Acoustune 耳機試玩平台：HS1503 AL & HS1551 CU任試計劃(第二季)

ahnel

好多謝Post76同埋代理SoundWave今次舉辦o既試聽活動啦。有時候出去試耳機最忌就係環境嘈，有哩類活動最好就係可以慢慢試真啲。

見之前啲師兄都寫得好詳細，我都獻醜寫返兩句啦。

首先就講講造功同包裝方面，畢竟Acoustune都係來自日本o既品牌，響包裝設計同埋造功都係一絲不苟。由精美o既不銹鋼盒包裝到隨盒附送o既仿皮收藏盒都可見品牌對於品質o既要求。正所謂唔打得都見得，淨係一拆盒果吓見到個禁靚仔o既包裝心理上都覺得抵左先啦。至於耳機本身造功，小弟都係好鐘意。你話個耳機設計靚唔靚就見人見志，不過金屬o既外殻，電鍍上色o既工藝，水口位組裝o既緊密度都絕對係對得起個賣價。

配戴感方面算係OK o既，唔算好舒服，因為始終耳機本身體積唔細同埋個設計係有菱角，戴起上黎唔會係窩左入耳殻裡面，不過整體黎講戴得都算穏妥，唔會有甩甩下o既感覺。隨機o既線材就比較粗，唔算好軟身，同之前有師兄提過係有少少聽診效，不過絕對係可接受范圍。

聽感方面，HS1551 CU同HS1503 AL完全係兩隻性格不同o既耳機，唔講就唔係好覺係同一個品牌。不過兩隻耳機o既共通點係音場做得幾好，都算係比較開闊，人聲比較離耳，樂器分離度都算高，起碼唔會走埋一堆。

CU o既線條係比AL粗，聲音方面CU可以話係大碼而AL就係細碼。高音方面唔算亮麗，不過定位係清?分明。中音人聲係厚實一類，相對AL可能用黎聽男聲比較好。低音方面回彈力還可以不過收尾都係比較散，力量方面就略有不足，而且下潛力亦不夠，低音一放之後力量衰減得比較快。三頻方面係平均，唔會話有一邊明顯較弱。整體係耐聽舒服，聽得耐都唔會攰同埋係會想繼續聽落去。

AL方面，第一個感覺線條真係好幼。由於線條係偏幼，聲音我覺得係側埋左響高音方面，相對CU黎講高音係明亮一啲，但係就比較尖，標到某個位直頭係開始飄同失控。中低頻比顯力量不足，人聲又比較薄。如果鍾意聽男聲就唔夠厚，相對聽女聲可能比較適合。之前提過音場都係闊，不過定位方面就冇CU禁清楚，如果聽大編制如交響樂一類就可能會比較散亂。低音方面力量明顯不足而且結像力弱，就好似打拳出極都係輕拳，可能低音根本就唔係ALo既取向。整體黎講聲音係輕飄飄，用黎聽啲小品輕音樂可能會好啲。

總結，CU係比較大路平均耐聽，適合各類型音樂。而且由造功包裝加上MIJ加乘，性價比我覺得係可以。

iamraymond620

ahnel 發表於 2018-7-9 00:30
好多謝Post76同埋代理SoundWave今次舉辦o既試聽活動啦。有時候出去試耳機最忌就係環境嘈，有哩類活動最好就 ...

Ching, 我見你寫AL好似唔太好咁, 想問問你聽時開哂聲未?
因為我試果時未開好尖好刺, 但個立體感幾好同定位好似比CU好
(我用AK70ii)

ahnel

iamraymond620 發表於 2018-7-10 23:00
Ching, 我見你寫AL好似唔太好咁, 想問問你聽時開哂聲未?
因為我試果時未開好尖好刺, 但個立體感幾好同定 ...

我其實都唔知自己排到第幾個試聽~

不過確實個感覺係毛刺感好重, 你話煲耐左會點就好難講~

william02

首先，好多謝Post76同埋代理SoundWave今次舉辦既試聽活動。

係開始之前先講下中間經歷，本身因為SoundWave 係開一至五OFFICE HOUR ONLY，要請假先可以上去拎，本來都諗住放棄，不過SOUNDWAVE 居然肯速遞交收，十分感謝。(雖然最後因為其他原因有一日假，結果係上去攞但寄返去)

另外都要多謝SOUNDWAVE，因為係我唔知幾時，右邊有一粒螺絲唔見咗，但SOUNDWAVE都無追究.....

入正題
我唔肯定自己係第幾個試，但我試的係HS1551 CU 跟原廠2.5MM 線

係呢次試聽我先用原廠線加原裝耳膠，之後耳膠換咗FINAL AUDIO 同 SPINFIT CP100，之後試過SONY 金寶線同自家整鍍銀線。

包裝方面，個鐵盒真係好正，不過唔太實用.....外面個包裝嘛.....

