深水埗賣假既絕版CD個阿叔俾人捉左啦

takeishi

早前我報導過. 發現深水埗有個阿叔賣既碟好有可疑.
經過Facebook綱友既證實同埋曾經中伏既受害者既作證.
阿叔D所謂絕版碟. 全部都係淘寶既番版假野. 不過相信好多人都知.
基本有番咁上下資深. 玩碟耐既碟迷黎講. 一拎上手就知係流野.
無論印刷上同堅野都有明顯分別. 再睇埋隻碟既內圈就更加穿晒崩.



  不過~正所謂. 橋唔怕舊. 最緊要受. . . 我深信. 依然都一定會有人中伏架.

  活躍左一段時間. 可能有人告發佢啦 (唔係我呀)
前幾日去深水埗見到有阿叔終於都俾人拉左啦. 哈哈哈.





我唔知係海關拉佢呀. 定係捉小販隊拉左佢呢. 我見左右隔離既佢都唔拉.
就淨係拉阿伯一個. 點都好啦. 都總算為民徐害呀.

kl122002

其實仲有好多, 只係佢地捉唔捉到.

窮小子

    ... 賣假碟 ( 罰款 ) 每隻計 丶每首計 ... 都幾金 !

## 印象中訪問過 馬雲   要打假 丶 5賣假...hehe

      5通 馬雲騙我地 !!

Mingming19688

師兄,可能其中一位小販管理隊中左但蕉,揾佢祭旗

Msuper

個徽章/外褸右上角印黃色部門字，同件褸胸前布料摺疊位來睇，都係似食環署喎！(所以師兄唔好禁快開心住，被食環署拉好少事炸！)

psb

就係因為咁，淘寶一次都冇幫襯過 !

old8woman

CD是否原裝正版,資深樂迷一看便知道

BennyFok@FB

唱到上報紙上電視，佢就無運行了