PAC 家訪後感2018

pac

今天又完成兩場家訪，很多謝各師兄到訪。
每位師兄都積極參與分享。
在此希望各位師兄能分享今天所玩各様。先行謝過。

toms110

終於等到3月11號，可以到訪Nelson大師家，再一次感受經他輕微升級及調較後的私人影院的威力。記得上年曾經有幸參與過Nelson的超低音設定及竅門分享，獲益良多，今次又可以親身感受一下，正！
一開場先嚟播放幾首藍光演唱會歌曲，緩和一下耳仔，初步感受，人聲自然唔刺耳，臨場感豐富，喺無天花喇叭輔助嘅情況下亦感受到好廣闊嘅空間感，應該同換了中置喇叭，前置同系列加上悉心擺位有好大關係，不過較令我印象深刻嘅反而係畫面(因小弟最近都啱啱接觸緊LPS去改善聲畫，所以對畫面比較敏感)。張德蘭演唱會由1080P經JVC Projector嘅Shift 4K輸出畫面竟然係咁色彩豐富同埋乾淨，真係睇到我流晒口水(當然本身軟件嘅質素都好大關係，到散場閒談後才得知原來地盒質素都好重要)。
之後試咗幾套電影，一如我上年嘅記憶，低音一浸浸湧埋身，每下Punch都拳拳到肉，打正心口同背脊，但今次更加唔同嘅係環繞聲，比上年聽過嘅更加力量充足同埋身，只能三個字形容: 好。狠。勁！抬頭一望，原來Surround竟然換上KEF R300，連Surround back都用KEF R100，真係揼本，加埋天花嘅四隻Ci200，輕易達成7.1.4 KEF 一套西裝，再加埋一個經悉心調較過嘅15吋V記DD+，帶來的震撼真係非筆墨能夠形容。
最後喺聚會完結前仲有少少時間，可以一齊討論吓現今2K、4K心得，同埋原碟轉檔案上面嘅處理之後嘅表現、4K player同HDPC嘅資料同分享，短短嘅三個多鐘頭就咁過去。
最後感想:
雖然自己器材不同，級數亦有分別，但每次嘅家訪，都可以令我接觸到一啲自己未有能力擁有嘅設備，又學到唔少嘢，可以令自己用有限嘅知識，加上其他師兄分享出嚟嘅經驗同心得，令到我可以正確去發揮現時手頭上嘅器材，唔使人云亦云，同埋走咁多冤枉路，呢啲就係我今次最大嘅得益

hangshun

今日有幸親臨PAC兄屋企,與及與幾位師兄意見交留,又再獲益不少,除了主要聲畫AB比較之外,原來RIP碟都要有學問的,而且RIP出來檔案既效果,無論放在電腦或由藍光機播出來檔案既聲畫都好過藍光機播出既原碟,不過器材方面真的要下小小功夫了,另外PAC兄果2個地盒亦是令器材提升的效能的功臣,還有其它就留給今日去過既師兄發表啦.............

不過要再次多謝PAC兄......

wkkevin

今日真係要多謝PAC師兄嘅招呼, 令我感受到下下打心口嘅利害, 咩叫做有層次嘅低音。重學識到低音嘅調校唔單止影響低音,連成個環境和氣氛和聲音都會有所影響, 亦都見識到地盒嘅運用, 又增加咗我嘅知識, 希望遲D再有機會再上去

hangshun

PAC兄今日向你提及想轉用Back Surround是指這款Focal Dome Flax,與我現在用緊既中置Focal ARIA CC 900喇叭係同一系列的.
https://www.focal.com/us/home-theater/dome/dome-flax

又或且Focal CHORUS SR 700又是否可以呢?
https://www.focal.com/en/home-au ... akers/chorus-sr-700

如果都吾好既話就以你講KEF  Q100又或是Q150做Back Surround
http://hk.kef.com/q150

fm31331

真係好熱鬧喎，大家玩得好開心 絕對要支持PAC大哥!

pac

hangshun 發表於 2018-3-11 22:12
PAC兄今日向你提及想轉用Back Surround是指這款Focal Dome Flax,與我現在用緊既中置Focal ARIA CC 900喇叭 ...

我覺得你可以試試Q100

hangshun

pac 發表於 2018-3-11 23:09
我覺得你可以試試Q100

ok.......就照你咁講

Ken134547

今日真係正，係pac 大師家裏第一次感受全套 KEF REFERENCE 威力，雖然比上次家訪只係換咗隻中置喇叭， 播演唱會，空間感擴闊好像連天空都有聲， 但只係用DTS-HD 模式， 播正義聯盟4k時， 我話D人聲使唔使咁厚呀! 之後再播攻殼特攻隊，尾段蜘蛛坦克好似有六條長短不一嘅打樁機圍住你打樁咁
呢啲咪就係每個家庭影院都希望set到，而又有層次嘅重低音囉！ 老實講吹到天花龍鳳都冇用，只有今日上過去家訪嘅師兄，先會實地感受到呢套野加埋 pac兄 setting 嘅威力

jerryhkm

小弟昨日第一次到PAC大師毒氣室吸毒，睇到大師套器材，其擺位及調校，以至對完美的執著，绝對能感受到大師對家庭影院的投入及熱情。
不同於一般家訪或示範會，大師在播放影片片段前或後都會细心講解要大家留意D乜嘢，亦比大家自選片段以供回家参考比較。
大師對器材及調校及運用真係可以講得係出神入化，只係小幅度調整一下Sub仔中setting或中置的crossover frequency已比我哋見識到每個項目調整對整個音場及音色的影响。
建議各位師兄如果下次大師再攪家訪千其唔好錯過。

pac

今天除了示範一些影片章節外，主要玩左兩樣野，
1）HTPC PK OPPO 203 播碟及oppo 203 播 iso

所用的iso 都是同一隻碟碟 rip 出來的，
結果HTPC 全勝。註 iso file 是加了地盒rip 出來
第一場結果
HTPC >oppo 203播碟>oppo203 播fiile
第二場
HTPC>oppo203播 file> OPPO 203 播碟
兩場所用碟及iso一樣但片段不同。

2）示範把拾仔當中一個setting 改變少少,看看影響可以有幾大？


首先我把藍色部分由原本在49HZ 加了1.2 DB
改成在55HZ 加 1.2DB
結果拾仔的變化卻不及其他聲道的變化來得大。
玩這項的目的是要説出調較影音是要整體調較,
每項改變均有影響,而且影響不一定是所改變的部分。
再者說出拾仔有多項調較總比無得較好