AK Kann vs Sony NW-WM1A 你會選擇邊部???

wing.wing11

freesongbird 發表於 2018-5-20 14:36
買了NW-WM1A, 現在想買條4.4MM 線.

快d去星際或者信和一轉 直接買條4.4線煲下部wm1a

Thxdtsdd

同意，黑磚 4.4 比 3.5 好太多，快去買 4.4 線吧。

freesongbird

4.4mm 線, 要高頻清D, 但齒音不能尖, 要圓滑, 有咩推介呀?? HK$3000 左右全新, 不要二手.

RonaldWoo@G

freesongbird 發表於 2018-5-20 02:17
C兄意思是這配搭底噪好明顯聽到?? 還是完全沒底噪呢??

底噪高到嚇死人，對仙女來說，KANN推力過高，選KANN，IEM阻抗最好16 ohm以上吧，黑磚配仙女好好多。

唔係話AK唔好，仙女配702或380也不錯

freesongbird

RonaldWoo@G 發表於 2018-5-27 08:51
底噪高到嚇死人，對仙女來說，KANN推力過高，選KANN，IEM阻抗最好16 ohm以上吧，黑磚配仙女好好多。

唔 ...

咁黑磚配 Atlas 呢?? 效果怎樣呢??

RonaldWoo@G

freesongbird 發表於 2018-5-27 19:09
咁黑磚配 Atlas 呢?? 效果怎樣呢??

Atlas好似係動圈，我冇聽過，估計係Vega個方向啦，不過好多人話Vega難推好，煲都有排煲…出面應該都有得試聽，Ching可以去聽吓…

Sony機一般推力都麻麻，不過都耳聽為實啦

鄭浩鋒@FB

freesongbird 發表於 2018-5-20 16:35
4.4mm 線, 要高頻清D, 但齒音不能尖, 要圓滑, 有咩推介呀?? HK$3000 左右全新, 不要二手. ...

泵多D水去買GOLD16,想平D可以TOXIC SW24

nanaholic

RonaldWoo@G 發表於 2018-5-27 21:33
Atlas好似係動圈，我冇聽過，估計係Vega個方向啦，不過好多人話Vega難推好，煲都有排煲…出面應該都有得 ...

Sony機一般推力都麻麻，不過都耳聽為實啦

呢個概念已經唔通用，以前Sony機係好細力，但事實上Sony WM1系列同ZX300嘅推力係多過舊世代嘅AK機唔少，舊世代AK380的推力推同一阻抗嘅時候甚至要比WM1少一半。而新世代AK機雖然口上話double咗(但一樣係用no load, 所以個數字嚴格上嚟講係冇用)，但其實都冇人正式量度過究竟係唔係真。

有時d聲唔同咗未必一定係推力問題，輸出阻抗都會令聲變得厚咗。例如以前AK100嘅輸出阻力就非常大(多過10ohm)，配上低阻抗嘅入耳耳機係會令低音肥大咗令人覺得d聲厚咗，所以以前d人改機就係將AK100個輸出阻力減低，就會變返接近平衡聲。玩音響嘢好多d隱藏變數係睇唔到，唔可以剩係睇廠方數字下定論，更何況好似AK咁成日只會寫no load嘅輸出功率其實係非常之有誤導成份。

RonaldWoo@G

nanaholic 發表於 2018-5-28 20:35
呢個概念已經唔通用，以前Sony機係好細力，但事實上Sony WM1系列同ZX300嘅推力係多過舊世代嘅AK機唔少 ...

唔係話佢好細力，單端尤其是細黑係差少少，推仙女其實都足夠，平衡就算係細黑都冇問題。

DAP個output impedance 最大影響係IEM個頻率響應，低阻高敏IEM十分明顯，同推力冇乜關係，用翻仙女講，最好嘅配搭係1 OHM，而頻率響應就係會影響聽感。

數字都係客觀分析，重要都係聽感，呢樣就人人都未必相同，都係耳聽為實。

Ching有提到AK嘅DAP，小弟有睇過一篇某大陸論壇嘅測試，用器材測試380表現，詳細唔講喇，該板主就係質疑AK嘅失真率數字係無負載環境下得出。

但AK係大部分玩家嘅口碑都不錯吧，呢度亦應該有很多AK嘅用家。

nanaholic

RonaldWoo@G 發表於 2018-5-29 11:18
唔係話佢好細力，單端尤其是細黑係差少少，推仙女其實都足夠，平衡就算係細黑都冇問題。

DAP個output im ...

嘛，首先玩得新Walkman就唔會用3.5mm果邊爲主啦。我講嘅係balance對balance. WM1系列嘅balance輸出係AK380嘅倍以上。而ZX300嘅balance都有WM1嘅8成出力，所以都完全唔弱都應該多AK380 80%。

而output impedance唔係剩係低阻力先有影響。就算臺機都有呢樣嘢。例如Sennheiser最近出嘅HDV820嘅output impedance廠方講到明係40ohm，因爲佢設計嘅目標係推300ohm嘅HD800系列。基本上有個rule就係耳機嘅阻抗應該要有output imepdance嘅八倍以上先至唔會對耳機嘅FR特性有大影響。而當output impedance嘅阻力越接近(甚至超越)耳機嘅阻力，最明顯嘅改變係低音會多咗。之前外國有人用Focal Clear(64ohm)再加助力去試驗amp嘅output impedance嘅重要性, 當去到一150ohm輸出嘅時候(雖然冇乜amp會咁高阻), 5kHz以下嘅低頻甚至多咗成5dB(人耳可以聽得出嘅dB分別大概係0.5dB嘅程度), 所以係非常明顯嘅改變。而其實大家都知道當低音多咗最容易嘅比人嘅第一個感覺就係力度大咗，但呢樣唔代表真係個DAP/amp推力好咗或多過其他機，而呢方面亦係最多人誤解咗嘅嘢嚟。

講番仙女，佢本身係異常哋低嘅阻抗(12.8), 已經比一般iem嘅16ohm/32ohm重要低。所以佢先天難夾。而DAP機output impedance好多都唔會講，所以先要左夾右夾去試。

當然AK口碑係唔錯，佢調音係有佢一手。我想指出嘅係好多時d人會將主觀覺得好聽嘅原因建立係唔適當嘅論點上而已。eg因爲主觀覺得AK調音好聽就斷定原因爲AK機比其他機出力高, 但其實兩者冇絕對性關連。又掉返轉嚟講，我估好少人會認爲ZX300好聽過AK380吧甚至會覺得有d耳機AK380會比ZX300更"推得開"吧？但推力嚟講AK380係少過ZX300啊。再講近d，冇記錯KANN嘅暴力輸出重要比SPK高呢，咁係唔係一定係大力=推得好聽呢？呢樣就係我想講嘅嘢。