Boxing Day Onkyo PD-S10 開box + 細機仔ABCD 對比

DanielHK

玩左Headfi一段時間，大機仔，拖Amp等，咩都掂下。但隨住年齡增長，又越黎越懶，就唔想帶咁多野出街，一部細機加耳機就算。而且呢期幾間大廠嘅細機都做得幾好，所以就入晒黎玩。岩岩見Onkyo "例牌" 又出部升級版，又唔算好貴就入黎玩下，順手ABCD佢同其他細機仔，睇下有咩唔同。

先講S1 vs S10，基本除左個背面花紋唔同，成部機一模一樣，連UI，Mon嘅解像度都係一樣，淨係搞入面嘅零件，加強內部屏蔽，換左靚電容，不過我覺得最正係個Volume Knob實左好多，無咁鬆嘅，講咁多野都無用，都唔會爆機睇分別，咁就真係睇下聲方面有無誠意啦。。。。。


開聲就粗粗地，估計同30R，DPS1一樣要煲陣先順，但聽落已經有分別。推力上，差唔遠，我用 SEM-9大家 High gain 都係 47 格夠聲，AK隻Michelle就 42 格，推力上唔算好大但已經夠一般入耳用。


三頻同分析力都有提升，但唔算好大。最大分別係個密度同分離度，對比下，S1中頻有D虛，低頻比較散同淺。S10除左中頻實返曬之餘，低頻凝聚力同深度都比S1好，係聽得出唔同果種分別，但兩部機個音色都係一樣，係硬質素唔同左。你問我值唔值得升級就睇下你對哩部機仔有無愛，我就覺得佢就係S1完全體，以記憶中試過DPX1A同S1比較過，聲上面有一段距離，但今次與S10比，距離己拉近，始終唔同size，功能又唔同，無得點比較，我自己就鍾意齋入歌聽歌嘅細機仔，唔洗煩太多野。


好，AB完大佬同細佬，就係同其他兩部細機AB 下，雖然價位有D分別，另外兩部煲得又超多，一部300個鐘，一部500幾，有少少唔公平，所以可以當睇下就算。
因為三部AB，會有少少亂，我簡單講講同解析少少:

冷暖:
由冷至暖:  S10 ~ ZX300 > AK70ii
可能同本身DAC有關係，S10係比較中性偏少少暖，ZX300就再暖多好少好少，而AK70就真係聽得出比其餘兩部暖聲。

音場，空間感:
AK70ii > S10 ~ ZX300
AK70ii明顯係3部中音場最闊，空間感最強，而ZX300係最窄，S10同佢差距唔算好多，真係爭少少。

包圍感:
ZX300 > AK70ii > S10
雖然 ZX300音場窄，但換黎包圍感強烈，而AK70ii因為分離度高，包圍感無咁強，而S10哩樣有少少做得唔好，可能同佢聲底有關。

分析力:
AK70ii > S10 = ZX300
雖然暖底，但分析力比起其餘兩部機都好，弱音好清晰，唔同樂器嘅線條都好出，S10就聲有D粗，背景有D唔乾淨，ZX300弱音就細少少，背景都叫乾淨。

高頻:
S10 > AK70ii > ZX300
S10做得幾好嘅一項，標上去比其餘兩部爽快，AK70ii就比較圓潤，ZX300就有少少暗落黎。

中頻密度:
ZX300 = AK70ii > S10
ZX300嘅中頻有經過染色，唔鍾意就會覺得present得太出，鐘意就覺得好好聽，人聲樂器都比AK70ii同S10出，密度高，而且男女聲都present 得唔錯，尾音餘韻做得幾出下。而AK70ii就一貫圓潤細緻嘅人聲，舒舒服服。S10哩項就弱少少，可能同未煲有關係，有少少粗身。

低頻:
AK70ii > ZX300 = S10
AK70ii推力嘅原固，低頻力度，同控制力都好好，層次分明。S10 就實淨，力感量感同深度都唔及AK70ii。ZX300就量感較強，亦算實淨，但層次就present得無咁好。

動態:
ZX300 > AK70ii ~ S10
哩個係ZX300強項，可能同佢present中頻有關，個動態層次好明顯，反應好快。而AK70ii同S10個動態其實唔差，起伏都唔錯，只係ZX300做得比較好，較刺激。

總結，3部機音色都唔同，如果聽流行曲，舊歌，1~2件樂器嘅歌比較多，ZX300幾唔錯，另外兩部就比較雜食少少。但如果計價錢，Size，重量嘅話S10的確係幾抵玩，因為佢最細部，最輕，最好袋。不過應該同之前部S1一樣，首要要煲煲佢100-150個鐘先，你買返黎聽幾首歌，放係度煲佢50個鐘，你會明我講乜。順帶一提，新firmware 已經support OTG，Tidal 得港版有，想加Dac / Amo 同 玩串流嘅師兄可以留意下，我就無乜用啦。最後耳聽為實，當我狗噏又好，睇完就算又好，都無所為，志在分享。


最後我煲機先~多謝收睇。

jacky19

thanks for your sharing

kelvinchan

正喎,細細部又好聲真喺唔易搵

edptk

i want to buy Onkyo PD-S10

poklok

thx your report~~

c.m.

請問s10幾銀？

zwaiship

Hi Ching, 想問直推 250ohm 大耳夠唔夠力？ thx

DanielHK

zwaiship 發表於 2018-1-14 10:46
Hi Ching, 想問直推 250ohm 大耳夠唔夠力？ thx

可以話勉強夠聲壓，但一定唔會推得好(用2.5平衡150ohm CL1試)。

zwaiship

DanielHK 發表於 2018-1-19 21:34
可以話勉強夠聲壓，但一定唔會推得好(用2.5平衡150ohm CL1試)。

Thanks Ching, 昨天入了

wilson

其實呢部機係有Variable Line-out，揀線路輸出後可以調校音量，同級音量明顯比選用耳機輸出嘅大聲。2.5同3.5同樣用到兼且可以調校增益。不過如果熄咗機再開機或者抆咗耳機再插部機會set番耳機輸出，要自己重新set過，兼且一致會以 32bit 輸出，無論你有冇 set 到用32bit都好。

不過唔知我係咪聽覺有問題，本身用Sony XBA-N3AP加原廠3.5mm升級線，部機要set線路輸出，普通增益，音量校到去43或者44先至覺得夠大聲。其實呢個setting for我部耳機係唔係太誇？