初體驗 Gimmick 多多嘅功能性電話 LG V30+

wil-wil

("食"、"痾"、"訓"、"玩" 相片由 V30+ 拍攝出來)

電話對好多身邊朋友嚟講，已經係 "食"、"痾"、"訓"、"玩" 都唔可能離手嘅 "野"!! 但對小弟嚟講只係工作上嘅一件必需嘅工具，一般只會用嚟講電話、覆 Whatsapp 等基本嘢，其他會用到電話嘅功能實在唔太多，聽下歌影下工作上需要嘅相 ONLY!! 所以雖然我有買旗艦機嘅癮，但絕對唔係因為旗艦機有幾勁幾快，而係貪佢理論上旗艦嘢用料應該會較好、唔壞的話理應可用多幾年後，都好似仲會有可能仲有幾唔錯嘅機能表現 (相信下價機用兩用唔係儲存空間唔夠就部機行得好慢 ...)。

(相片由 V30+ 拍攝出來)

所以對上上上我係用部 Note、Note3，之後竟玩到多年無壞，直至上年部機殼實在比自己搞到太殘，先決定轉 Note7，點知就遇著爆炸潮被迫轉用到老二 S7 Edge ... 仲要成日被人話唔怕爆之類說話 !!

(相片由 S7 Edge 拍攝出來)

上月因為工作因素，竟有機會從 LG 手上接過部 V30+ 嚟用!! 實話，我一向對 "爻豬" 都幾抗拒，或者自己雖然未叫得上 "三叔" 粉絲，但對用開佢嘅電話多年，睇住佢進步神速之餘，每項操作都嚟得細心或人性化影響 (當然個人覺得 iPhone 始終先係呢方面是皇者)，所以真係不舌一看  "爻豬" 。不過部 LG V30+ 又真係比到我喜出望外嘅感覺 ... 可能無期望下得嚟嘅感覺先最深刻體會!!

超 Wide 影相模式


(相片由 V30+ 拍攝出來)

電話影出呢份方便且震撼嘅感覺，真係一用就愛上了!!! 係我工作上都經常要 Site Visit，好多時要影相做記錄，但所要影個場境往往太 wide 而我雖要用幾張相駁埋先做到，現在唔需要不特止，拍出嚟嘅效果仲好有氣勢，搞到我現在行過啲靚景時都會心郁郁，想睇下影出嚟嘅靚景有幾 wide 幾靚!!

相片顏色及營幕上嘅感受

(相片由 V30+ 拍攝 及 capture screen 出來)

可能受為於 P-OLED 嘅營幕技術，顏色感覺先明且有層次，這點本是基本預期，因為過往每試新電話影相，係電話個 mon 上睇實靚，但將相片抄到電腦 或 SD 卡以電腦 mon 到睇，顏色總會灰左好多，亦唔夠鮮明，如果電視上睇可能好少少，但都折扣大減。不過 V30+ 影嚟嘅相係任何 devices 上睇嘅感覺都一樣，顏色層次依然無變，這點都給我留下很心印象!!

聽歌嘅感覺

(相片由 76 影片內 capture screen 出來)

呢個係 V30+ 另一重要買點，所以又話搵咗 B&O 調聲，又話隨機送 B&O 耳機，一路以來對開市場推廣嘅我嚟講只認為純屬 Marketing Gimmick ，要再度真係多多都有，加上自己有用開 DAP，所以期望就係可以講全無! 但試過後感覺佢份 HiFi Quad DAC 係有啲料到，而且明顯係 Hi-Fi 向，高中頻段較所聽過任何電話都清晰明亮，加上  B&O 調聲同相關嘅調校選項，包括「數字濾器」可揀 "Short"、"Sharp"、"Slow"；「聲音增強」可揀 "標準"、"增強"、"溫和"、"現場"、"貝斯"，組合可達 15 項之多，用來聽 moov 或 Joox 串流都有明顯提升，聽 Hi-Res 音樂檔亦會聽得出分別!!


(V30+ 內 Hi-Fi Quad DAC 功能選項)

不過就唔太喜歡用 "貝斯" ... 雖然自己都好喜歡聽歌睇戲要有強勁 Bass 嘅感覺，但如果用上 "貝斯" 呢個選擇就大鑊，首先 Bass 變得混濁，人聲縮後而不清!! (以上感覺係以一隻三叔跟 S7 煲咗嘅耳機嚟講) ... 當然如果你係發燒友可能仍會感覺用電話聽歌 Sorry la!! 不過以事實係電話都已經做得出入門感覺嚟，如果以仲未聽 Hi-Res 音樂檔，一班普通聽串流音樂樂迷聽來講，所提升嘅音質已經不少，就以直接與 "三叔" 比亦明顯聽同首歌較濛、Bass 同樣混濁不清!!


整體操控上感覺
雖然 V30+ 係期旗艦機種，除提過自己有用開而驚喜嘅功能，及擁有好多對手無嘅又好正正拍片、錄音等技術，但好多細位選項、操控上都唔太細心，舉個例 "三叔" 可以係相片庫中長按張相後就有多項功能選項及可大量選圖，相反 "爻豬" 長按只得兩三項功能揀又唔可以大量選圖，再搞需要係最頂工作欄內按一、兩次先做到；調機選項分佈、網頁 bookmark 等等都有待改進!!  


(其他 V30+ 界面參考)

每個產品都必有改進空間，絕無可能一面倒贏曬，不過 LG V30+ 咁意外比我試到嘅呢次體驗，的確比到我對佢有所改觀，好似錄音功能與靚聲效果、Cine Effect 及 Point Zoom 等等 ... 希望部機可以再借耐啲，多啲時間試埋啲平時我好少用嘅功能，睇下是否可以打動我唔換 "三叔碌捌" 嘅期望!!???


-----------------------------------------------------------------------------------------------------------------------------------------------
Post76 玩樂網 齊齊與您 ...
「玩樂連場、越戰越強」

SonSon

我............等唔到V30

wil-wil

SonSon 發表於 2017-11-16 21:40
我............等唔到V30

快 d 買部!!

joelcan

估唔到Wil總都出手機包膠
我都由三叔轉用咗"爻豬"V20，對"爻豬"有改觀

小瑟

【行版 LG V30+ 兩星期上手使用分享】

LG V系個個都對佢聽歌有不錯的評價, 不過今次小瑟要分享的反而係用左兩星期後的使用感覺, 當中會提到P-OLED屏幕, 前置, 後置鋼頭影相等等!!! 黎緊下星期我地仲有個 LG V30+ 任試任玩的活動, 如果你都心郁郁諗緊換機的朋友, 就唔好錯過勒!!!

  V30+試玩會報名帖 : https://goo.gl/SCtDcQ

[youtube]CT15mQlNSU8[/youtube]

wil-wil

joelcan 發表於 2017-11-17 22:59
估唔到Wil總都出手機包膠
我都由三叔轉用咗"爻豬"V20，對"爻豬"有改觀 ...

都唔係什麼報告，純試機後感覺!!多謝支持!!

blueson

oppo ha-3 ????

ctmctm2012

小瑟

blueson 發表於 2017-11-18 19:18
oppo ha-3 ????

E…我講左3呀？？Sorry,  2先岩。

henryctw

部v20用一年開始慢到hihi, save張相要幾廿秒