聖誕泊車優惠 ... 圓方時間長、APM 門檻低 (轉載)

wil-wil

轉載自 -
http://hk.apple.nextmedia.com/template/apple/art_main.php?iss_id=20091221&sec_id=15307&subsec_id=2911743&art_id=13545957


聖誕新年假期，各大商場均有不同節目及優惠吸引顧客，其中免費泊車優惠最適合駕駛人士。綜合各區主要商場，以圓方送 6 小時免費泊車優惠最長，但觀塘 APM 及葵芳新都會廣場，消費 100 元已可免費泊車 1 小時，顧客最易取得優惠。




為刺激顧客在商場消費，顧客光顧商場內的商舖及食肆滿指定金額，均會有免費泊車優惠。綜合各區主要商場的免費泊車優惠，以九龍站圓方提供的免費泊車時間最長，累積消費滿 180 元，便送 6 小時免費泊車，但只可累積 3 張消費單據。如光顧指定食肆，多送 2 小時免費泊車，加上晚上 8 時後泊車，不需消費亦可享 3 小時免費泊車優惠，即合共 11 小時免費泊車。以圓方停車場時租 8 元計算，即節省 88 元。圓方位於九龍站上蓋，以名店為主。

新都會消費 $100 送 1 小時
聖誕及元旦佳節，不少市民都喜歡在維港兩岸欣賞燈飾，若選擇在尖沙嘴遊逛，可泊車在海運、港威及海洋中心 3 個停車場，其中以海運的時租較便宜，每小時 20 元，港威及海洋中心時租均為 24 元。不過無論泊那一個停車場，在海港城購物滿 200 元即可有 2 小時免費泊車，但只可以累積 1 張單據。

除夕除了廣東道海港城夠熱鬧，最傳統是到時代廣場玩「蘋果倒數」。時代廣場的免費泊車優惠亦慳得最多，假日購物滿 200 元，送 2 小時免費泊車，以時租 29 元計，即可慳 58 元。不過商場只接受 1 張單據，因此顧客需於單一商戶購物才可享優惠。此外，時代廣場不接受以展銷場的消費單據換泊車優惠。

同處港島區的金鐘太古廣場，要消費滿 1,000 元才可享 3 小時免費泊車，但接納顧客最多累積 10 張單據，每張單據最少消費滿 100 元。若不想消費太多，葵芳新都會商場及觀塘 APM，只需簽賬達 100 元，便可享 1小時免費泊車。

出入車時間　可能有限制
部份商場平日及假日的免費泊車優惠，要求有別，駕駛人士宜先向商場客戶服務部或停車場查詢。此外，個別商場對免費泊車的出、入車時間有規定，如海港城的港威及海洋中心停車場， 11 點後只可出車，葵方新都會則消費及入車均需在晚上 10 點前完成。至於九龍塘又一城只接納早上 11 時至翌日凌晨 12 時的消費單據。

此外，一般商場不接納顧客買商戶現金券，以換取泊車優惠，但大部份會以現金券消費納為消費項目。不論光顧商場內食肆或商戶，最好要求食店提供機印單據，以免爭拗。旺角朗豪坊不接受在辦公大樓、酒店及戲院消費的單據。

aiken

注意APM聖誕未必有得泊,個商場聖誕好鍾意請明星表演同倒數,我果次渣到去先知停車場停用,個保安話有表演暫停使用,叫我泊後面街D停車場。

wil-wil

多謝你既溫馨提示，特此加分以作獎勵!

注意APM聖誕未必有得泊,個商場聖誕好鍾意請明星表演同倒數,我果次渣到去先知停車場停用,個保安話有表演暫停使用,叫我泊後面街D停車場。
aiken 發表於 2009-12-21 21:34

小瑟

apm我都多去, 不過最多去都係鑽石山, 時代其實都唔錯, 我上次都 try過, cyb來講, 200蚊算幾易買到!!

lkljason

仲有記緊check清楚優惠時間，試過新世界泊車，原來泊車優惠要11點開始至有，我10:57入車，最後埋單乜春優惠都無泊左4粒鐘，仲要o係裡面買晒野添！>.<

小瑟

嘩...........如果係咁都幾火架喎~~~

aiken

我都成日去APM,去親都幫襯果間禾花亭食野,又有免費泊車,以前仲正,夜晚8點後唔駛消費都有2個鐘免費泊車,宜家冇左!

lkljason

嘩...........如果係咁都幾火架喎~~~
小瑟 發表於 2009-12-23 15:39

我老細比我更"盟"，不過係"盟"我無睇清楚d優惠！