29+1+哥哥 , 由零開始....

psb

幾晚家中睇 "29+1", 套戲描述生命同人生觀 , 個人亦曾經歷過 , 所以深深體會到戲中觸動心靈情節同故事。套戲下半段眼濕濕 , 唔係傷感 , 而係被故事情節深深感動。套戲亦可以話係好多人嘅 1994-2004 集體回憶 .... 張國榮黑膠唱片 , VCR ，唱片舖 ，王家衛"花樣年華"電影海報，蒲 pub 口頭禪 "To see ＆ be seen"，黎明 ，張國榮"日落巴黎"，阿旦 ，張國強 ，Beyond , 即影相機 ，黑膠唱盤.....等等等等。戲中兩個由始至終從未見過面嘅陌生人卻心靈相通 ，其中一位卻被對方感染同啟發人生觀。舞台劇編導亦係套戲嘅導演彭秀慧好犀利 , 將唔同時間人物故事剪接得好靚好精彩 , 亦好有音樂同藝術色彩 , 感動之餘亦好有驚喜 , 睇套戲會諗起另一部電影"玻璃之城"。以前未太留意哥哥 Leslie 首"由零開始"歌詞涵意 ，但終於發覺套戲其實同 Leslie 首歌歌詞其實係"絕配" , 首歌係講緊套戲  , 而套戲亦係講緊首歌 , 終於明白點解"29+1"用哥哥首"由零開始"嚟做電影主題歌 , 出現在電影好感人既尾段 .... 首歌令部戲好靚感人 ，而部戲亦令首歌更動聽 ，真係相互效果。 睇過周秀娜好多戲，今次係佢真真正正發揮精湛演技 , 好驚喜嘅演技。近幾年來睇過嘅一部最精彩出色有深度港產片，令自己更清楚人生觀 , 真係好好睇。眾多大陸內地"爛片"中難得有部咁用心嘅港產片同音樂 , 同大家分享下 , 再次懷念哥哥....

許諾

很值得一看的電影.... 除了由零開始外, 還有早班火車都在戲中出現

Zin

許諾 發表於 2018-2-5 16:17
很值得一看的電影.... 除了由零開始外, 還有早班火車都在戲中出現

當日睇時聽到呢兩只歌，真喺好有感觸，不自覺地就將歌曲加入「最愛清單」

psb

Zin 發表於 2018-2-6 10:30
當日睇時聽到呢兩只歌，真喺好有感觸，不自覺地就將歌曲加入「最愛清單」 ...

相信以後聽首歌時就會想起 "29+1"齣戲  ,  順便重溫下"日落巴黎"音樂特輯 , 緬懷哥哥....

psb

原來 29+1 原聲大碟 CD tracklist  係咁

曲目:
由零開始- 張國榮
早班火車- Beyond
對不起,我愛你 - Album Version- 黎明
給最愛女兒的說話- 鄭丹瑞
Fake A Smile- Joyce Cheng, 李拾壹
STAND UP- 張國榮
你怎麼捨得我難過- 劉錫明
風繼續吹- 張國榮
當年情- 張國榮
情深說話未曾講 - Album Version- 黎明
你你你引致我震盪 - 電影<小男人週記 3>宣傳歌- 林海峰

klchong

買咗睇左，真係唔錯 ！