V-Moda M100用在金鏄的4.4mm插頭平衡耳機線

ml55

前段時間入咗Sony WM-1Z，但好不幸，在收到機前幾日，手上的VentureCraft的2.5mm平衡缐焊接位鬆咗，啲聲音走咗一邊，冇法，M-100 只有用3.5mm來聽住先，金鏄4.4mm只有用住PP8加轉頭聽著先！大概兩星期前無聊就上去美國森林網站上看到有啲線，當然都唔會太貴，有幾條係配M-100，大部分份來自日本，既然是這樣，我就直接上日本森林網站，去睇下配合M-100嘅2.5mm平衡缐，忽發奇想，不如直接尋找4.4mm頭，跟著就出現一些4.4mm頭的線，唔係好多，慢慢睇，突然發現到有一條Yodonami嘅線，8絞，( 導体：7N単結晶銅+銀メッキ 7N単結晶銅 ) 圖片中睇到用嘅4.4插同Sony啲原裝線啲插頭一樣，就走入去研究了一下，咦！突然發現佢耳機端個插頭咁似VentureCraft條平衡缐個插頭嘅??? 自己攞住自己條線同個放大咗嘅畫面比較咗半個鈡，再睇下佢對應的耳機，哈，同VentureCraft條線一樣，價錢？平一半，(8500￥) ，仲要係8絞，另外MoonAudio啲4.4頭線我睇過都要最小300美元，仲係black dragon，咁我當然立刻落單，所以⋯⋯到今日終於收到線啦。

ml55

唔知點解，啲圖片號碼全部掉轉頭，另外有樣嘢想講下，就係條線要成10日先送到日本Tenso公司，今日收到就硏究一下，原來、條線係福建省、廈門市送出，中國出，我唔介意，只是咁樣，條線等於轉咗個大圈先到我手，各位師兄如果有興趣，或者淘寶都可能會淘到，不過都冇所謂，剛開始時啲聲音平平，冇高低，到現在煲咗十幾個鐘，啲聲音已經有好大改變！暫時都好滿意，性價比不錯！

truenobzr

我有 exactly 你個組合，不過我係淘寶買，百幾蚊人仔好過買轉插。佢淘寶個 description 話係啱 Sony MDR-1A 耳牛用，我知亦啱 M100 因為我兩副都有之前一直共用 2.5 同 3.5 升級線。要留意唔係乜插都插得入 M100 因為洞太細所以呢條插得入非常超值！不過我 1A 最後買咗條原廠 Sony Kimble 比佢，真係好聽啲，呢條而家只插 M100。佢果檔淘寶其實仲有其他線都好平的。

dlmc

V moda個3.5mm位好蝦人又縮入去
onso有條hpcs_03 4.4(5極)-3.5(4極) 6N+4N copper

ml55

dlmc 發表於 2017-11-23 17:55
V moda個3.5mm位好蝦人又縮入去
onso有條hpcs_03 4.4(5極)-3.5(4極) 6N+4N copper

呢條線我都有見到，亦都有考慮過，但最後覺得性價比我感覺得另一條高，選擇咗另一條，雖然係大陸做，但現在煲開咗，啲聲音我覺得好過以前條VentureCraft2.5mm平衡缐。可能亦都有金鏄的加持，不竟4.4mm個接觸面都大啲。

ml55

truenobzr 發表於 2017-11-23 16:57
我有 exactly 你個組合，不過我係淘寶買，百幾蚊人仔好過買轉插。佢淘寶個 description 話係啱 Sony MDR-1A ...

其實我想請教一下師兄，Sony條Kimble線M-100用唔用得？

truenobzr

ml55 發表於 2017-11-24 04:29
其實我想請教一下師兄，Sony條Kimble線M-100用唔用得？

咪就係話 M100 唔係乜插都得所以我Kimble 係插唔入，1A 個 socket 都係凹入去但 M100 再窄啲，我條 2.5 之前要去星際改頭至插到 M100...

boy1420

truenobzr 發表於 2017-11-23 23:57
我有 exactly 你個組合，不過我係淘寶買，百幾蚊人仔好過買轉插。佢淘寶個 description 話係啱 Sony MDR-1A ...

truenobzr兄，小弟都係m100用家，請問這條4.4mm淘寶線應打什麼字搜尋？
thx

boy1420

小弟有m100,近期又想出黑磚，ml55兄的分享十分有用

ml55

boy1420 發表於 2017-11-30 10:19
小弟有m100,近期又想出黑磚，ml55兄的分享十分有用

師兄，淘寶直接用Sony 1A升級線，條線不過不失，可以用啦，好過 VentursCraft條2.5平衡缐小小，不相上下，我兩條線比較過，其實，咁樣嘅價錢，都算唔錯。