The Road of No Return : DIY Helix 喇叭線

leojai

會否和正極銅箔有關？？銅箔應該偏高音D,
改變少少包圍角度改變這麼大!!??之前喇叭線,一般都是互繞的

KKU

Alman兄，直至現時，你比較過其它做線方法，用Helix來做音響線是否最好聲？(用相同的線材)

Alman

leojai 發表於 2018-6-4 15:36
會否和正極銅箔有關？？銅箔應該偏高音D,
改變少少包圍角度改變這麼大!!??之前喇叭線,一般都是互繞的 ...

相信是有關係。 互繞一方面減低電感， 另一方面cancel noise。 Helix 也稱減低noise 。 點都好， 試整多幾對Helix 便有眉目

Alman

KKU 發表於 2018-6-5 15:02
Alman兄，直至現時，你比較過其它做線方法，用Helix來做音響線是否最好聲？(用相同的線材) ...

暫不能肯定。 例如 之前的 RCA Silver Bullet + Neotech UPOCC silver  X 2 + VH Audio OCC copper X 2 twisted 方法 再接電池非常煞食， 同 Helix 的 Xhadow 頭 + Duelund
油棉silver 線 + dead soft copper 平起平坐。 而 Helix 紫銅電線則殺低 古河， 但Helix 紫銅電線仲未同其他比試過。 小弟下一步會試把Neotech 雜錦喇叭線改為Helix， 睇下會點。
今次helix 喇叭線的啟發是用料方面並非絕對， 正負極可以不同質素嘅線材，似乎cheap cheap 紫銅或者死軟銅做負極已有好效果。

這幾天沒有時間再聽半helix銅箔喇叭線，  但人不在心在，每日都開機幾個鐘煲佢，今個周末可以認真試聽了

Alman

半helix銅箔喇叭線試音分享。

這兩日陸續聽了這對線， 結論是點解平價普通線材都可以出到如此好效果？ 16 awg銅箔線 約 HK$120 30 feet, primary wires $ 60  25 feet。。。

同之前一對 helix 死軟銅分別是這對線的低頻會鬆容D，（ 前一對則納得緊D）， 音場則半helix銅箔闊大DD， 死軟銅會focused 兼肉緊少少。高音兩者差不多。 不得不提半helix銅箔喇叭線的分析力好勁， Belfonte的唞氣聲下下聽得清清楚楚。。。。。奇怪的是聽貝多芬第九最尾樂章， 中間那段兩三下觀眾咳聲位置比之前唔同咗： 其中一下是中間偏左而非正中。。。

補充的是今次試音用了兩對RCA： Silver Bullet／UPOCC silver／VH OCC copper 及 Helix Xhadow／Duelund oil cotton silver／dead
soft copper: 後者配起半helix銅箔喇叭線的聲效更開放及relax， 莫非版主的主張全線愈使用helix 效果愈佳是對的？那就斃了， 有排改。。。。

今次試驗又再撩起diy蟲， 趕快把存倉的 全copper foil 喇叭線攞出來改為Helix 。 若有時間，會把Neotech 混交喇叭線出場會一會Helix 先得。

Alman

今日搵嚟 Neotech 雜錦喇叭線 會一會兩條 Helix，

先講講 Neotech 的盔甲： 去喇叭的叉用古河， 接amp嘅用WBT； 線身用上不同Neotech 的UPOCC 線twisted 而成。 一向都係佢霸住個位， 直到被紫銅電池線取代為止（輸給氣勢）。

第一對Helix 線dead soft copper helix 以 long grain copper 喇叭線， 雖未夠熱身，即取代紫銅。 第二對銅箔helix 以 primary wires， 尚在煲練中， 未能言勝， 但也極具實力。 好奇心想
睇下Neotech同helix 新貴有何差距。 點知。。。。。

聽完兩首音樂， 已把Neotech 取下， 換返Helix 死軟銅。最大原因係Neotech 無氣無力咁。 雖然細節同helix 一樣， 甚至音場會闊D， 但整體背景縮後變細， 抓不著癢處 ，令人不耐煩。  

不過今次好有收穫： 比較之後， 決定拆皮Neotech ， 使之成為Helix 一分子 。  另一方外面， Helix dead soft copper 喇叭線用了同等長度的 線去 helix， 會把它改為3 倍長度的 primary wires， 以更符合版主原創。有一想法是把負極helix 現用的primary wires 改為 由 Solen inductors 拆出的magnet wires （相對價錢平）。 多年前用過佢整喇叭線及電線， 好有效果。 。

KKU

Alman 發表於 2018-6-17 05:35
今日搵嚟 Neotech 雜錦喇叭線 會一會兩條 Helix，

先講講 Neotech 的盔甲： 去喇叭的叉用古河， 接amp嘅用 ...

咁即係 Helix比較好，但做線真係幾辛苦，佩服Alman兄你的精神！

Alman

真係愈長愈好？

準備把死軟銅喇叭線負極改長， 倒不如把另一條未用的去整， 變成多一對線。 helix 負極版主建議用比正極長2.5倍， 但可隨意試其他比例。 至於 2.5倍是如何得出則沒有說明 （trial and error?）所以今次這對線就用盡那卷25 ft 10 awg primary wire, 變成 約 1： 4。

這對helix 線的正極 6 ft 長， 負極 25 ft， 頭尾分別用拆自Neotech的 WBT同 Furutech 的 叉。 整好後只能拿拿林聽了一首歌： 同上一對死軟銅比， 真係有分別。。。。。

Alman

在此補充一下新Helix喇叭線效果。

同上一對死軟銅比， 真係有分別： 分別在於高音有所提升， 低頻直頭authentic， 成套gear好似食咗大力丸， 音場擴大。  西人常用的形容詞是  across the board improvement。 奇怪在用同一組死軟銅做正極， 只是改為更長helix（普通質料） （當然計埋WBT同古河connectors)， 竟然有如此大分野。 最少間接印證負極helix 愈粗及愈長越好。

初時聽D低音有些不習慣， 但煲了一些時候， 覺得會收返緊D。至於音場變大到好似坐係好前廳， 一樣唔慣， 不過， 睇得Youtube 的演奏多， 知道原來觀眾同stage之間可以好近： 好似買了貴飛坐係前排聽音樂， 何不為之？

小弟既被蟲咬到樂此不疲， 下一步是把 Harmonic tech 純銀喇叭線與紫銅喇叭線二為一體， 實行來個biwire Helix也。

Alman

哈哈， 今日突然覺醒： 何必捨近圖遠？

之前不是已經整好兩對helix 喇叭線嗎？ 只要徵用佢地， 即可走bi－wire， 唔駛整銀／紫銅嗰對住。。。  





小弟其實試過biwired 的甜頭， 但用料了Duelund 油絲銀jumpers 之後已被其（音）色（所）惑， 沒有 離棄之心。 今次helix的功力已超越感情枷鎖， 一於客觀地去檢視一下究竟Duelund jumpers好D 定 biwired helix 好D。。。。。。本週末就來個 helix bi wired 分享