Sony NW-ZX300 隨身享受 4.4mm 平衡原音體驗會 (會後分享)

hiyori

各位上個月有出席的版友好呀, 我地終於都做好會後的報導, 先比大家回顧返當日我地試玩 ZX300 的種種, 同埋耳機版版主 Hiroyi san 同CATO 分享的當日精華, 之後我地就會由 Sony 方面選出三位會員分享最有肉地的版友得到今次會後遊戲的小禮品呢!!!!

報導詳文+精華片 : https://goo.gl/skoM2W




感謝大家參加今天的活動，接下來大家歡迎分享會後心得，寫得最好的三位朋友會得到 $800 Sony Cash Coupon 啊

小瑟

現

rayvicky

首先多謝Poat76及Sony主辨這次活動，主角ZX300絕對是一部 best buy DAP, 聲底是少少暖，分析力不錯，屬於很耐聽的聲音，而最估不到的是力水真係好大，足夠推動大部份耳機。至於弱點就係缺少串流支援，令外音色上比較偏柔，少了一份punch感覺。

LeonardoLeon@FB

多謝POST76同SONY舉辦呢次活動,個人認為ZX300 4.4MM頭絕對夠力,我對FXA7較一半音量就夠力

音色方面就偏冷同柔,比較適合輕柔既音樂,小弟唔係咁岩口味,聽MJ既BEAT IT 就覺得少左種激情,反而泳兒果兩首新歌效果幾好

首歌既輕柔夾到部機

而冇雙藍牙輸出同埋串流平台真係冇咁方便,細佬慣左用MOOV聽歌

freesongbird

榮幸可出席到貴网跟SONY 合辦的分享會, 令小弟對SONY 的DAP 有著更深認識及體會.

講回NW-ZX300, 是次主角, 推力夠, 密度高, 所有檔案格式都支援, 如32/384 及原生DSD 11.2, 以$4000多元隨身聽, 確實是發燒友恩物, 其他品牌暫沒同時兼備此兩種高階格式, 可見性價比是同級之冠. 對於預算不多或入門玩家, 相信是不二之選.

至於聲底方面, 個人覺得是偏硬朗, 有力那種, 剛好跟以上兩位師兄相反, 此機聽POP, ROCK 會好過癒, 彈跳力很夠. 也有足夠分析力, 人聲尾音都能聽到. 但若果要音埸閣, 大氣勢, 包圍感, 黑磚及金磚, 才可做到了. 當然預算也要提高啦!

NW-ZX300 能受到黑磚及金磚的能力下放, 價位又便宜一大截, 重量又輕很多, 作為隨身聽, 便携是十分重要, 放落褲袋輕輕鬆鬆. 但個人對它的磨砂玻璃螢幕, 就不太喜歡, 感覺高清會比較清楚, 但磨砂可防指紋, 也防刮花, 也有它好處.

皇馬廿三

自小已經是有愛華唔買只賣SONY Walkman既粉絲一名,乜乜AK、安橋都有用過！唔夠薑話佢地唔好聲，但總是欠了果份獨有感情！見到金、黑磚既推出，心想SONY返嚟喇！仲帶著4.4頭呢個隨身聽既新指標㖭，結果黑磚一出就用到而家了！
今次試完佢細佬ZX300，發覺高頻人聲已經有黑磚八至九成，係低頻差少少，有D（噗噗聲）既感覺！人聲唔止話大家喜愛既女聲，而係男聲都有一定水準！例如德永英明，不過可能佢本身似女聲啦哈哈！外型方面！佢既磨砂畫面我甚為喜歡，在反光的環境之下絕對好用！唔一定係清就好，要用到先得既！
總括這部機性價比可以原勝兩位大佬，可以安心入手！
感謝76同SONY悉心安排！

小瑟

大家多多分享你對今次活動的感想吧, 都講左唔一要講好野, 唔好既野都分分鐘可以成為焦點架~~

aqw

老實講，音色一般，沒聼過金磚，不知如何
介面單簡，用不到full screen，更加上要
46**元，
其他國產牌子太多選擇，仲要性價比高，
上年音響展見到
Sony未能追上，
謝謝，見諒

jimmy

首先要多謝POST76同SONY舉辦呢次試聽活動，我都算係一個SONY DAP & EARPHONE嘅粉絲(雖然買嘅都係D中低階型號) ，早前亦曾試聽過” 金磚” 同”黑磚” ，但價錢同重量都真係負擔唔起，但當日試聽完部ZX300後的確係有驚喜，正如兩位耳機達人所講，SONY今次應該將佢部份” 黑科技” 下放到呢部ZX300上，無論推力，調音，操作介面(UI) ，重量，對我呢個SONY粉確實係非常吸引！終於有部啱我嘅SONY DAP可以㨂啦！希望SONY可以繼續向呢個方向走落去。如果你對SONY DAP有一定好感，真係唔買都要揾個機會試下！

不過有一點都真係要彈下，響聽歌APPS例如MOOV, TIDAL當道下，SONY DAP仍然未能支援相關服務真係唔掂，雖然我都知SONY嘅UI係自家程式，但以SONY係能力我相信絕對能夠做到。所以我真係忍唔住當面向SONY嘅同事反映一下。如果呢方面能夠改進，SONY DAP一定有更多人用呢！

我呢個SONY小粉絲嘅感想如果大家覺得有d偏頗，請大家多包涵

aqw

補充一句，以前sony walkman 真是警人天
尤其是武道館
Made in 日本
此部馬拉機而已