[定の影評] 『DESTINY 鎌倉物語』(DESTINY 鎌倉ものがたり)

阿定 · 發表於 2018-5-11 09:27

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由阿定於 2019-8-10 16:02 編輯

話說今年年頭去日本時，已經見到鎌倉物語鋪天蓋地的宣傳，不過唔識日文無可能入場睇，所以有點期待香港會上映，之後三月台灣上映，香港都仲未有聲氣，已經有少少想等出碟，幸好香港係出日版Blu-Ray前就上畫了，昨天第一時間入戲院睇，日本一向對奇幻電影有一手，今次特技同化妝都比想象中好好多，如果與神同行的特效你都接受到，咁呢套就更加可以話係一流，不過一套戲好唔好睇，好講故事同演員，日本故事節奏一向較慢，但呢套節奏算明快，戲中有好多故事細節位非常用心，當你睇到尾時會有，啊，原來係咁的感覺，故事係講男主角一色正和(堺雅人飾)去黃泉救新婚妻子亞紀子(高畑充希飾)，所以理所當然有唔少溫馨感動位，絕對唔會覺得好做作，堺雅人同高畑充希都做得好好，配角亦都係日劇常見的實力派。

[youtube]A-3cBLiID5A[/youtube]

片尾會有宇多田光創作的電影主題曲《ANATA》（あなた），電影公司好有心，譯埋歌詞做中文，呢首歌作為76版友，我相信除非你唔聽日本音樂，否則無可能一次都未聽過，宇多田光親自根據原著創作，配詞，導演山崎貴，男主角堺雅人都對歌曲讚不絕口，戲院所有人都坐定定聽埋先走，以香港人咁心急的性格，無片尾彩蛋都無人走，可見十分難得。

[youtube]UPGgMhxNXQ8[/youtube]

最後講多兩句，呢套戲日本票房有30億日圓，咁30億即係一個什麼的數字呢？比個例子大家，全球票房都好勁的復仇3，係日本首兩周票房係25億，係咪突然覺得鎌倉物語都幾勁呢！