日本中古耳筒之決擇

loveb207

小弟身在大阪，暫時鎖定Ultrasone ed8系列的中古耳筒，但ed8系列分支繁多，而且不同型號價格波幅很大，想問一下那款值得購買？像ed5 跟 ed8ex 後者中古價格比前者旗艦更高。。。。。。

nanaholic

ED8 EX係最新耳機嚟(上年出)，出咗冇幾耐所以價錢比較貴係正常。ED5雖然係限量但隻聲唔多人受所以需求唔高，二手價錢自然比較弱。(題外，我個人覺得ED8好聽同容易夾過ED5)

普通ED8系列嘅話建議買比較新嘅Romeo, Juliet或Carbon，因爲可以換線(mmcx頭)。最早嘅Ruthenium同Palladium版本係冇得換線得3.5mm單端，係依家balance主流嘅時代會綁手綁腳。

loveb207

nanaholic 發表於 2018-4-12 14:42
ED8 EX係最新耳機嚟(上年出)，出咗冇幾耐所以價錢比較貴係正常。ED5雖然係限量但隻聲唔多人受所以需求唔高 ...

多謝大大回覆，咁想再問一下，ed8ex同ed8其他版本分別大嗎？音質上會差好多嗎？

Rayyip

loveb207 發表於 2018-4-12 18:50
多謝大大回覆，咁想再問一下，ed8ex同ed8其他版本分別大嗎？音質上會差好多嗎？ ...

ed8 真係幾好聽 有小小開放式感覺

nanaholic

loveb207 發表於 2018-4-12 18:50
多謝大大回覆，咁想再問一下，ed8ex同ed8其他版本分別大嗎？音質上會差好多嗎？ ...

ED8 EX我以前只試過單端夾金磚, 覺得ED8 EX嘅女高音比較容易刺，相反ED8就冇呢個現象。因爲我主要聽日系女聲，感覺用係呢d歌度EX會比較挑音源，而ED8就算唔太好嘅音源都會比較寬容。不過其實你係日本d headphone店可以問佢攞嚟試，而且因爲ED8系列係封閉式其實都可以試得幾真，所以都係建議你問店舗攞嚟試真d睇下適唔適合你自己嘅設備同聽嘅歌。

重有要留意EX雖然係可以換線但佢係用Lemo鍤，市面上好少用Lemo鍤嘅成品線所以你差唔多一定要訂製，呢度又係一筆錢嚟而且可能係唔少嘢。

Rayyip

nanaholic 發表於 2018-4-12 20:40
ED8 EX我以前只試過單端夾金磚, 覺得ED8 EX嘅女高音比較容易刺，相反ED8就冇呢個現象。因爲我主要聽日系 ...

Ed8聲係幾岩我口味 係幾鬆 越聽越好聽

nanaholic

好聲嘅非壓耳便攜封閉式耳機真係唔多。有成8年歷史嘅ED8就算依家聽都唔會好輸蝕，而且外型長青又高貴，而且個金屬殼係意外地硬淨，所以都算係一對經典耳機。

loveb207

今日去聽左Romeo, 但係發現低頻過多，唔似ed 8 ex咁均衡，搞到埋門一腳撻Q,買唔成，咁岩梅田又有ed8ex試，試完我都係覺得，我比較喜歡ed8ex多D,不過2手價都差成10萬日元，就真係有D卻步。。。。。。

nanaholic

如果連ED8都覺得低頻過多咁你應該好難搵到適合嘅封閉式耳機，因爲大多封閉式都係因爲設計關係而自然會bass重，而且價錢越平越有呢個傾向. 咁耐我只係試過鐵三角嘅ATH-SR9係真係調音調到多高頻同去低頻(不過我覺得SR9好刺耳，但你可能覺得ok)。果對新嘅都唔貴(應該係5萬果頭)，試下冇壞，不過SR9雖然可以換線但用鐵三角自己嘅鍤，呢層重衰過ED8 EX。再唔係試埋Edition M Plus, 果對我都覺得ok, 比較接近返Ultrasone Edition嘅聲底。再唔係再轉牌子，Beyerdynamic T5p.

封閉式便攜耳機選擇真係唔多，我自己咁多年都搵唔到完全啱心水。

Rayyip

loveb207 發表於 2018-4-13 02:25
今日去聽左Romeo, 但係發現低頻過多，唔似ed 8 ex咁均衡，搞到埋門一腳撻Q,買唔成，咁岩梅田又有ed8ex試， ...

如果ex呢個價係日本買二手 不如係香港買全新慢慢煲慢慢玩