LG OLED 55E6P 調較報告

TSZKIT0629

首先要多謝Terry兄早兩晚幫忙調較小弟部LG OLED55E6P,來我家前原來已為另一位師兄調較左部樂聲牌LED TV。我部E6P都用左接近1年，打從day1開始都覺得部TV光位比較爆，色彩鮮豔又比較偏藍，對於睇開Plasma既我非常不習慣，但睇過OLED既黑色之後真係奶左野，咁啱當時房中部TV壞左，順勢便入左E6P!好了…轉入正題吧！
Terry兄架設好器材後，先為部E6P驗下身先喇，結果是發覺偏色都比較嚴重，偏藍色都幾多下，知道病徵後Terry兄便開始調較畫面，先來個黑白對比調較，之後便為每隻顏色細執亮度飽和度色準，大致上SDR和HDR這兩部份調較都係差不多流程，而經過TERRY兄反覆調較後兩者在數據上終於達到標準。好了…先睇下調較後既TBB台既表現，爆光位正常返哂，人既膚色好自然，色彩鮮豔得黎又唔過火係無哂味精感。再來重頭戲~測試下4K HDR既表現喇…先來個大家都睇過唔小次既LG OLED DEMO片，一睇我心裡面都嘩左一聲，國王身上件盔甲，d金屬感原來可以咁立體靚到呢…而佢身後既暗位都好清楚見到層次，再黎就係d黑和白色象棋，係非常有質感，再黎係試SONY燒玻璃既DEMO，係完全表現到玻璃既通透質感,D玻璃反光位靚到O哂咀，我真係睇到流哂眼淚…感動ing,試完Demo緊係要試電影喇，(LUCY）這套片都返睇左好幾次都好熟了，呢次睇返係見到好多暗位表現到係有深度感既層次，同高光位形成好強烈既對比，而色彩係比調較前更豐富色域更寛廣，跟住試(捍戰太平洋)，呢套片比Lucy既對比來得更強烈，高光位超暗位色彩全部都表現得更誇張，但又不失細節果下先正，HDR既威力充分表達到出來。試到呢度都差不多3個小時。而在調較過程中，關於調較既問題，Terry兄都好細心講解比我聽，真係學左好多野，Terry兄真係十分好人!

總結:TV經調較完後,分別可以非常大，效果比升級HIEND電源線和HDMI線更明顯，而調較後既成果小弟就十分滿意。下面d相係用我部垃圾手機加腳架影既，所以效果不能反影真實，只供參考。
如有錯漏請Terry兄代為更正一下
Thank you so much! [attachimg]95 8973[/attachimg]

TSZKIT0629

相片上傳時有部份亂左位置，請留意調較後高光位係無咁爆而暗位細節反而更出

akira11092

唔緊要, 反正分別唔太大

poonmh

可否分享一下調較的參數？

lawterry

又有請LUCY 姐出場.當然用手機映係完全反映不到4k HDR 的效果

pac

terry 兄又一善舉

thomasng

看HDR時字幕會否過亮

小小Pat

pac 發表於 2018-4-14 15:52
terry 兄又一善舉

我覺得係壯舉，Tterry大師呢個幾星期調咗 畫面嘅數量我相信係好多人 幾個月 加埋嘅數目！

TSZKIT0629

lawterry 發表於 2018-4-14 15:35
又有請LUCY 姐出場.當然用手機映係完全反映不到4k HDR 的效果

Lucy呢排仲忙過小鳳姐

TSZKIT0629

poonmh 發表於 2018-4-14 15:26
可否分享一下調較的參數？

正如Terry兄所講，每部電視係需要獨立調較才會出到正確色準既。我睇返在網上尋找到E6P的設定同現在調較好的設定對比，完全是2回事。所以真係不好意思了師兄