新玩具 203 LG C7P 分享改LG電源

Rakehell · 發表於 2018-4-24 01:14

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

話說今年花紅好少

，不如豪D使咗佢
行過 AV 奶，見到 C7P 個價好靚仔 ($23隻牛，送電視UHD碟機百佳現金券)，個 Plasma 又保養完咗
不如 Upgrade 晒去 4K 啦
結果入左隻 C7P 同埋 203. 即刻將203無痛摩改電源板.

其實大把師兄一早已入 B7/C7 同 203/205 , 都無乜都Share啦, 不如 Share 下改 LG 電源啦.

我一早問個 Sales, C7係咩尾插架? 佢答錯左 8字頭 ! 等我仲爭D做好條線等新機黎到即刻用! 其實條電源線係入機，又短!
所以把心一橫，過左7日就換鬼咗佢!
上網睇咗好多資料，都係話LG條線換唔到，一係就造一個IEC盒子.
個人好懶咁諗，造個盒又係煩，造條線又係煩，不如少D connector，直接入機啦

以下係*極極極*不專業分享，請盡情恥笑我馬虎求其啦

1)準備線材:本身用緊 Nanotech Power Strada 305，諗住淨係搞條尾就得. 點知，睇相就明，個接線位好幼，條305真係變左巨蛇完全入唔到!
頭痛地搞咗好耐，屋企得條 Neotech 4003 係最幼，好彩線芯逼逼地都入地插頭! Fuse就用開4K屎.

2)甩板:個 Cover 只用一口螺絲，幾秒鬆咗，之後撬塊板出黎，用一樣野就得啦，就係[力] !

3)甩線:個白色扁端子插得好鬼好鬼實，左右向有一個卡位，按下後[用力]拔除就得喇，手指開始痛喇...

4)用細橫批按下銀色端子輕鬆除線.

5)度好線長，用自己極求其方法又紮又黐膠，令到條線咬實塊板，令端子唔需要乘重.

5)自備 4.8mm 端子，接好L N線，用專用鉗夾實

6)大家唔好參考呢幅圖呀! 我個端子前後調轉左入，係錯架! 及後修正但無圖。

7)插入，新端子好實，要用力! 上板，搞掂!

報告:

睇電視畫面呢，我就真係分唔到有咩改善. 我唔會吹水話點好點好，係唔覺就係唔覺 (其實本身未換線都好滿意，所以無失望)

但係呢，聲音方面真係有改善，低音實淨，大聲都唔會拆。用黎睇 network/video 好滿意!

最最最滿意就係換走咗條 cheap 雞白色線，呢個心理滿足最大!

多謝收睇。