虛擬實境 Sandbox VR遊戲《海魔的詛咒》試玩報告

阿定

相信大家都知什麼是虛擬實境(VR)遊戲了吧，家用的Playstation VR又好，去日本時專登去VRZone玩孖寶賽車VR都好，都係移動不算太大的VR遊戲，今次要介紹的係超真實境(Hyper Reality)遊戲《海魔的詛咒》，遊戲就好似電影《挑戰者一號》咁，帶上VR眼鏡後，就直接走入全方位360度虛疑世界，同朋友以合作模式一齊解迷打怪，找出寶藏後盡快逃離海盜船



遊戲係一間超大的房間進行，場內有好多Sensor用來捕捉玩家的位置同動作，後面有武器庫，側邊亦有用來增加遊戲真實感的風扇，帶來的袋袋可以放係圖中左手邊的櫃入面，非常貼心



裝備方面，除了有VR眼鏡，耳筒外，還有白色波波的動態捕捉裝置，同埋超強的體感背心，著上呢件背心，會讓你比人斬時感受到由上到下的震動，雖然無電影《挑戰者一號》咁誇張，但絕對超級過癮



遊戲設計係合作過版模式，最少2人，最多6人，當日去玩時，我地一行共五人，開始遊戲前，要揀一個隊員做隊長，之後換上裝備，正式進入虛擬世界，各自揀選遊戲造型角色，武器後，遊戲正式開始，遊戲途中，有廣東話提示大家，當然亦有英語或國語揀，唔駛太過擔心過唔到版，整個遊戲大約25-30分鐘，有唔同類型的敵人攻擊你，由於係360度全方位無差別攻擊，所以當你掛住打前面時，後面就會比人攻擊，如果無同隊友好好合作，就會變得非常手忙腳亂，遊戲真實感極高，完美程現身處鬼船的真實感，留意番隊友係遊戲入面已經化身成獵人，所以只聽聲其實都唔係太認得誰是誰，大家揀完角色記得通報一下自己揀了什麼造型啊。



最後我地死於最終Boss，未能成功完成遊戲，非常可惜，遊戲完結後亦會有各隊員的評分，打唔爆機，女隊員比男隊員更不甘心，明言打算找天再挑戰一次

總結: 如果大家打算去玩，記得預早上網約期，一來不設Walkin，二來繁忙時間都多人Book的，個人建議最好4-5人一齊玩，遊戲無需太多體力，亦唔會玩到頭暈，唯一問題應該係笑到或叫到無力

預約網址：https://sandboxvr.com/hk/booking

官方介紹：https://post76.hk/thread-274744-1-1.html

收費：每場 $180／人（星期一至五 11am-6pm）
每場 $280／人（星期一至五 7pm-11:15pm、星期六、日與公眾假期）

alleelarry

一個字：型