Panasonic EW-RA510 高周波治療器 開箱 及 試用感

阿定

上個月日本Pan記推出了新的按摩器，主打可以24小時使用，因為係用高周波脈衝方式，所以唔會好似以前用緊的電子脈衝按摩器，唔會有比針拮的感覺，而且無需駁線，開緊工都可以用，



Bic Cam 賣緊36,000Yen，計埋退稅，遊客優惠，即係大約2400蚊港紙咁上下，其實都幾貴，不過日本仔出的野，只有買貴，沒有買錯，所以就係日本買了一Set回來了



配件不算多，叉電底座，火牛，四粒主角電子脈衝按摩器，32張貼紙, 四個膠圈，同一個布袋



叉電可以用跟機火牛(100-240V)，世界牛香港也可使用，亦可以用4粒AAA電，方便外出使用



叉三粒鐘就可以玩24個鐘，相當唔錯



四粒電子脈衝按摩器不能直接貼上皮膚，要使用跟來的貼紙，但每次用完就要換新，之後再買，大約1.8一個，如果每次都用上四粒按摩器，一次成本就大約7蚊了



貼紙係消耗品，所以套裝亦跟來了四個膠圈，讓你套上汗衫或布上使用



不過實際使用後，我個人還是推薦用貼紙，因為貼上去不會有敏感，也可以貼足一整天，返工都唔會甩，所以如果買機時，記得順手買貼紙，跟來只有64張，只夠用16次



題外話，粒電子脈衝按摩器係可以單獨買的，唔見左或想買多幾粒用，4879Yen一粒，即係320蚊港紙咁上下，買多四粒都係1280，即係個叉電座值成千蚊，都咪話唔搵笨

阿定

用後感:

第一日
貼了上去都唔覺有什麼特別，因為唔同以前用開的電子脈衝按摩器，唔會有比針拮的感覺，加上無了阻手阻腳的電線，係方便好多，用了一整晚，起身時明顯膊頭無平時咁緊

第二日
換了老婆大人用，佢就腰比較痛，所以全貼到去腰了，一樣過了一晚，第二日起身已經無平時咁痛，證明唔係我一個人的錯覺，都算買得值了

第三日
開始唔捨得用跟來的貼紙，換上膠圈，兩公婆每人兩粒，套上睡衣上，感覺怪怪的，好似會移位咁，第二日起來，無咩特別，都係唔會痛就是，可能同之前已經舒緩了有關吧

第四日
今次換番貼紙，四粒都貼晒上去我膊頭度，起身一樣膊頭唔會再緊，亦決定唔除落來，貼埋返工，全日下來，感覺又唔算特別好，但做完野都無變緊到，可能長貼都真係有用，而貼紙的力，基本上都好夠用足一日一夜，加上輕身又細粒，其實唔覺自己有貼野的，比用鎮痛貼好好多

個人意見:

一分錢，一分貨，性價比唔算好高，可能太新，未有做特價，加上貼紙亦唔平，雖然貼紙係醫學用，唔會對皮膚有敏感，不過相比用鎮痛貼，都算有限錢，係第一次買部機比較肉赤而已，整體來講，我都會推薦比朋友，日本仔出的產品，只有買貴，沒有買錯就是了

kalok6

極有興趣。。等你報告

Blackbrid

麻煩你,我都想知,因我用Omron有條線拖住,唔係太方便,Thanks!

阿定

freeport 發表於 2017-11-27 14:48
麻煩你,我都想知,因我用Omron有條線拖住,唔係太方便,Thanks!

今晚返去再影多幾張相，我都係用Omron電子脈衝按摩器，條線真係唔太方便，同埋好似比針拮咁，唔可以太長時間用，所以決心重本買呢隻！

小瑟

我都成日痛, 如果真係WORK都好呀~

阿定

更新了用後感同產品簡介，有興趣可以睇番頭兩個Post啊

Blackbrid

師兄:功能會唔會好過我依家呢一個.thanks!

阿定

freeport 發表於 2017-12-1 15:02
師兄:功能會唔會好過我依家呢一個.thanks!

我之前用呢隻，已經決定收到櫃底裡去了，始終呢個無得長期戰鬥，宜家可以貼一晚，甚至返埋工，貼足24小時

Blackbrid

下星期去日本睇吓,Thanks!