擒晚去o左大玩偶屋企搞機,開頭梗係叫大玩偶叫一次,聽o下把聲係唔係好似帶o左罩先啦,
點知大玩偶隨即~  ~,
我登時兜拳鍋面...{:6_213:}...唔使講o野...
 ....叫你播段片聽o下把聲係唔係帶o左罩呀...
之後大玩偶死死地氣.... ....放隻功夫熊貓落部bd機度,
佢見個memu一出即刻搶住口講:一定係播第十段逃獄果段啦...
我心諗又話覺得人聲好似帶o左口罩,點解唔係試o的對白多o的o既片段o既..
都好..試o下你套MK組合掂唔掂先再講....,播o左三兩分鐘之後第一個感覺唔係人聲帶o左口罩,
(基本上無乜對白...... ....)而係點解好似播得快o左o的咁o既.....
我仲以為係用ps3加快播放添..... ,唔好理佢繼續睇埋先......
boom...boom...boom...o的石柱從上面跌落o黎o既時候個十仔boom個不停,
亦覺得佢開始口乾....跟住聲沙....應該喉嚨有o的發痰....仲有血滲添...
當時音量大概係45個db,整段片淨係聽到十仔o係度乾咳,其他聲道完全被佢蓋過晒..
好!!睇睇部安仔係咩o野set up先.... ,睇完之後發覺有幾個地方出現少少問題,
第一係set o左4ohm輸出,由於套MK K7係6ohm,即時將佢改番6ohm,第一樣搞掂...
再睇睇o的喇叭設定,除o左前置set左full band之外,其他set分頻點120hz,十仔亦係120hz,
於是將前中後及十仔全部改為分頻點100hz..,跟手再睇喇叭距離,原來無隻準,有無搞錯呀
唯有同大玩偶用拉尺從新度過尺寸輸入,初步總算搞掂個基本set up.....
由於大玩偶唔滿意中置人聲唔出似帶o左罩,我就開始著手搞個EQ set up,尤其係人聲果段...,
而MK K7同一般o既細喇叭有一個共通點,就係聲底比較薄,於是我將前後置o既EQ中低推高幾個db,
務求與十仔低音連接....,最後就係要對付搞到成套AV好似帶o左罩o既罪魁禍首 ~十仔~
大玩偶係將佢隻十仔擺o係窗檯上面,然後back fire再加一出二轉插入LR輸入,
表現係boom而蒙,無晒detail,並且蓋過晒所有聲道o既聲,亦唔能夠做到隱形,
唔怪得大玩偶話人聲細啦,根本就係全部聲都細,得個十仔大晒,唔使講o野,拿拿淋將隻十仔向番前面,
再將條十仔訊號線直插L輸入.....,噢~~,人聲返番o黎....,噢~噢~環繞聲都返埋o黎...
不過大玩偶兄覺得俾MK十仔打o左個幾月,依家打得無咁痛有o的唔慣,
(註:大玩偶可能有o的心理變態~被虐狂~)而我亦發覺K7始終唔夠低頻,於是就將分頻點校番去120hz,之後再將中置人聲果段EQ推出o的,OK!收貨!!總算無o黎錯..
但係安仔o既表現就真係no good喇.......
連大玩偶都話係時候好似鏹水蛋咁掉佢落街.......
大玩偶兄,係時候2010年第一擊喇........... |
發表於 2010-1-8 03:48
發表於 2010-1-8 04:20
百事佬,呢個係正經講av 既.唔淮你九唔搭八
樓主
...執一劑就得???咁勁
