4K《紅雀特工》港版入手 + 初步評測 (實物圖)

Hugo Fok · 發表於 2018-6-5 12:15

之前見到評價頗為兩極, 心大心細下最終無入到戲院睇呢套《紅雀特工》, 而家出碟睇翻其實都唔系大家講到咁負面姐。以碟論碟我覺得呢套片既原生 4K 畫質其實數碼味比較濃, 屬於 AV 友中意個鍾清、sharp、利感覺, 無論演員演繹或是畫面取向都有點 "去人性化", 同壓抑感。畫質最驚喜位系電影開頭 J.Law 上舞台表演同男主角出場公園平衡時空敘事一幕, 舞台上的每個細節、顏色 (特別是紅色) 在水銀燈照射下都營造出非常好的現場感。至於男主角在出場一幕. 公園的燈光雖微弱, 但系 4K HDR 輔助下極明、極暗處的細節都得到充分的保留, 空間層次的還原力都非常強。雖然呢套主要以劇情為主, 但 Dolby Atmos 除了在配樂、聲音的空間細節上面為電影加持外, 在整體聲音氛圍的營造上都有唔少幫助, 提升大家入戲程度。此片比較可惜的是大家期待 J.Law 的 "肉搏" 情節非常點到即止, 返而怕見血 (暴力) 的一眾觀眾就要有多少心理準備... 鍾愛寫實派諜戰片既朋友, 呢套片其實都算系新嘗試, 值得一看。

allen89 · 發表於 2018-6-5 12:58

本帖最後由 allen89 於 2018-6-6 00:55 編輯

依套嘢，畫面首段，表演場，暗光隧道，和之後有酒店內境燈光，試HDR對比和立體感一流。之前估唔到套戲是咁寫實, 我幾鍾意，一路以為是女版占士邦之類片。美中不足是覺得，女主角珍尼花多小小俄語對白會入D，像電影"追擊赤色十月"辛康納利演的蘇聯潛艇艦長咁。相片之前已post過，手機直出