《復仇者聯盟3》

freestylemen

又先黎評分，評語是「無理由唔睇」，個人認為好過過去兩集，主因劇情豐富得黎又唔散，所以幾時都話最緊要係一大條主線壓住，枝節有幾多都無問題。
首先漫威一向是爆米花電影，沒有說教主題，只說打鬥，絕無冷場，例牌笑料簡單而令人發笑。唔計「無厘頭出現」，整套戲流暢度甚高，慶幸沒有犯復2同英雄聯盟的超級錯誤，兩套的死因是歹角是大茄，睇完便忘記，弱過藥煲，用不著咁多人圍毆。
今次歹角之強，集合眾人仍難以匹敵，最重要是深入描寫，有血有肉，此點是非常難得，唯一禿鷹比到我這種感覺。力量分布不均是一個問題，角色始終有強弱，要彈的實在是講唔過去，弱角打散仔可以強過其他人，算是瘕疪，不禁脫口一聲有冇搞錯。
今次擺明實在太多野講，正常一套好戲，起承轉合，呢套去到一半，互不相識到合作，合作到不敵，還未到「轉」「合」便停了，來個反高潮，迫大家追下集

mike384

睇左, 都OK, 叫做精彩啦.
18套MARVEL 電影中我除了HULK都有睇, 最喜歡的還是美國隊長2, 3都唔錯, IRONMAN 1同GOG 1亦OK, 其他就算吧啦, 尤其係THOR, 三集都好難睇(第三開始正常DD)....

TYLEEDON

超級精彩，係咪無交代到valkyrie去左邊? 我理解係佢同啲居民一齊被人秒左，影都無

NETDSL0100

有睇過漫畫,唔知應唔應該講下一集會點係同最後個標誌有關

chakat

今天才去看，可算精彩，最少在旁的太座冇訓（之前多集都訓咗DD），內容緊湊得來總覺得可以去盡D，不知是否要顧及小朋友觀眾，本來今次故事應該很沉重的，應該可以拍得更慘烈及悲壯的，但也只是輕輕帶過，還在當中加插笑位，可能這便是Marvel和DC的分別吧！隨著今集的結尾，其實不難估到下集的發展，最後大佬其實也沒有想像中咁無敵。。。。目不暇給的娛樂電影，也許不應有太沉重的觀後感吧！ 最最後補多句，和太太討論六顆能量石結合可以實現最終大佬的理想的設定時，竟然談到七龍珠能實現夢想云云。。。

小瑟

chakat 發表於 2018-5-1 19:05
今天才去看，可算精彩，最少在旁的太座冇訓（之前多集都訓咗DD），內容緊湊得來總覺得可以去盡D，不知是否 ...

上次我同太太睇唔知邊套(又係我BUY既打打殺殺片), 佢竟然訓左半場!!!

小瑟

NETDSL0100 發表於 2018-4-30 21:15
有睇過漫畫,唔知應唔應該講下一集會點係同最後個標誌有關

我睇左HK01篇文, 估唔到 Captain Marvel 原來咁勁~~~

【復仇者聯盟3】Captain Marvel下集出場？　7大逆天能力鬥Thanos

https://www.hk01.com/%E9%9B%BB%E5%BD%B1/183266/%E5%BE%A9%E4%BB%87%E8%80%85%E8%81%AF%E7%9B%9F3-captain-marvel%E4%B8%8B%E9%9B%86%E5%87%BA%E5%A0%B4-7%E5%A4%A7%E9%80%86%E5%A4%A9%E8%83%BD%E5%8A%9B%E9%AC%A5thanos

《復仇者聯盟3：無限之戰》上映不到一星期，但票房已高達4,500萬，在場場爆滿的情況下，相信不少人已入場欣賞過這套被譽為Marvel史上最精彩的電影。
劇情方面就不方便透露，不過整套《復仇者聯盟3》其實都在鋪路讓Marvel史上最強英雄出場，佢就係Captain Marvel（暫譯：驚奇隊長）。


電影版的Captain Marvel將由貝兒娜森（Brie Larsons）出演，但因外表太有鄰家大嬸感覺而飽受批評。

祖迪羅會演第一代Captain Marvel　（該段有彩蛋劇透︰慎入）
有坐到尾看片尾彩蛋的觀眾都會留意到，Nick Fury最後是打俾一個超級英雄，而所顯示的Logo正正係代表Captain Marvel，到底她有甚麼神奇力量，可以讓她一個救全家？擊敗一整隊復仇者聯盟都拿他沒法的魁隆Thanos呢？將由貝兒娜森（Brie Larson）飾演的Captain Marvel本名為Carol Danvers，本是一名美國空軍飛行員，而且是一名不折不扣的人類。後來在一次意外中與詭族（Kree）的DNA融合，獲得了詭族的力量。然而，第一代Captain Marvel將會是由祖迪羅Jude Law飾演的Mar-vell，而Mar-vell是天生的詭族。詭族是一個擁有高度知識與文明的族群，外表與人類相近，但部分詭族的皮膚是藍色。由於詭族的星球重力、環境與地球有很大差異，所以他們到達地球後可以擁有比人類更強大的力量。而Mar-vell就是一名外表與膚色都與人類無異的詭族，Carol Danvers要一直等Mar-vell死後才得到Captain Marvel的名號。

NETDSL0100

小瑟 發表於 2018-5-1 19:46
我睇左HK01篇文, 估唔到 Captain Marvel 原來咁勁~~~

【復仇者聯盟3】Captain Marvel下集出場 ...

佢屈哂機佢應該算係宇宙級數