搖滾大俠奏 - 簡報

245141525

搖滾大俠奏，聽個名都知勁！
睇埋陣容，嘩！不得了！
恭碩良、單立文、黃貫中、夏韶聲、鄧建明，唔係 Band 壇名星隊係乜？

Band Sound 就係有一種無形嘅力量，會令你越聽越熱血沸騰、un身un勢，五大猛人，組成一隊勁 Band，足以 rock 到你爆血管！

搖滾大俠奏，晚上八點三十分開 show，由“紅色跑車”展開序幕，佈置上用咗大廈做背景，再加兩大六細嘅 LED 屏幕，好型、好靚、好地道，好配合 HKBand 呢個主題，不過，有一個好大嘅問題，個 LED 屏幕都 delay 得幾緊要，睇得唔係幾舒服。





























好幾首歌熱完身之後，一個特別嘅環節，每人輪流唱一首代表自己嘅歌，畫面一路播出各人出道時嘅舊照，就好似講緊自己嘅故事，好感性嘅一個環節，聽到起雞皮，感覺到佢地對音樂嘅熱誠，感受到佢地嘅經歷，體會到大俠唔係咁易做。







HKBand，當然唱 Band Sound，有外國樂隊嘅歌，有各大俠自己樂隊嘅歌，當然亦有其他香港樂隊嘅歌，而 BEYOND 樂隊嘅歌比重算最多，相信係因為 BEYOND 樂隊係香港 Band 壇影響力比較大嘅原因。

有豹哥就無悶場，歡樂嘅氣氛自然由佢搞起來，但其實佢都係性情中人，一個對香港已故音樂人致敬嘅環節，豹哥講咗兩句就喊起上嚟⋯⋯





滿以為五位大俠陣容已經夠頂盛，原來都仲有特別嘉賓，特別嘉賓一啲都唔嘢少！竟然係葉世榮同豹嫂 (胡?蔚)，真係有啲驚喜，只係可惜世榮只係企出嚟唱咗兩首歌，無打鼓、無彈結他。



















整個音樂會各大俠嘅技術唔使講，每人都顯盡渾身解數，更加夾雜大量嘅 solo，而且 encore 都 en 近十首歌，幾乎想 rock 到你啃親先肯收手。



















Live show 幾時都係最好睇嘅，雖然唔平，但使錢講求性價比，呢個陣容，前無古人，後亦未必有來者，咁⋯⋯你話抵唔抵？

Msuper

樓主，睇到最後一張相片有 "太極" Gary，請問Gary_是否負責當晚演唱會彈 Keyboard 呢 ?
之前睇過網上資料， 豹哥跟家駒好老友，當年家駒出事有飛過去日本瞭解，到出殯時豹哥有負責扶靈，交情有多深厚可得知，所以感觸到落淚也理解！

HD_2

Msuper 發表於 2018-6-8 06:58
樓主，睇到最後一張相片有 "太極" Gary，請問Gary_是否負責當晚演唱會彈 Keyboard 呢 ?
之前睇過網上資 ...

唐奕聪係 keyboard

245141525

Msuper 發表於 2018-6-8 06:58
樓主，睇到最後一張相片有 "太極" Gary，請問Gary_是否負責當晚演唱會彈 Keyboard 呢 ?
之前睇過網上資 ...

係啊無錯，Gary 有份負責 keyboard 部分。
第二點都無錯，豹哥就係提起家駒就即喊，仲要係講唔到嘢嗰隻。

alleelarry

今晚輪到我地去睇

245141525

alleelarry 發表於 2018-6-8 07:57
今晚輪到我地去睇

正啊！
睇完話我知今晚有咩嘉賓。

小瑟

正呀~~~~ 精精佢~~~

lamwaikit007

昨晚看了 “搖滾大俠奏” 演唱會。整晚唱的歌包括了他們各人自己的歌外，也有唱其他樂隊的歌曲以向他們致敬。今晚有 世榮 和 豹嫂 做嘉賓。由8:30唱到11:30，滿足喜歡聽歌的我了。

唯一唔喜歡的是，真的唔喜歡聽 恭碩良唱歌 和 有太多說話的時間，若果省略一點，儘量以歌會友 會好D。

雖是不喜歡恭先生唱歌，但作為音樂會的鼓手，他做得好好。要知道演唱會的鼓手，絕對不易做。整體評語絕對好睇。

想香港繼續有Band Sound，繼續支持他們吧。

HD_2

其實夏韶聲有二首歌一定要講。迷惘夜車。別人的歌。估唔到係好正

manid903

昨晚是座上客，作為一個普通樂迷可能會感到滿足，但主題是搖滾樂及對一班識玩音樂的朋友，根本是一場浪費時間的魚旦show! 好睇？ 唔識玩音樂果d 人咪話好睇囉！
第一，也是最令人失望就是黃貫中，狀態差，彈結他，唱歌甩到阿媽唔認得，Beyond d 歌唱咗幾廿年都入錯彈錯，solo 位好明顯就係一堆scale 狗 jam，肯定佢沒練野！
第二，佢頭段語無倫次，又亂爆情緒，明顯精神狀態有異，咩原因大家明啦，到中後段精神狀態好番少少，但坦白說，佢不復當年勇，彈奏技術及整體演唱水平唔得！有幾首其他成員的歌直情失蹤走番去後台，其他4 人繼續唱
第三，夏爺成晚除了唱幾首名曲及cover ，打下rhythm drumming ,拿支結他撩兩撩外，行行企企又一晚，但保持水準佢係最好！
第四， joey tang 支fender strat 成晚彈一首歌tune 一次，走音走到爆，通利班友唔知害佢定玩佢，拿番支PRS 頂足一晚算la,佢，jun .豹哥始終係session 佬彈野叫穩定少少，但無驚喜可言
第五。rundown 問題： 豹哥全晚TVB  主持式廢話over 咗，揀d 好歌唱好過啦。全個show 有1/3 B 記同黃貫中的歌，大佬呀，beyond 記念晚會嗎？
後記： 一個準備不足，咁嘅質素的演唱會，如果要自己比錢買票睇就一定唔會，哂錢哂時間，除咗佢地係一班老屎忽，加個paul 係度略有叫座力，咩叫做gd show?! 呢d 就係所謂港式演唱會啦，樂迷咁都收貨的話，咁應該睇多d 外國制作的show 吧！