Plasma調教後分享(#12再補相)

joelcan · 發表於 2018-6-12 23:52

本帖最後由 joelcan 於 2018-6-18 13:37 編輯

有幸得到Terry師兄出手調教小弟部pan記plasma 65VT50，感激不盡，因Terry師兄要山長水遠光臨寒舍，重要携帶佢嘅cal機工具，真係唔好意思，感激不盡！

話說小弟部plasma都用咗接近5年，其間當然不斷有補品補補佢，包括換電源線，電源線插頭加換Fuse，插belkin pure AV，加地盒等等，每次都有增益，亦用過spyder 4TV HD，教機碟等調教過，自覺相當滿意！所以當Terry師兄問我對部機有咩唔滿意，我都答唔出，只有覺得紅色有時較為多，對人物膚色有時唔多自然。黑位對比度相對就易掌握，但亮度白就比較難調教。由於plasma畫面及白色都係較暗及偏黃，但相對黑色較實及顏色自然，已經用第三部pan記plasma習慣其自然色調，VT50有ISF及THX兩種模式，但THX比較小深入調教，而ISF就相對多調教細節，但對普通人黎講都好難用肉眼去分別調教，所以只有參考網上調教資料用，但都算滿意，如要認真深入調教就只有專業用cal機及電腦器材才可以正式將一部電視機panel還原原有色調。
Terry師兄一路調教一路講解，十分用心，專業態度可敬！由於plasma暫無4K HDR等調教，相對只係還原原有6500K色調比較輕鬆，但pan記個remote就難控制一d…成日短時間單出畫面影響cal機…

經過一輪調教，最後cal機結果係除藍色無法還原外，但出機畫面有藍色位置都會比之前明顯有分別，其他都可以還原6500K色調，而黑位及白色細節位都更細緻！真係要再三多謝Terry師兄出手幫助！

以下就係用ISF mode深入調教盡面