係咪我年紀大兼且個人老土同埋小器呢？

hiukong

點解我睇到論壇或者facebook 上面，有人開post 問野而一句唔該／多謝或者“請問“都無時，就覺得好老奉好無禮貌，明明知道答案都唔想回佢。係咪我唔正常呢？

ykluk

都唔係自己唔正常既, 只係年代唔同囉~ 我哋同前輩們年代既嘢同習慣, 有時都覺得好似同宜家脫晒節....

利申: 小弟係70後....

Cheong448

個人......修養,國教問題＿

你睇日本人......無論作事或助人都[不厭其煩]禮貌前禮貌後

pac

看來下代仲差，因這代d人已好多無禮貌，試問點樣教下一代‧

gashapon

我都有留意到, 有時都唔知科技是帶來了進步定退步. 因為感覺依家d人反而蠢了. 有時唔係介意人問野, 只不過好多時其實google一下已經有答案, 但見人問到幾乎要俾埋條link佢先至OK. 係唔係智商真係低到咁?

我自己覺得始終網上留言只得文字, 加返thanks, 唔該都係打多一兩個字, 睇的人又會舒服d, 始終是要人幫忙. 換個角度有人問佢"XX大廈點去" 同" 唔好意思, 請問XX大廈點去", 佢估我會幫邊個多d? 所以有時都唔知是否因為科技令人少了接觸而降低了社交能力咁. 所以一般見到呢d我都唔回覆等佢慢慢等答案.

ps: 我試過直頭有(應該中學生來的) 人PM d ebay link叫我幫佢買野, 仲要貨到先俾錢, 話"怕我收o左錢走佢數"喎, 搞到好似我幫佢打工咁, 我都無理佢. 但如果客氣d我都可能會幫下o既 (當然要收錢先~ XD)

xianglan

gashapon 發表於 2018-3-22 11:56
我都有留意到, 有時都唔知科技是帶來了進步定退步. 因為感覺依家d人反而蠢了. 有時唔係介意人問野, 只不過 ...

ching-do agreed!

gashapon

其實我覺得做人好簡單嫁咋, 你想人點對你, 你調轉身份想下如果你咁做人地會點回應就明. 假如有人想你幫, 你都想佢客氣d問吧,而唔係"老馮"咁要你幫手, 講真咁幫自己條氣都唔順啦, 而且既然係問, 人地可以唔幫呀, 所以留得言搵人幫, 客氣d好應該吧. 呢d其實都好正常姐, 有幾難, 做咩講到有禮貌反而係異類咁 XD

kinhungw

gashapon 發表於 2018-3-22 11:56
我都有留意到, 有時都唔知科技是帶來了進步定退步. 因為感覺依家d人反而蠢了. 有時唔係介意人問野, 只不過 ...

當作儍人發現案處理，你肯幫佢咪連自己都變為儍人。

gashapon

kinhungw 發表於 2018-3-23 06:06
當作儍人發現案處理，你肯幫佢咪連自己都變為儍人。

我自己有時如果去外國網站買野, 撞啱朋友想要都會幫手一齊訂埋, 當大家慳下運費.  但唔認識的人我盡量唔幫, 一來交收麻煩要約來約去. 二來其實網上買野真係好方便同簡單, 自己搞唔係咩難事. 有時比我感覺只係對方懶得去買而搵人幫手. 另外最近我都發生了黑仔事件, 就係外國訂野寄去了錯的地址, 搞了好耐才搞掂, 所以隔山買牛其實都唔係零風險, 如果幫一個唔認識的人訂野而又寄失了, 唔通照叫人俾錢咩, 但自己d錢又追唔返, 到時真係唔知點好. 所以唔認識的我都盡量唔幫.

多毛肥

90後已經好老馮,00直情你前世欠佢今世還果種