊車單~

2. 入油 - 搵入油優惠最多既油站, 例如小弟永遠去石崗中石化入超油, 唔使入會只要多過$400就每升平$3.0. 又計過數入超油其實仲慳過普通油, 可能行高速多.

3. 換偈油 - 正常半年換偈油, 令副偈好啲用既油都少啲, 當然唔同師兄唔同睇法, 有人覺得每月換, 有人覺得每年先換, 又有人覺得永遠唔換, 睇自己諗法同經驗啦.

4. 揸車手勢- 平時狂踩油狂踩brake左窄右插做車神梗係要付出大, 保持住低轉數(1-2千轉)理論上最慳油, 睇遠啲路況慢收油, 唔使下下踩brake又比油又可以慳少少.

5. 保險 - 搵多幾間報價, 揸車小心啲保留多啲NCB, 分別可能係幾倍架.

6. 最慳揸車方法 - 唔好買車~!!

xhatax

最慳揸車方法 - 唔好買車~!!    X 2

joe_ho2

以我渣細cc車為例
最貴係停車場，一星期渣兩三次，一個月都入唔到$1,000 油
但停車場月租，一般都要$2,000 起, 有d屋園$4000 ~ $6000 都大把，即係你唔渣每個月都要比呢條數。
渣車返工，日泊都係100上下。其次就係隊道錢(如有)，油錢反而事少。

唔買車的確係最慳錢，不過有時就無咁方便lor。

kuka

渣細CC車囉,再唔係就搵部新D既車,新車既油秏都會做得比較好

alleelarry

善用各式各樣的油劵都好有幫助，今期入ESSO的話，400元油可另加65元油，平均每升平3.X！