|
謝謝各位師兄指點, 小弟部機前排已維修好送回來, 在這裏打返個小報告, 希望可以幫到有需要朋友, 小弟部plasma機無畫面出7紅, 咁可能機舊, 電話中信興師父都遊說我買過部新機, 唔好整, 好大機會無零件, 但我未有心水, 所以都係平平地整左佢, 用住先, 之後師父帶埋parts上過來, 換過都唔得, 只有送回廠攪, 回廠之後報返係壞了一塊"SC板"(無記錯的話), 整好送返來總共約二千五六. 期間約時間送回來就不太順利, 可能信興近來攪緊清貨特價, 夾了三四次, 之後三四個禮拜送回來, 因工作關係, 收機, 送回來我都沒有在場, 要交托老人家, 收機時有係單上註明面板上有污積, 花痕, 咁污漬當然會有少少, 但我好肯定無花痕, 送回來後十分多污漬, 我試過機一齊正常就算, 過多幾日較得閒就做清潔, 清潔完後初初都無為意, 後來坐到比較近看時, 一到深色/黑色位發覺有一條接近垂直淺淺的花痕, 長約十至二十cm, 雖然我不在場做交收都預左, 但都估唔到中頭奬, 好在花痕淺, 正常看電視距離都不會看出來, 希望大家做維修時小心留意. |
樓主
發表於 2018-2-13 10:28
