這個Easter節目豐富囉~安室+Katy Perry演唱會

takeishi

  今年復活節Easter依然是留港消費.
通常我都唔會揀Easter去日本架. 因為~唔知點解架.
復活節機票重貴過新年.

不過~唔緊要. 唔去旅行. 復活節依然節目豐富. 特別係今年.
3月30日~Katy Perry 演唱會. 我已經連續睇左佢3次演唱會啦. 上次晌澳門睇. 佢第一次黎香港開我都有睇,
今次~絕對不能錯過的.





  跟住. 3月31日 (星期六) ~ 安室演唱會. 好辛苦先買到兩張飛.



我一早買左飛,  其實我都係倍我老公去睇. 我個日本老公想睇.
所以倍佢. 無法啦. 鬼叫我嫁左個日本人咩.



今朝睇新聞知佢到左. 不過我當然無去接機啦. 呢D留番俾D後生仔做.



  4月1日(星期日)~去HK 2nd Vinyl Fair, 順便同老公拍下拖. 行下中環. 坐下魔天輪. 食個High-T, 海濱慢游.  



  假期最後一日. 4月2日. 落深記探下班老友. 駛左幾日錢. 落深水埗買下平野啦.
如果唔係. 平衡唔到. 會破產架. 兩埸演唱會飛加埋買紀念品. 最小駛左我幾千. 真係唔掂.





  太開心啦. 太高興啦. 日日都有節目. 日日都睇演唱會. 日日都去買碟.
不過駛錢就會好似倒水咁. 算啦~一年一次. 難得有兩埸演唱會睇,. 又難得又有4日假期.  
睇完兩埸演唱會之後再返黎匯報一下.



HOW ABOUT YOU   你呢~今個復活節準備好去邊掃碟未呀???  


  順帶宣傳下. 放完復活節假. 4月6日 (星期5)
Kylie 隻新大碟Golden正式發行. 第一時間卜出去買隻碟先. Yeah...........

cryo

睇完今晚安室，名曲盡出加上安室依舊高水準表演，真係想個show never end