又一Marvel英雄獨立電影---《黑豹》

正宗球迷

黑豹如果用獨立電影睇,佢個種高科技同發明可以接受, 但係拖番入復仇者黎睇,
阿妹咁勁既智慧同使用汎合金,對比外邊世界真係講唔通. 就算內容已經話佢地瓦干達專登同外界斷絕,
咁佢地既智慧同學識邊度黎??佢地只係有隻汎合金, 阿妹仲勁過stark工廠同javi.

我都睇到有人話米高佐敦做男角好過呢位, 可能佐敦有d奸味唔岩掛.

gashapon

先利申一下: 我係DC fans多過marvel所以唔多唔少都有d主觀意見.

老實說近幾套marvel電影已經有一種"厭倦"的感覺, 來來去去都係差不多的東西. 即係食來食去都係肉醬意粉, 只不過每次得個湯唔同, 或是配菜又有少少不同, 但主菜味道來來去去都是一樣. 睇完感覺似獅子王+ 溏心風暴? 同埋即時覺得tony stark可以退休了(除了唔識飛之外), 裝甲又勁 (地球上應該無野可以破壞到佢...) 汎合金幾乎是萬能...武打場面方面, 分分鐘G1格鬥會都好睇過佢咁...

G36

另外現仍上映中嘅《黑豹》（Black Panther）票房又破紀錄，於北美票房已高達約51億港元，贏《侏羅紀世界》（Jurassic World）成為北美史上最賣座電影第四位，另外全球票房亦爬升到第十位，憑接近100億港元票房，打敗《魔雪奇緣》（Frozen）躋身十大。
你又吹佢唔脹！

gashapon

G36 發表於 2018-4-8 14:59
另外現仍上映中嘅《黑豹》（Black Panther）票房又破紀錄，於北美票房已高達約51億港元，贏《侏羅紀世界》 ...

我覺得可能是習慣原因啦, 睇開marvel的就多數keep住睇. 好似老變我雖然麻麻都睇足了咁多集, 佢地集集都收大錢.

有d似apple同android手機咁, 有時比較之下其實差距唔大, 但用慣了iphone又好難轉用android , 定o左格局就好難改變.

teddy

gashapon 發表於 2018-4-9 14:44
我覺得可能是習慣原因啦, 睇開marvel的就多數keep住睇. 好似老變我雖然麻麻都睇足了咁多集, 佢地集集都收 ...

呢堆超級英雄大片絕對禍害深遠，令新一代00後觀眾完全冇腦思考，終日沉醉在超級英雄的無盡幻想中，J出個未來。
而電影業就變成一家毒大，再沒百家爭鳴之勢，由於其他片種完全冇市場，市場會越來越少資金支持創意電影，全年一半以上票房收入都會集中在迪士尼果10部續集電影。
至於香港，作為完全冇本土保護，全球電影發行最自由的市場，最喜歡跟紅頂白，鋤弱扶強既港人已經成功令港產片變成遺跡，睇番香港既歷史票房，前二十已經全部係荷里活大片，已經徹底變成電影文化沙漠！

gashapon

teddy 發表於 2018-4-18 12:31
呢堆超級英雄大片絕對禍害深遠，令新一代00後觀眾完全冇腦思考，終日沉醉在超級英雄的無盡幻想中，J出個 ...

我又無想到咁深遠, 因為我認為每個人都有獨立思考的能力, 唔會因為幾套電影而影響成個價值觀. 等於我玩GTA, 玩fallout, 玩殺手47唔代表我真係會變成殺人犯.
不過都同意市場如果只得一種電影都唔係好事, 所以其實我幾反對marvel收購FOX, 好聽的就係avengers可以多d人, 但實際上就變成出來出去都係熱門角色, 或是風格變成套套差不多.
我自己睇DC漫畫多, 所以見到佢電影唔收得其實都少少唔開心, 因為好老實說JL成績差, 代表JL2電影遙遙無期了.

不過都明白在生意立場既然收得點解唔繼續拍, 拍到無人睇為止才算. 有時同生活一樣, 可能日日行過某店舖都唔會幫襯, 但到佢要執笠時才珍惜. 香港電影我真係好少睇. 我自己心態都係選擇自己有興趣的電影(科幻, 多特技, 或是game/漫畫改編) 所以又真係好少睇港產電影 (另外好怕一套電影懶係多元化咁又香港又中國內又日本韓國, 大家互講自己母語的對白)  所以就算上星期睇金像獎但其實一套都無睇過(有d連戲名都未聽過), 自問一星期最多抽到時間睇一套電影, 要選擇下自然會揀啱自己口味的, 都講唔到什麼"支持本土電影"了 (再說我成日都覺得下下會"本土"才支持, 某程度都幾負面, 試問有無人會講, "難得係marvel 電影呀, 好難集齊咁多明星一齊呀, 一定要睇呀"咁)