紅海行動 BD/UHD

Cogor · 發表於 2018-7-22 00:44

小弟亦同時比較過港版Dolby Atmos及美版dtsX，發現以下分別：
1. 片首直升機上船救人一幕，美版dtsX配樂音量過大，蓋過其他效果聲，槍聲比較偏尖及薄，無咁順耳。
   而港版Dolby Atmos無配樂音量過大嘅情況出現，槍聲比較厚實，順耳有力，包圍感較好。但好搞笑，反而直升機葉喺Dolby Atmos下唔喺好感覺到喺頭頂盤旋，反而美版dtsX就好明顯?

2. 美版dtsX同樣地去到巷戰一幕出現配樂音量過大蓋過其他環繞音效，尤其喺字彈橫飛及開槍嘅聲都好似無乜力水咁。
反而港版Dolby Atmos就好好多，配樂音效較細聲，子彈橫飛及槍炮聲震撼度提過，爆炸嘅低音亦加強了，但美版dtsX爆炸嘅低音就無乜（全套都喺）
*有一樣想提下，天花喇叭出聲喺呢套都非常多，尤其喺因爆炸所產生嘅沙石及碎片等，由天花喇叭所營造出嘅沙石粒嘅細緻度喺非常高，美版dtsX喺呢方面略勝一籌！

3. 去到中段蚊龍喺荒野被逼擊炮伏擊一段，大場面爆炸力細緻度都喺Dolby Atmos略勝。
   之後到僑裝入城救人，整體都喺Dolby Atmos較美版dtsX好，不輪槍聲，發炮聲及爆炸聲。

4. 沙漠3對一坦克互搏，睇到異常緊張???，兩重音效營造氣氛非常好，但沙塵暴整體包圍感，都喺Dolby Atmos較好，四隻天花喇叭感覺非好。

5.  到最尾搶黃餅一幕，整體亦喺Dolby Atmos較突出，尤其喺槍聲，當直升機重機槍往下射時，Dolby Atmos都喺較美版dtsX更有質感。
其實美版dtsX嘅槍聲由中段開始都比較有力水及質感?

整體Dolby Atmos勝出，港版看來造3D音效方面開始有進步，有史以來聲畫都達頂班，試機必備！誠意推薦??‍♂️