1/35 百式頭 進度十二

大佬John

如果係原件, 冇限時又唔驅喎...
今日因為部腦short, 個screen花晒, 出去深水收左張垃圾咭黎整機, 順便入左綠,紅 LED 各一, 因為手頭果D voltage唔夾, 又廢事落電阻, 依家果兩粒LED係本身有顏色既, 唔著既時都見到有色

大佬John

o係條頸粒ball joint 交叉穿左兩條PE膠落去, 條頸夠力唔會條條fing...


G=sys叫呢隻野做Refined type, 我就將佢De-refine lol, 整返做神主牌額頭, 頭cam燈換返做綠色+紅眼
粗粗地執左次之後上Resin primer, 薄薄地噴左幾下, 見到好多氣孔同花痕, 之後索性開杰D油, 好厚好濕咁達上去, 乾左之後用牙膏putty再補

大佬John

天真以為上灰後好快就可以上色, 為抛光做準備, '省'到盤水都變左暖水(對手變凍), 指甲想甩出黎...
金色部份驚死, 用1200號來省, 其他就800號, 無意外就可以開始上色


跟件來果塊樹脂又黃又厚又彎...再拉頭cam 吸塑 (裝左入去o係相度唔係幾睇到.)

kennykky

WOW
入直路啦
加油

大佬John

噴黑色, 同埋SM04 不銹鋼, 比SM01 Silver有重量感, 今次用Gaia T09來開, 分別唔大, 我估用返Gaia油或本身粗粒既油效果會出D。順便用光澤黑來check花痕。


我好cheap. 溝油只溝到o岩o岩夠用, 一出錯就會舐野, 噴金色外殼前要噴左頭上內構同一次過噴晒紅色位置先, 因為要襯落金色度, 塊面兩邊有兩點紅色, 所以紅色我唔會用鮮紅(會好似巴西龜) 而會用類似Bandai版百式腳板果種Burgundy紅。因為隻紅沉色, 黃色都換做偏橙少少既, 用Gundam 2號黃, 即係京寶凡、Nu既黃.. 內構灰色位會由紫灰色改成啡灰色, 用EVA既武器色同60號


Mask好部份金屬色內構, 同時一邊補putty, 但係會先攪左金色頭先, 等光油乾時, 再噴內骨灰色位


masking有少少漏出, 用粗目打磨膏救返

DVD迷

師兄你真好有心機...

大佬John

金屬色打黑底(迷信與事實?), 我有D parts就咁噴o係灰上面, 又的確係啞D, 似乎係光澤vs啞面既分別, 當然果件part我磨左再噴..以後都會照噴黑底


金色純綷用SM02, 原先諗住用透明橙黃噴陰影, 但係想像到出黎個效果會好似Gaia 122咁, 似小農社會暴發戶果D新絲蘿蔔皮, 係人都睇得出係用透明橙黃溝出黎既金, 好似冇咩內涵, 所以打消左果個念頭, 而先前噴左陰影果D parts(橙黃色) 要重噴(減陰影)


水貼, 呢個彎好難貼, 影完呢張相之後, 我炒左粉, 諗緊計補救

大佬John

我有想架, 橫掂依家冇野做冇收入...
但又唔想好揚咁拉客, 好似uwant discuss有D友仔咁, 大大隻字寫住代客, 新手質素收人專業價錢, 因為出面高手眾多, 怕笑死人

DVD迷

我有想架, 橫掂依家冇野做冇收入...
但又唔想好揚咁拉客, 好似uwant discuss有D友仔咁, 大大隻字寫住代客, 新手質素收人專業價錢, 因為出面高手眾多, 怕笑死人 ...
大佬John 發表於 2010-1-12 17:40

大家都係自己友,不如你只限幫自己未得囉,最近要平d...

大佬John

係咪講堅~PM傾喇~