膠出了味來： KLE 頭 （切磋分享）， 跟住玩猜皇帝

Alman

話說改了前級電源供應， 換埋Mundorf 電容一路聽一路煲， 音色越來越有味。 以前整咗咁多RCA線， 不如慢慢逐對再試， 聽下有無突破都好。

於是把聽開的KLE Absolute Harmony 頭 + Duelund 1.0 + OCC6N 鍍銀電池線換上KEI銅頭／Duelund 油棉銀線（+）UPOCC silver （－）+ floating ground 電池線, 一試之下， 立刻醒了醒：  D聲非常清晰， 人聲好立體， 高低平衡但低音量無Duelund 1.0 咁豐滿。今日試埋另一對灌沙Neotech 金銀 線+ Duelund 0.5 用 KEI copper 頭, 嘩！聲音生猛更活潑， 整體線條更出，低頻有力兼有impact， 以前出唔到這個效果，真係喜出望外。。。嘅然係咁， 不如就用現有四對KEI頭所整嘅線來個切磋， 似乎貴價的KEI頭會佔不到便宜。報告好快奉上。

raylee

Alman 你整落咁多線， 有無俾加國的發燒友聽下？

Alman

raylee 發表於 2018-5-8 07:22
Alman 你整落咁多線， 有無俾加國的發燒友聽下？

Ray 兄：

所謂獨樂樂不如衆樂樂， 但係在此加國小城（10萬人口， 算是中等城市了）， 正式hifi店都無間， 何來發燒友？ 上次garage sale加埋登本地二手市場網站賣diy喇叭線都冇人吼 把心一橫， 不如下次返港帶幾條／對線送比同好分享！

Alman

陣腳大亂

正準備來個膠頭切磋， 點知出了亂子， 就係用copper KLE那兩對線（灌沙及Duelund 棉油銀線）時， 多次間唔中左聲道（同是左聲道！）突然慢慢變細聲／無聲， 關機拔出度continuity OK，重新接駁又無事 ， 花了不少時間找出問題所在不果（改用其他線毫無問題！）。  小弟懷疑這兩對線的接觸不良所致（因線身硬， 後面空間擺放了地盒BGT盒後有限， 令線身中段要翹起， KLE頭迴路只係一點接觸， 所以有所影響。 Duelund 棉油銀線在小弟把膠頭用指頭壓緊後好似冇此問題， 但灌沙對線依然如此， 可能要拆開才有答案， 決定把它飛走， 換上另一對早期膠頭： Silver Bullet + UPOCC silver (+) +  VH  Audio OCC copper (-)  電池線補上。 由於小弟鍾情Duelund 油絲線，這對線先前不被小弟重用，今次前級有所提升， 加埋一大堆盒所助， 一試音時即令人耳界大開， 應有切磋資格了

Alman

刮目相看。。。

所指的是補上的Silver Bullet頭線。  原本打算先讓這對久被雪藏的線熱下身先至切磋， 點知一聽不能自拔， 晚晚要聽下先安樂 佢同其餘三對KLE頭不同之處是高音較柔和更舒服， 低頻更豐滿，空間層次定位特佳，聽到的音樂更lively， 真係估唔到。 未上陣已經先聲奪人， 佢有何特別？於是攞出記錄表（記錄各頭用料）再查看：  Silver Bullet + UPOCC silver  X 2 + VH OCC copper  X 2,  加網接電池。 對照其餘膠頭線， 令小弟有所啟發。

點都好， 今個周末就知鹿死誰手也

jeansky

期待比試結果

Alman

終於可以一較高下。。。。

出賽線：

KLE Absolute Harmony + Neotech silver/gold + 20 awg OCC 6N silver plated copper + copper wire floating ground



KLE Absolute Silver + Duelund 1.0 + 20 awg OCC6N copper



KEI copper + Duelund 26 awg oil cotton silver + UPOCC silver + silver  wire floating ground



