如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 gashapon 於 2018-1-12 14:42 編輯
昨天請了半天假, 順道看了占士法蘭高(James Franco)執導的《荷里活爛片王》. 電影係一套半"自傳式"的故事. 不過未講影評之前, 如果有心去睇呢套電影, 最好先去睇另一套電影《The Room》, 因為故事好大程度都係講返拍the room的幕後故事. 如果睇了the room才去看會更有共鳴同更好笑~~
故事講到主角之一的Greg Sestero (由Dave Franco演), 一個19歲青年, 認識了一個神秘人Tommy Wiseau (由James Franco演), 大家點樣由剛相識去到一齊投身電影界的一個故事.
其實未睇之前我都唔知有the room呢套電影, 睇完之後其實都真係唔知the room想講咩, 我又唔敢形容為"爛", 因為睇完之後又真係幾搞笑, 只係劇情上有d九唔搭八, 前因後果又無交待過咁. 所以我都比較會用"cult"去形容多過"爛". 而disaster artist其實就係Greg (真係有呢個人, 唔係單單一個電影角色), 佢同Tommy拍電影時見到的完全唔make sense的事情而寫成的一本書. 電影就係以呢本書為基礎. 我自己就覺得電影描述tommy的角度都比較正面, 因為真人的佢在網上的評價都係比較差, 形容佢都係用"騎呢", "古怪"等詞句. 但電影就寫得佢少少似有好大的vison不過只係無人明白佢咁.
電影入面我覺得 占士法蘭高無論外型上同口音上都跟到好足, 相反James扮Greg就唔算特別似. 另外成套戲都幾多明星客串, 不過我都只認出了好幾位, 唔係人人都認到.
最後故事告訴我地, 有時成功不一定要好認真, 把事情做得好好才會成功. 有時可能出來的效果不是自己如期的, 但最後又可能會成功. 但無論如何, 最少都要行出第一步才有機會成功呀. 就好似the room咁, 當時據說是用了6百萬美元去拍但只收了1800元票房. 係人都覺得唔得, 點知又比佢撞出了另一條cult片血路, 形成了一種文化, 依家每次放映都會場場爆滿, 但如果當時一開始已經覺得無可能成功而唔拍呢套電影, 就唔會有可能發生往後的事了!
祝各位2018年還在考慮的人, 快d踏出第一步~~ |
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2018-1-12 14:40
發表於 2018-1-16 06:26
樓主
發表於 2018-1-17 14:21
