請教一下，升級兩聲道器材選擇

hiukong · 發表於 2018-3-2 08:44

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

各位師兄好，小弟有事想請教。先講講現有兩聲道器材：

1. Denon SACD 唱盤 DCD-1500RE，主要播放 CD 同 SACD
2. Pioneer N-70A 網絡播放器，主要播放由 CD 轉成的 FLAC 和 DSD
3. Rega Planar 3 黑膠唱盤，當然係播黑膠啦
4. Creek Evolution 50A, 加左廠方的 Phono Stage 同埋 FM tuner, AV bypass 就接去 AV Amp
5. Usher S-520, 主力聽歌，間唔中亦會用黎睇戲。我用緊的係 OS 80寸手拉幕，不透聲，高度剛剛好遮住對前置

上面的器材都用左一段時間，開始有d 身痕，平時主力聽女聲流行曲，慢歌為主。古典暫時未識欣賞。人聲我覺得幾滿意，但始終力水唔多夠咁，特別係低頻，我唔係要打心口（聽慢歌打手口好似好奇怪），但去到某d 位好似總係爭一腳先到位的感覺。小弟間蝸居比較細，個廳係正長方形，面積大約150呎左右，由喇叭到梳化的距離大約十二呎左右。試過將 Creek 的 Pre-out 接落 subwoofer, 但係覺得格格不入，前置同重低音的聲音無辦法好好融合，唔係太理想。

有幾個諗法：

1. 換喇叭－有留意座地喇叭，想試 B&W 或 Tannoy XF 系列，但又怕合併amp 推唔郁
2. 換合併 amp - 宜家部amp 其實好地地，50W/8ohm 係比較弱，最鍾意佢係方便，連我太太d 唔熟影音都可以自己開黎聽下音樂情人同 CD。有諗過換膽前級＋獨立後級，但好似睇戲又麻煩好多咁
3. 齋加後級－我未玩過後級，唔清楚加後級落我套器材會唔會有改善，有諗過 McIntosh (我份人比較膚淺，純粹因為覺得佢好型仔），同埋唔知道可唔可以將 AV Amp 的前置左右聲道Pre-out直接接落去後級
4. 換音源器材－其實我都無乜大投訴，小弟木耳情況比較嚴重，唔覺得現有器材有大問題

多謝大家耐心睇完咁多字。小弟想聽下師兄的建議。暫時無辦法一次換晒，肯定過唔到太太果一關。感激！