本帖最後由 michael23x 於 2017-12-2 14:23 編輯
等左成個禮拜,部7250後級終於都送到喇!
響等待嘅時候我換左個cheap cheap嘅影音架,以取代之前DIY嘅黑麻石架!
一來個舊架肉酸,二來根本就塞唔落部7250,與此同時亦都去深水埗訂造左7條RCA線!
今次代理有三個人上黎,心諗咁誇張,而且足足同我玩左兩粒鐘(由駁線到開聲調校)仲要老婆等緊開飯!
鬍鬚哥哥今次帶左三件法寶上黎,音壓錶,麥當娜同Ninja Rain!
駁好哂嘢一開機已經俾人喝住,原來開機要跟先後次序,HDMI亦唔好著左機時抆抆插插!
俾人糾正完,我立即好醒扒咁攞定MCACC mic同腳架準備開功啦!
誰不知佢地話唔需要,因為我已經cal過,只要用音壓錶再微調一下就可以喇!
每聲道微調完,鬍鬚哥哥就響皇帝位叫左麥當娜出黎喇!
冇諗過試調嘅過程開到咁大聲,好在當日樓上樓下屋企人都出哂街!
雖然係大聲但又唔覺好吵耳亦都唔會拆聲!但由之前Ｄ類變左AB類聲底確實已經改變左!
一路聽一路見佢微調十仔,慢慢感覺到有小小打心口,就好似红館演唱會嗰種feel!
再留心聽下前中置,現場感比之前提升左,Ｄ聲出左好多,好鬼正呀!
雖然atmos及surround響演唱會入面冇咩特別效果,但係可以型造出氣氛同現場感!
原來加左後級聽演唱會係可以咁正,從今開始真係要多Ｄ睇下演唱會!
好喇!跟住到Ninja Rain出場喇,老實講,除左浪漫滿屋之外Rain嘅戲我真係冇睇過!
原來呢套戲入面有好多聲效可以試,飛鏢,刀劍,槍炮及最重要嘅嗰條鏈!
鬍鬚哥哥話雖然演唱會已經setup得7788,但始終我睇戲為主!
所以佢又開始幫我微調喇!其中佢搞最耐嘅竟然係個中置!
墊高墊低移前移後,當佢試好之後,佢叫我坐皇帝位聽下!
原來唔係聽,應該係去感受下先啱,其中一幕係試個連貫性,條鏈響左前置中置十仔右前置連一直線,打心口感覺亦隨之而致,準確無誤!
對於不知連貫為何物嘅我,終於深深體會到!
另一幕係試槍炮,之前冇後級換左新amp已經覺得槍聲好sharp好有效果!
但係有效果同有力又係兩回事,而家係感覺到槍聲係打出黎好有力量,好有置身槍林彈雨之中嘅感覺⋯⋯⋯⋯待續
|
[複製鏈接]
發表於 2017-12-1 00:18
樓主
