《大娛樂家》4K UHD (實物圖) + 初步評測

Hugo Fok

仲有入到之前大家話超好聲既 4K UHD 《大娛樂家》... 反覆比較過 2K 同 4K 版本既畫面,  4K 版除了係質材細節既表達力方面有明顯提升之外, 空間立體感 (如人面特寫鏡頭) 都有所強化。
估計大家對 4K 版既著眼點必定係其獨佔的 Dolby Atmos 規格, 片首 <The Greatest Show> 一曲在 Atmos 加持下令音場更鋪天蓋地，低音動態更入心入肺之餘, 整體分析力及線條細節亦更豐富。呢套片可算是首首金曲,  絕無欺場,  但硬要挑一兩個必試 CHAPTER 的話, 我會推薦 <The Greatest Show>、<Come Alive>、<Never Enough> 同 <From Now On> 幾首, 當然 <This Is Me>、<Rewrite The Star>、<Other Side> 等都非常之正...  遲下有時間再出篇詳盡評測, 同大家分享返邊 D 系最最最無限 LOOP 推介...

Whysee2017

開頭段揼地聲...一黎就試到聲

takethat3t

大娛樂家藍光收錄的DTS MA7.1的低頻要勁過杜比全景聲好多，量感高了一截

Hugo Fok

咁奇怪！！？今晚返去再 try 多次先

kitman688

唔計auro 3d我聽過此戲的美版4k和bluray幾十次，但其實atmos巳經好聲……只不過要比平時開多2db左右，而bluray的dts hd7.1經我套機的neural x一轉之後，在聲音密度和低頻動態的而且確比atmos更好聲，所以呢套戲我睇bluray會多過4k,可能因為我玩影音追聲多過追畫！所以都係果句……千其唔好以為新制式環繞聲一定好聲過久制式環繞聲，現實並不是這樣，耳聽為準最實制！

kitman688

多口講多句，隻港版bluray我都聽過，巳經好好聲，伹和美版相比都重要距離一成左右，主要是低頻線條、質感和動態都是美版好小小！

saint@silver

本身小弟剛開始的時候對呢套戲興趣不大，因為本身喜歡科幻，災難片，但見各位師兄之前有咁高評價，便買咗隻4K. 可能本身冇乜期望，反而比我嘅感覺，效果非常好，尤其是一開始既第一首歌，估唔到佢嘅低頻咁勁，加上我係夜晚11先睇，個環境非常靜，真係不得了。

整體來說，呢套歌舞劇真係唔差，值得推介

takethat3t

今年發行的4K UHD，AVS畫質打100的唯一一部4K就係大娛樂家