原來一直未煲好

蜜汁叉燒

DAP同埋耳機舊年6月到手, 加埋條線係9月到步, 呢個組合都用咗一段時間, 齊集之後, 最初一個月都一直邊煲邊聽, 加埋大約都有300個鐘左右, 以為開始穏定, 就停手冇煲, 聲都幾滿意,  直至去年12月,  試過朋友同一條線, 聲居然同手上嘅係唔同, 唔係少少唔同, 係唔使仔細AB都聽得出. 先知佢嗰條線煲練時較長. 咁樣, 唯有每日返工一開咗個Outlook之後, 第二件事就係即刻插好套機煲機, 煲到收工唯止. 每日煲機8小時, 加上返工放工4小時, 星期一至五每日加埋成12個小時. 到而家為止, 加埋都有大約900-1000個鐘.

由最初以為系統穏定咗, 直至發覺原來煲下真係有d唔同, 再煲吓又再唔同, 到抵係邊樣野未煲好, 我唔知, 成套系統一齊去煲, 機同線都一齊跑, 可能好似朋友講, 跟本三樣都未煲好, 但由於我都有用另一套耳機同線, 交替試吓, 沒有好認真去比較, 我覺得DAP/耳機/耳機線都有變緊, 睇嚟佢講得冇錯, 到現時為止, 我冇好特登去聽, 但每日收工都有新感受, 好享受現時感覺, 所以多口開個post講吓. 如果大家都唔係真係咁肯定自己套機係煲好的話, 不妨都煲吓睇吓佢, 睇吓會唔會有新感受.

現時組合未必人人啱聽, 但我非常喜愛, 係未鎖定下一個目標前嘅呢一個蜜月期, 我可以好好享受我喜愛嘅音樂, 亦都好開心可以利用呢一段時間, 去發掘更多我未認識嘅音樂.

googleli

機同線可以狂煲，但耳塞不建議長煲，好易壞單元 ，尤其而家D耳塞一邊十幾廿個單元，一個半個壞左都未必知，仲以為好聲左都唔奇。

蜜汁叉燒

googleli 發表於 2018-2-12 18:48
機同線可以狂煲，但耳塞不建議長煲，好易壞單元 ，尤其而家D耳塞一邊十幾廿個單元，一個半個壞左都未必知， ...

我唔會高中低音一齊煲，間開輪住嚟煲，如果唔抖乜都死。

gavin898898

googleli 發表於 2018-2-12 18:48
機同線可以狂煲，但耳塞不建議長煲，好易壞單元 ，尤其而家D耳塞一邊十幾廿個單元，一個半個壞左都未必知， ...

有咩辦法只煲機和線，唔煲耳機？ 買一隻平價cm頭耳機插住煲？

edgarcpu

蜜汁叉燒 發表於 2018-2-12 19:24
我唔會高中低音一齊煲，間開輪住嚟煲，如果唔抖乜都死。

師兄，

用什麽歌介紹来分開煲高中低？thanks.

vicky907

用佢尼幫手煲機會快好多

tubeamy

Ching 請問你部DAP是否係SP1000ss？用咩機套？

vicentk

我都係 AB 完先知我條線差咩，大家再努力

AnthonyIU

蜜汁叉燒 發表於 2018-2-12 19:24
我唔會高中低音一齊煲，間開輪住嚟煲，如果唔抖乜都死。

我就係每日sp1000 8小時煲隻Tia fourte,結果sp1000入廠先，廿幾日後又開始懷疑耳機D聲怪怪地，前幾日去試線，跟住特登試下隻demo先發覺出事，即刻二手收返隻再AB都係一樣，今日即刻衝上代理維修，最後擺低寄返美國至少要一個月，而家呢隻上手只買咗個零月，佢都極力叫我千祈唔好亂煲，所以而家只會每日乖乖地聽兩三個小時算數！

t1174

gavin898898 發表於 2018-2-12 19:26
有咩辦法只煲機和線，唔煲耳機？ 買一隻平價cm頭耳機插住煲？

煲機用平耳IEM OR 大耳, 煲線用煲線機.