Silver  Bullet + UPOCC silver X 2 + VH OCC copper X 2



組合：

GG 膽前級 + Anthem 膽後級



Cambridge Audio CD player （transport ） + MSB DAC



喇叭： Focus Audio 688



試音CD ： 人聲： Feelings   蔡琴： 機遇    Belfonte 現場： Sylvia       古典： 聖桑骷顱之舞 （全以同一音量播放）

方法： 每播一首歌， 輪流以四對RCA線去試； 第一對線播該首歌即為baseline 線。

女聲Feeings

先以Silver Bullet 出場， 低頻豐滿鬆化， 轉notes時聽得清楚， 人聲有肉夠厚， 背景音樂線條清晰， 前後感空間強， 正正正！

跟住出KEI Absolute Silver:  同silver Bullet 的表現不相伯仲， 只係全頻會高些少。 高音會去得『有味』D， 正正正！

KEI copper ：整體音壓較細， 低音量少咗， 人聲乾咗D， 背景音樂無咁清（令人有點失望）

KEI Absolute Harmony： 低音較頭兩對線收斂D， 演奏比較平面， 分隔度有些濛，人聲冇咁有肉 （整體好過對上一對）

蔡琴機遇：

KEI copper 先出場： 鋼琴無力， 泛音拘謹， 琴音高低對比欠奉， 蔡琴唱得吃力咗D。

KEI Absolute Harmony： 實力返來了! 琴聲有力， 泛音出， 人聲夠厚兼夠中氣， 換氣唞氣聲夠明顯。

Silver Bullet： 表現同上一對相似， 只係泛音無咁响。

KEI Absolute Silver： 泛音最長， 混和在空中唔散咁， 人聲鋼琴聲同Silver Bullet 一樣咁掂。

Belfonte Sylvia：

這首歌除了試人聲， 可以試埋現場感同 舞台感， Belfonte 站於台中演唱， 左面有結他伴奏， 左後有和唱， 身後有觀眾幾下咳聲。

先出場的Silver Bullet吸了小弟的attention， 左面結他好清晰， 和聲咳聲清楚，人聲好有肉好focus， 空間感強， 正正正正！

KEI Absolute Silver： 依然同Silver Bullet不相伯仲， 但左面的結他更清晰， 整體畫面較前。 正正正正！

KEI Absolute Harmony：人聲方面無輸蝕， 各方面都正， 只係低音大提琴無去得咁低， 同埋分隔度有些不及。

KEI copper： 一句講晒： 線條清但欠水份， 尤其低頻收得好多。表現 好難同以上比較。


聖桑骷顱之舞：

這首小弟至愛， 差不多每日必聽， 對其演奏旋律瞭如指掌。 KEI copper一開聲， 已知不堪一擊: 單薄， 平面。 （ 奇怪了， 起初的驚喜竟然不見了！）

KEI Absolute Harmony： 空間感夠大， 但整體欠些impact， 定音鼓好似唔夠清晰。

Silver Bullet： 又一次令小弟興奮， 高音得來唔刺耳， 低音大提琴非常彈跳， 分析力好好， 最欣賞是其節奏感， 令人腳印印。。。。

KEI Absolute silver:  又同子彈打成平手！ 如要講出分別， 就係佢似銀聲多少少

好了， 寫到此為止， 各位應知今次切磋結果也。。。。。。這次結果會否跟頭的級數， 線材， geometry 有關， 有時間再研究了。

稍後這兩對雙冠軍會應付其餘線的挑戰。 至於KEI copper， 小弟打算將其煎皮拆骨， 打造另一對線 （採用Helix 方式）

jeansky

即係KLE老頂 absolute harmony都冇silver harmony 咁好?

可能duelund 都有影響

Alman

jeansky 發表於 2018-5-14 07:47
即係KLE老頂 absolute harmony都冇silver harmony 咁好?

可能duelund 都有影響

小弟認為Duelund 油絲線是關鍵。

jeansky

Alman 發表於 2018-5-14 10:37
小弟認為Duelund 油絲線是關鍵。

師兄   有冇玩過VH audio o既occ silver 線?