PAC 家訪後感

pac

今日的家訪又玩完，
今次來的師兄好積極分享左好多野。
三個幾鐘就咁過左，
在此多謝各師兄來家訪。
希望今天家訪的師兄們可以在此post 分享今日玩過嘜啦！

下次再玩過

KEEKEEKEEKEE

    今次非常多謝 PAC兄 對於SUBWOOFER設定無私分享與指導. , 對於以往各位師兄嘅種種描述, 今次終於有機會可以親身領略到, 無論兩聲道或影院系統都非常吸引靚畫靚聲, 尤其是那種可剛可柔有速度又有質量嘅超低音能夠在後腦方結像感覺好過癮亦有d驚訝!  雖然只是短暫家訪了三個多小時, 亦能感受到 PAC兄 對於影音系統嘅熱誠與研發精神!

Raphael

今日真係好多謝 PAC 兄招待我地，過咗一個好有收獲既下午
原本諗住上 PAC 兄屋企吸毒（係！我認我戒毒幾年後又再吸毒，好墮落），點知一個下午之後，發覺真正最毒既，其實係「俾心機玩音響」既嗰份成功感！

PAC 兄屋企毒品多，一向都知道；十幾皮一對喇叭，PAC 兄都認為係不足掛齒，就可想而知佢府上毒氣幾咁重
之不過，最令小弟印象深刻既，係 PAC 兄居然可以將幾千蚊既器材都玩到出晒位，完全不輸於十皮八皮既器材效果；呢吓真係五體投地
另外，師兄唔單只係分享器材效果，仲花咗好多時間向我地講解調音既知識，直頭好似上堂一樣！（我差啲想即場錄低作為日後溫習之用）
真係除非對音響有一份異常喜愛及熱情，否則分享精神都難以去到師兄呢個地步
（以小弟為例，玩咗七年，今日上堂先至知道原來七年以來都學錯某一個謬誤！汗顏汗顏）

師兄今日花咗唔少時間分享十仔既調較知識；
打心口唔算罕見，但原來可以打埋後腦！幾位師兄輪流坐皇帝位，都話未試過後尾枕咁震撼
又試問大家有無試過震肚腩？有師兄震完之後急急腳去廁所（笑）
低頻又原來唔一定係兇狠或震撼人既；今日就聽到何謂靜態低頻，有氣氛，有質感，但柔性而不霸道
總之要調教到剛柔並重，原來係可以既；但要有心機同知識

及後引伸去一直為人所急略既 surround 喇叭質素既重要性 —�—� 牽一髮而動全身，一個分頻點 set 錯，已經可以令玩家聽少咗好多野！等於親手用刀幫全套架生行宮刑！
（我真係想同自己屋企套架生講句：對唔住，原來我咁多年都將你扎咗炮！）

之後師兄亦講到天花喇叭原來都唔只係少少效果咁簡單
合適既選擇，合適既調較，與其他喇叭配合之下，原來可以俾人一種好勁既壓逼感
（我睇一幕空戰，嗰種頭頂上既壓逼感，真實到令我不自覺地縮低個頭；呢啲已經唔係一般聲音既感覺咁簡單，直情係一份無形既壓逼感嚟）

今日實在學到唔少野，要返去慢慢消化
最後想講既係，大多數人驚嘆佢府上毒品收藏；小弟就覺得，真正既毒品，其實係師兄佢自己本人.........
因為今日見識到既效果，小弟覺得四成來自器材；六成係來自佢所花既心機同時間！

毒海原來不是無涯；學海才是真正無涯
小弟今日受教了！感謝！

pac

Raphael 發表於 2017-11-12 23:36
今日真係好多謝 PAC 兄招待我地，過咗一個好有收獲既下午
原本諗住上 PAC 兄屋企吸毒（係！我認我戒毒幾年 ...

師兄講得啱
四成來自器材，六成來自玩家。
希望各位玩影音的師兄們能多分享多進步

pac

Raphael 發表於 2017-11-12 23:36
今日真係好多謝 PAC 兄招待我地，過咗一個好有收獲既下午
原本諗住上 PAC 兄屋企吸毒（係！我認我戒毒幾年 ...

打後尾枕的低頻功臣



KEF R300

ykmk

今天有幸到PAC兄家訪，獲益良多，一心想升級電源，但見過地盒的神奇，從未想過地線處理可以有這麼多的改進，不但提升空間感，立體感，還提升光度，聲音的餘韻，低音一浸浸的…，實在辭窮，必須親身感受…
家訪中版友也互相交流AV amp ，BD player 的設定，PAC兄 的無私付出，使我這次的活動，袋左好多錢落袋，在此再次感謝！祈望下次的相聚。

Ken134547

最精彩就係呢句（四成來自器材， 六成來自大師所花嘅心機同時間）{:9_423:}

fm31331

師兄攪活動一定支持{:9_430:}

johnnykut

好似好好玩咁喎

Raphael

pac 發表於 2017-11-12 23:47
打後尾枕的低頻的功臣

今日都見到師兄全部都係 KEF 喇叭，令小弟對呢個牌子改觀咗唔少

fddamia

期待有機會去好好學習 袋錢入袋