「日光感」超強 !!!《IT 小丑回魂》4K UHD 評測

Hugo Fok

見大家就算買左都唔出聲...唯有親自寫一篇, 等大家有個話題可以吹下水啦  !!!  

碟評詳文 : https://goo.gl/SNvvjf

DVD迷

因為留返比你寫講評

eric_on

呢套戲如果要尋根究底，的確強差人意。但如果代入一班小主角身份，佢地都唔知小丑點嚟，點解無啦啦比小丑追殺，只知抵擴到底，最後點樣克服恐懼。當小朋友戲個人感覺會舒適好多，而作為一套恐怖片，佢都算交足功課，加上出色聲效，有啲位我係睇到起雞皮。我留意近年啲戲，有好多睇落好似無頭無尾，好多細節無交代，慢慢我都化咗，短短兩個多小時，有一定娛樂性已經滿足。

Hugo Fok

我覺得近年的確好多大作都有 "無頭無尾" 既現象出現, 好似 <普羅米修斯> 同 <聖約> 中間起碼有一個鐘既內容要交代返清楚.. 不過諗深一層近期片商都好識玩 "事先張揚", 未上畫已經有好多刪減片段 / 補完段片 發布, 兜個大圈去買關子 + 宣傳套戲...  話題講遠左添, 起初我都覺得 <IT> 個結局流流地, 但系留意到佢片尾個字樣寫住 "IT CHAPTER 1" 同睇返九十年代版既電視影集, 發現原來我地睇緊呢套 2017 年版 <IT> 只系敘章, 戲肉部分應該系放系 2019 套 "最終章" 入面... 我估個套片都會夾雜 D 回憶片段,幫小丑由來補白...  至於 <IT> 我覺得最有娛樂性既地方系 "IT" 出現既地點同型態完全無既有設定, 失驚無神又可以玩到 Jump-Scare 。而且小演員個份天真 + 好奇 + 騰雞都交足...以恐怖片來講都算系咁了

Versa

比較90年代版本，感覺2017年版其實幾有heart，忠實重現每個人物經歷及某些場景，而且比舊版更細緻，最經典應該係georgie放紙船一幕，及舊版揭書變為新版播幻燈片一幕都唔錯

舊版以成人年代加插回憶片段交代兒時情節，新版則以順序手法，先交代主角們兒時情節，下集再做成人時代，也可預計某些場景將會在下集重現。

Hugo Fok

原來 Versa 兄都睇晒兩個版本既 <IT>， 完全講晒我想補充既野...

小瑟

我冇睇過舊版, 不過我自己就估唔到呢套2017年版會咁好睇, 最好係佢唔似一般鬼片, 佢係一套會笑, 會想打埋個小醜一份既鬼片!!! 好過引~~

SonSon

尋日睇完, 真係似科幻片多過恐怖片, 重要話係chapter one, 即係有下集................唔係嘛