系列最波折浴血一章 !!!《星球大戰 : 最後的絕地武士》

Hugo Fok

影評詳文 : https://goo.gl/4kbqAU

片末 Kyle Ren 與 Luke Skywalker 一場「對決」相當破格，向首集《星球大戰》致敬之餘，亦無重蹈《黑帝君臨》動作戲篇幅過長覆轍。至於此片的戲力非常到肉，空戰、正邪對決戲沒有欺場...

正宗球迷

呢集比上集係好睇,好刻意分開敍述rey, ren, finn幾邊既故事, 又唔覺話突然飛左去咁.
故事唔講太多住可能好多人未睇, 想講下今次睇imax 12 track. 第一次入去聽, 相比atmos, 佢係幾震憾, 空戰, 格劍時都feel到d聲點走同低音時既效果. 3D視覺上,係D爆破,太空上既星星個類會明顯.

想問下各位,肥妹仔既rose,本身佢算唔算出名?? 呢集佢既上場時間不下於莉亞. 遲下有機會同rey爭下野. 觀賞度我會揀家姐好過rose.

Hugo Fok

呢集的確多左好多華人面孔,  記得近期個訪問 肥妹仔 Rose (演員真名為 Kelly Marie Tran) 話自己係有越南血統的土生土長美國人, 之前做開電視劇多... 我個人覺得 肥妹仔 同 Finn 呢對組合係外型上係比較登對, 而 Rey 同 Finn 既關係感覺似手足情多過實戀情 (呢部分係有 D 主觀)... 不過我覺得有段三角關係爭下其實都令個人物比較人性化... 今集比較奇怪係 Rey 同 Kyle "愈行愈埋", 好奇下次對決究竟有無得分高下...定不了了知算

神武光輝

其中劇情有Ｄ難接受兒嬉小小

Hugo Fok

Kyle 殺死 BOSS 後, 自己突然變成左 Snoke 接班人... 過程急到難以理解... 的確係兒戲...片末一大敗筆位  

cylawsam

Hugo Fok 發表於 2017-12-17 23:00
Kyle 殺死 BOSS 後, 自己突然變成左 Snoke 接班人... 過程急到難以理解... 的確係兒戲...片末一大敗筆位  { ...

我都係咁話！
我覺得有幾場戲幾好(如一齊Rey同Kylo打Royal guards，最後尾隔空過招), 但亦有太多令人費解嘅...所以真係好壞參半

gashapon

今集我覺得算是不過不失. 唔算太好睇(某d劇情太兒戲), 但又無外邊的評價咁差.
我認為好的地方: 打仗場面唔錯, 見到d 反抗軍死下又少d人, 死下又少d人咁都有d唔開心.
唔好的地方:
1) 故事手法比較鬆散, 支線跳來跳去. 幾條線都係各有各, 到最後連埋一齊時都無咩凝聚力咁, finn同rose果段感覺可有可無對故事無影響...
2) Rey純粹打天才波? 唔覺luke有教佢d咩. 以前yoda訓練luke至少有多d解釋
3) Snoke: 明明講到佢咁勁, 又睇穿晒kylo, rey的心, 知道佢地想點, 但居然咁樣死法.....就等於電影中一個功夫超強的人, 無人夠佢打, 但最後佢...生cancer死o左一樣咁奇怪...
4) kylo ren: 有少少唔知佢想點, 最後仲做埋first order的阿頭...

整體來說, CGI, 科幻, 追逐, 等電影都有, 但以star wars電影來講就真係只算是合格.

ivyang

西片無論特技故事幾好，有一樣就係武角功力設定硬係唔協調。
睇中式武俠，角色武功值會令人有一個好清晰指標，例如南帝北丐武功不分軒轅，早期郭靖次一級，黃蓉梅超風又次之，江南七怪又次之，小龍女又比郭靖略低但比黃蓉等略高。總之讀者會心裏有數。
但西式如魔戒、哈利波特、星戦等就令人蒙查查。
哈利波特細細個已經可以將物件變成浮喺半空。描述伏地魔又講到好似天下無敵，但一對打，哈利一咬緊牙筋暴喝一聲又可以打贏伏地魔？起人之類更加唔洗講。黑武士用原力可以移動物件操控他人神智隔空取物指停死光，但同luke打，阿luke咬牙切齒暴喝一聲又可以打贏黑武士？魔戒所有強獸人大軍講到好恐佈，但哈比人鼓起勇氣又一劍殺一個，飛獸加戒靈又好似好勁，但甘道夫一叫巨鷹又可以輕易將佢KO？
唔係睇估駁古，但睇咗唔信服就好難投入。

cylawsam

gashapon 發表於 2017-12-18 09:20
今集我覺得算是不過不失. 唔算太好睇(某d劇情太兒戲), 但又無外邊的評價咁差.
我認為好的地方: 打仗場面唔 ...

講得好！
仲有我唔係好明，明明first order有能力加速追反抗軍嘅主艦，點解要嘥時間慢慢等呢？

gashapon

cylawsam 發表於 2017-12-18 11:33
講得好！
仲有我唔係好明，明明first order有能力加速追反抗軍嘅主艦，點解要嘥時間慢慢等呢？ ...

無記錯係first order架船太大架, 速度上唔夠反抗軍黎 (至少呢個速度下, 佢地d炮火傷唔到反抗軍架主艦), 但同時反抗軍走又走唔到, 因為就算是光速飛行都一樣會被track到, 等fuel用盡就一定走唔甩. 所以first order唔需要急.