盡情發揮 LDAC 的優勢 - 無線 Hi-Res 手機 Sony XZ Premium 聽歌全...

小瑟

有時大家聽歌，未必會破費入手一部手提 DAP 的, 所以一部功能齊備而又可以有靚聲聽歌表現的手機就十分重要, Sony 當然沒有白廢佢地多年來在 Walkman 年代已有的經驗, 加上佢地係第一家全力推行 Hi-Res 音樂硬件隨身聽的先驅, 所以無論係有線定無線, 佢地都一樣有著一份「必須要靚聲」的執著, 所以 Sony 就為無線串流研發了「LDAC」技術，讓藍牙耳機都可以聽到 24/96的 Hi-Res 音質勒!!!

今日小瑟就同大家將呢部【別注版的 Sony Xperia XZ Premium】來個大測試，試盡其有線及無線耳機的表現啦！
測試詳文 : https://goo.gl/282L4P

imbdcollector

其實係咪得 SONY 耳筒先用到 LDAC...其實牌子如果對唔到 LDAC 就會自動跳返落去 aptX HD ???

nanaholic

imbdcollector 發表於 2017-12-10 10:28
其實係咪得 SONY 耳筒先用到 LDAC...其實牌子如果對唔到 LDAC 就會自動跳返落去 aptX HD ???  ...

唔係。LDAC技術同aptX/aptX HD一樣雖然係封閉技術但只要畀錢Sony係會賣比其他廠用的。市面上已經有幾隻非Sony品牌BT耳機係支援LDAC不過香港都冇得賣，google一下就會搵到。嚟緊一兩年當大部分嘅Android手機都跟Apple咁放棄3.5mm插座，Sony將LDAC内建係Android呢一步就會開始見到成果。最後問題應該係佢嘅價錢會唔會打得過Qualcomm嘅aptx格式....

最近個人覺得最有睇頭非Sony製支援LDAC嘅產品係鐵三角呢隻BT接收器/耳擴。

Decreate

希望終有一日藍牙技術可以發展到我行銅鑼灣都唔會斷線啦。

andy04665547

   頻寬夠晒高音質傳輸需求,但現階段感覺意義不大, 無咩邊隻藍芽耳機個素質可以高到聽出HI RES同普通CD質素分別

nanaholic

你比佢嘅marketing呃咗.

其實LDAC嘅精髓唔係hi-res, 而係可以接近無損傳送CD質素嘅音樂檔。之前所有嘅藍牙都係非還原有損壓縮嚟，包括aptX. AAC玩開電腦嘅就更加一睇就知係非還原有損壓縮。SBC直頭唔洗講係流失率超高嘅壓縮嚟添。

當d人成日話mp3同flac/wav就算用爛耳機都可以一聽就知有分別嘅時候，掉返轉竟然會話LDAC依家無意義就非常奇怪了. 因爲之前嘅藍牙規格對比LDAC就直頭係mp3 vs flac壓CD咁

andy04665547

nanaholic 發表於 2017-12-12 00:24
你比佢嘅marketing呃咗.

其實LDAC嘅精髓唔係hi-res, 而係可以接近無損傳送CD質素嘅音樂檔。之前所有嘅藍牙 ...

         規格上的確係,但就好似用個爛耳機聽320KBPS同FLAC一樣,分別不會太大,

早期藍芽規格的確音質係好差,差到用咩檔聽落去都一樣,因為頻寬唔夠,但我個人覺得APTX已經足夠應付市面

上藍芽耳機的素質,但唔排除佢以後會出D更高級數的無線耳機,不過要做到靚音質,價錢定位肯定唔會低,價錢高普通人唔會埋單,

但影音使用者咁挑剔又唔會埋單佢,咁細個位置要造一個比DAP更高素質的DAC根本上可能性不大

              藍芽係用數碼信號傳輸,哪把你頻寬再大,連接再穩定都好,都躲唔過藍芽耳機自己DAC本身質素低問題