我看 《追捕》

mike384

作為都幾深度的英雄本色粉, 上星期四就沖左去睇 吳大導的《追捕》, 吹下先:
戲院係METROPLEX 1院, 環境算係咁啦, 幾舒服的.
該片優點:
1. 片中有唔少吳大導的SIGNATURE, 幾適合老餅們去懷舊. (不過係米優點要睇你有幾LIKE吳大導)
2. 全片在日本拍攝, 係冇得用真槍改成的道具槍下, 槍戰場面叫做唔差了.(唔知有冇偷雞去第度補拍)
約廿幾三十年前, 一套西片叫［黑雨］，　都係以日本為背景，　又係高倉健（原版追補的主角）添，　尾場的一場槍戰，係專登返美國拍的（場景係一間田園別墅，　設定上係日本的）
3. 動作, 靜態的攝影有唔少SHOT都拍得唔錯,幾靚
4. 倉田保昭, 寶刀未老呀, 呢期港產片都周不時見到佢, 好開心的.
缺點(都幾個人的)
1. 吳大導位千金, 角色上佢係唔使靚, 我冇問題, 但唔該減下肥先啦...佢個角色唔應該係肥妹仔做的,唔知關唔關化妝事, 比起劍雨時發福了不少.
2. 河智范, 可能我本人對韓國文化不太感興趣, 覺得佢係套片中好多餘...佢同阿吳大千金係該片都係重要角色, 但偏偏格格不入.
3. 對白, 全片太多唔同國藉的人, 而導演用英語去統一, 結果好多人都面部肌肉不合調咁...而日本人係講日文時亦好多時出現過份誇張的情況.
4. 槍戰係OK, 但好多時冇槍戰時, D槍一睇就知係玩具。。。膠到呢。。。其實膠槍一樣可以油到好真，　搵人上下色啦。。。
5. 劇情，　其實都ＲＥＭＡＫＥ啦，　好心諗多少少，　D犯駁位我已經懶得數了。

唔踩太多了，　其實個條件本身都唔好，　諗下要搵各國明星係日本拍槍戰動作片，　要演技又發揮得唔好, 要槍戰又射得唔過癮, 真心唔適合。

alleelarry

上星期睇完，跟朋友會面時問我咩評價，當時我想到既有七個字：

「山窮水盡一片空」

之後回來就不知道應該怎樣落筆……，反而有一大堆疑問：

1) 高清年代，何解拍得像十年前的作品，還以為在大院睇緊 DVD
2) 個別對白疑似是找人頂替的配音
3) 白鴿係一個特式，但用錯位會有反感
4) 槍戰咁卡通既？多謝 Mike 兄指出這是日本人的規定就沒法子了
5) 場面設計好想保留舊有色彩，但過於設計反而好做作同無里頭

mike384

alleelarry 發表於 2017-11-27 13:36
上星期睇完，跟朋友會面時問我咩評價，當時我想到既有七個字：

「山窮水盡一片空」

日本人的確唔畀用真槍拍(第一前提係入唔到口), 所以一般都係搵專門的道具公司做, 或者學之前提過的黑雨咁, 索性去外國拍.
片中的幾場主要槍戰中, 一場在市街冇得走, 兩場鄉郊同兩場室內, 我唔太清楚是否在日本, 但室內就完全冇必要係日本拍, 所以其實係可以花錢解決的.
有機會我會查下個LOCATION.

alleelarry

mike384 發表於 2017-11-27 15:53
日本人的確唔畀用真槍拍(第一前提係入唔到口), 所以一般都係搵專門的道具公司做, 或者學之前提過的黑雨咁 ...

mike 兄唔講，自己真係唔知有咁幾狀況，只知道拍成而家咁，係有一定既理由，更加唔敢亂咁寫

mike384

alleelarry 發表於 2017-11-27 16:09
mike 兄唔講，自己真係唔知有咁幾狀況，只知道拍成而家咁，係有一定既理由，更加唔敢亂咁寫  ...

日本的拍攝用道具槍, 我都只係睇書睇返黎, 未清楚該片的拍攝條件.

alleelarry

mike384 發表於 2017-11-27 16:12
日本的拍攝用道具槍, 我都只係睇書睇返黎, 未清楚該片的拍攝條件.

了解，但好肯定係用「動畫」黎交代槍花就真係睇得唔多慣，畢竟呢套唔係《星球大戰》

hgc021321

個肥肥轉身跳躍速度係超越人體極限...