幾大雪都阻唔到我搵碟之~神戶搵碟全攻略

takeishi

  又係我貴司兄一年一度日本搵碟之旅啦. 今年依舊走遍関西~関東
由大阪出發. 之後名古屋. 最後....東京.

不過   我想先介紹介"神戶"呢個地方先.
之前都去過一次. 都只係去食下野遊山玩水. 今次就順手去搵下碟.
呢個地方實在太正啦. 神戶雖然唔係好大. 不過. 好幾間碟鋪都集中晒晌元町, 三つ宮呢兩個地方. 呢兩度基本上係連埋既. 所有店都係晌條橋底度同埋四周. 所以好易搵,. 去到一出站就係架啦.










  之所以我咁鍾意呢度. 原因係. 佢仍然保留住80年佬舊式既二手碟鋪既特色.
所以你會晌佢度搵到好多舊版既野. 同埋. 好多碟鋪價錢都唔貴. 而且碟量極之豐富.
有一間真係多到你搵足一日都唔夠時間你搵呀.











  淨係車站附近都有好幾間.  都係圍繞住元町附近的商店街. 所以都好易搵到.









  呢間RECORD SHOP 唔錯. 好多平碟.
我晌佢度掃左十幾隻12"吋SINGLE, 平均5-800円左右.













  再由元町行去三之宮.  買二手碟有非常多的選擇.
想買新碟. 神戶亦都有TOWER RECORD 同埋 HMV . 總之. 要咩有咩.













  之後再去行下橋底既唱片鋪. 呢度先至精彩呀. 嘩~幾間碟鋪. D碟多到真係搵足一日都搵唔晒架.












  橋底內好幾間二手碟鋪. 真係行足一日都行唔晒. D碟多到呢. 嚇死你.
就係晌呢條高架橋底既商店街. 呢條街除左碟之外. 亦都好多唔同類型既店舖.
包你行到唔捨得走.

















呢兩間碟鋪就真係勁呀. D碟多到呢,. 我包你去到搵足一日可能都唔夠時間呀.







買左隻SUMMER姐.  同埋娜姐. 價錢亦都唔貴.
真係買到唔捨得走.



  呢間~FREAK OUT RECORD , 佢D碟真係多到嚇死你. 有時好衰架. 太多呢. 真係無心機搵.
不過你可以問佢. 個老細好細心同埋好樂意咁幫你搵. 話俾你知放晌邊度. 有無你想要既碟. 正.













行行下竟然落雪, 不過就算幾大雪都阻唔到我去搵碟架啦. 哈哈哈







  呢間D碟又係好多. 而且亦都唔貴.













  是日神戶. 總共掃左廿幾隻碟. 重到死呀, 不過. 買得好開心. 幾百円、貴極都係2千円。

chopinlau

搞到我都想即刻去

kl122002

睇下今年有無時間,  有些日本碟我一直都想找找

nippon

師兄,九州有無揾碟推介

小瑟

正..........................真係好很正, 上次去完大板其實都冇咩睇過野, 今次有呢個帖就一定做埋功課先出發..!!!!!(發夢又去大板MODE)

SonSon

舊年只係去行過吓, 同老闆去唔可以花太多時間係呢類舖頭

marsover

正帖 留名

eggcake92

留名……師兄……正喎！

相知東京……有冇邊道多 中古CD

takeishi

eggcake92 發表於 2018-3-4 09:44
留名……師兄……正喎！

相知東京……有冇邊道多 中古CD

東京呢~多係多. 不過衰在散修修咁. 呢度幾間. 果度幾間. 唔係好集中. 不過~你講多選擇既. 一定都係東京.
東京我以前都出過好多搵碟攻略既POST, 不過太舊. 好多相都無左. 等我得閒出過全新既俾大家參考下啦.

你問我~東京我去邊度搵碟.....第一位~新宿.  .  第二位~渋谷...  第三位~お茶の水（神保野), . . . . 第四位~横浜.....   第五位... 下北沢    ,    第六位.... 吉祥寺.
第七位~高田馬場.   第八位~池袋.   第九位~中野.   第十位~川畸

realworld360

正