耳機本身，外觀十分靚，重量會比一舨耳機重，如果唔係我唔知點解有粒螺絲唔見咗，係外觀基本分真係有90。
外觀：85

配戴方面，只係一般，唔算太貼耳，再加上重量，如果係街聽會驚跌，坐定定係屋企聽會好D
另外原廠線雖然最夾聲，但比較硬，配戴會唔太舒服
配戴：65


聲音
高頻：60
中頻：85
低頻：75
人聲：80
背景定位：65-70
音場：75

我用咗三首歌係做代表
1. 張惠妹-血腥愛情故事
2. Nightwish - The Phantom Of The Opera （Century Child）
3. Chris Jones - No Sanctuary Here (The Stockfisch DMM-CD/SACD Vol.1)

可能原裝膠我唔太夾，低頻有種散散地的感覺，同時高頻好似差少少上唔哂，人聲較突但背景定位唔算太清，尤其係血腥愛情故事，係中段有種亂的感覺
之後我就換咗FINAL 耳膠，低頻好咗但高頻都係差D，係The Phantom Of The Opera 有種未盡的感覺，呢首歌女主唱會去得好高音，換咗SpinFit 就好咗好多，不過音場會比原裝收返D

不過整體係第三首會比較夾呢個耳機，太嘈或者太多樂器同時爆定位會差好多，同時隻耳機唔算十分細緻嗰種，如果聽交響樂就可以搵第二隻
(保充少少，第一首中段開始會人聲係前，後面鼓同一堆樂器會一齊爆，所以定位一差就會好嘈。第二首嗰隊交響金屬樂團.....低音唔夠力就唔好聽，而且男主唱係金屬類唱法，女主唱係美聲類，HS1551 係男主唱嗰邊好精彩，但女主唱嗰邊就唔夠美聲，尤其係最尾一段段向高音進發，HS1551 只可以係交到功課，而唔可以同男主唱嗰邊同級的表演)

試呢隻耳機我用咗SONY 小黑同FIIO X5III，結果係同小黑夾過X5III，同X5III 一齊嗰陣，用HIGH GAIN 差少少力咁，用TURBO 就粗，小黑用DIRECT就人聲靚D

原廠線係最夾，不過整體偏低頻：金寶線係小黑上表演唔錯，可惜係個音場上好似唔係一個原整的形態，高頻會比原廠線好但中低頻的感覺同原廠線差一點，可以咁講，同樣第二首，金寶男女聲表現會拉近咗，男聲會平淡咗D但女聲會亮麗返D

我自焊的鍍銀就唔夾，高頻會尖，低頻就變化不大....

PS...唔知點解貼唔到圖...明天再試貼

Raycheung

CU人聲聲線有力，中頻比高頻突顯，人聲比AL暖
AL 中頻冇CU咁突出顯得空間感比CU好，整體立體D，高頻樂器顯得較突出好擾攘，覺得高頻好似識擴散咁，好過癮，每樣樂器都好清晰
高頻AL優，由其弦樂器特別好聽
中頻CU優，人聲突出
低頻我覺得差不多

本人鐘意AL多D，因為CU高頻比較暗淡，有時高頻樂器會比人聲蓋過， 三頻變得唔平均，AL三頻平均D，細節位交代得好D，不過就因為高頻突出變得聽唔耐，唔係刺耳問題，而係刺激關係！可能我係最後一個玩，煲得夠高音唔尖刺，每日返工個零鐘車程啱啱好

試玩器材
Onkyo GranBeat
耳機原裝線
歌曲英文老歌多
最後多謝各位工作人員，有份出報告玩家，射射各位

df311

小弟係HS1551CU長期用家, 而剛剛也入手HS1670SS.  我想話如果對1551有興趣嘅朋友, 不況都可以試試剛出嘅HS1650CU及HS1670SS, 試完保証會有驚喜!





其實我決定升級之前, 都有上代理Soundwave試清楚才入手的. 我本身偏好暖聲低, 一心都以為自己一定會揀1650CU多啲, 但一試完1670SS就已經不再回頭了.  我以前都有上過Soundwave好幾次, 每次上面嘅同事都好客氣, 又會真心同你討論研究, 每次都係一個愉快嘅體驗. 今次亦都要多謝Soundwave提供demo比我試清試楚先入手!





Acoustune雖然未算係乜大牌子, 但我由佢第一代用起, 已經用到有感情, 論造功,音色,包裝,配件, 我覺得已經算係性價比相當高, 耳膠/耳機線都有一定嘅水準. 依間係一間不段求變, 會改善缺點嘅公司, 好似之前都有師兄留意到1551新舊盒包裝同內籠海綿設計嘅分別, 依樣真係要比個讚! 另外, 我有5對不同型號嘅Acoustune耳機, 居然每個收納盒都可以做到唔同樣!

小瑟

Acoustune 呢個試玩已經圓滿結束, 黎緊希望有新MODEL我地可以再借到比大家玩啦!!