Onkyo真係令我呢個十多年嘅fans十分十分失望........

tifftive · 發表於 2017-12-27 01:51

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

買咗套7800組合係因為喜歡Onkyo聲音中性,用咗十幾年份外有感情,點知買返來一個月只係用過一次個低音就壞咗,算我唔好彩,過咗七日先裝機發現問題,QC控制得唔好都可以體諒,又要請一日假又要call車,一來一回都算,點知返來一用就令到我聖誕屋企差啲火警,又火光,又出晒煙,好彩我喺屋企,如果唔係......後果真係難以想像!!!其實做開電子維修點會整到咁架....已經講咗部機點壞,個情況點,整咗問佢壞乜就話壞IC,已經換咗就ok.......????? 其實如果佢有啲責任心,有諗吓後果,我相信佢無理由會唔知壞乜,我唔係質疑佢嘅專業知識,但如果佢有諗一諗吓顧客嘅感受同需要,我相信佢將來會行得更遠,更好!!!老實講我而家買咗返來兩個月都祇係用過一次,前後請4日假連call車,呢條數都夠我買多一套有找.......換過隻低音又唔得.........咁我應該買過個新,然後不了了之? 買件壞嘅產品比我仲差啲火警,我真係聖誕快樂.....Onkyo真係令我呢個十多年嘅fans十分十分失望...........

soulsoul · 發表於 2017-12-27 10:29

本帖最後由 soulsoul 於 2017-12-27 10:31 編輯

直接拎去消委會
再交比機電工程署CHECK,看看是否設計問題.
如果你覺得自己家居電力報局無問題.

Dan0412 · 發表於 2017-12-29 09:32

您好, 我們對閣下之情況感到非常抱歉, 亦多謝閣下接受本公司為閣下提供之後續安排. 我們會盡力為閣下服務, 謝謝.

tifftive · 發表於 2018-1-13 23:56

今日隻全新嘅低音終於都送到上來屋企,剛駁好線無咩問題,希望今次唔會再失望.....老實講:今次Onkyo維修部喺第二日上午就迅速咁主動聯絡我,實在有點意外,還能有誠意地作出妥善嘅安排,令原來十分失望嘅我亦十分十分欣賞！

soulsoul · 發表於 2018-1-18 09:47

tifftive 發表於 2018-1-13 23:56
今日隻全新嘅低音終於都送到上來屋企,剛駁好線無咩問題,希望今次唔會再失望.....老實講:今次Onkyo維修部喺 ...

其它GROUP好多師兄都係咁話,只要係度表達意願.ONKYO跟進會快點.
好過自己打上去.