當台灣遇上颱風 - 我的台灣之旅

魚腮人 · 發表於 2007-10-9 03:39

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

一個計劃o左 3 個月o既台灣之旅，因為一個超級颱風 Krosa，差唔多將所有o既行程吹散曬！

4/10/2007 第一日：

香港 -> 台北 -> 宜蘭縣礁溪鄉礁溪老爺大酒店

搭早日 10:25 的華航 CI602 班機飛台北，唔好問我點解揀華航，因為今次係個 package 指定o既，無得揀，況且意外o既o野係整定o既，都唔驚得咁多！

飛機餐：叉燒腸粉 + 燒賣 + 糯米飽，都 OK！

去到桃園機場，有專人專車接送！

由機場到酒店要一小時二十分，途中經過全亞洲第二長的公路隧道：雪山隧道，雪山隧道全長 12.9 公里，走畢全程須時 15 分鍾，連接台北縣o既坪林鄉同宜蘭縣o既頭城鎮，前後用o左 15 年先起好！

到達宜蘭縣礁溪鄉礁溪老爺大酒店，酒店係日本人興建投資o既日式溫泉酒店，酒店o既服務真係一流，服務員超親切友善！

酒店大堂

酒店o岩o岩舉行緊電影劇照展，有桂綸鎂o係「最遙遠的距離」入面o既劇照，超大超靚，仲有唔少人同佢合照，桂綸鎂果然魅力沒法擋！

房外o既走廊

房內，好乾淨整潔，床又大又舒服

窗外面對五旗峰，好 relax！

房入面當然可以浸溫泉啦！

出去礁溪鄉市中心行o下，礁溪鄉其實只係一個幾細o既小地方，市中心只有兩、三條大街

礁溪火車站

街境

一個小鄉鎮竟然都有一間 24 小時o既老麥，全球化真係犀利......

估唔到礁溪鄉o既鄉政事務所竟然有咁前衛o既設計！

去到礁溪鄉一間幾齣名o既有幾十年歷史o既老店：義眾小吃，試o下佢o地o既義眾三寶：鯊魚羹、油豆腐同溫泉溏心鴨蛋，油豆腐同溫泉蛋o既
滷水都好入味！

溫泉溏心鴨蛋真係溏心o架！超好食！

返酒店浸溫泉

酒店o既無邊泳池，面對一望無際o既礁溪平原

有好多唔同o既溫泉池

仲有溫泉魚幫你食死皮！

[youtube]GvBclnE6crc[/youtube]

晚餐o係酒店餐廳入麵食 fusion 菜，有焗蠔

烤田雞腿

牛扒

甜品係栗子茸班戟

酒店可以望到礁溪平原o既夜景，真係好靚！

酒店每晚仲有放天燈節目，客人可以寫自己o既心願上去

[youtube]LFEfSSp8vvY[/youtube]

5/10/2007 第二日：

礁溪 -> 台北 -> 大順大飯店 -> 西門町 -> 淡水老街 -> 淡水情人橋 -> 美麗華摩天輪 -> 士林夜市 -> 24 小時家樂福

一早起身食酒店早餐，有好多o野食！

食完早餐 check-out 埋仲有專車送你出台北！

入住大順o既 VIP 房，之前有版友話佢o地o既 VIP 房唔多掂，我又唔覺喎，等我遲o遲同佢平反o下！

個廁所，無浴缸但係有按摩花灑，我就不嬲都唔浸酒店o的浴缸o既，因為怕污糟，所以無浴缸都無問題！

外星人襲地球？

Mister Donut 真係好多花款，款款都咁靚，香港o個間 Xripsy Xreme......

淡水街道兩旁o既建築都幾有特色

又有成棟o既 Snoopy 專門店

久違了o既籐條，想信八十年代或之前仲讀緊小學o既人，見到佢一定有唔少回憶！

「牛糞紀念館愛情文化基金會」究竟係一個咩o既組織呢？唔通係一班已經搵到鮮花o既牛糞幫助其他未搵到鮮花o既牛糞去搵佢o地o既鮮花？

黃昏時份，颱風開始發揮佢o既威力，淡水老街都頗為冷清！

搭o左半個鍾公車，去到漁人碼頭情人橋，竟然人影都無個，時間只不過係下晝o既 6:00 左右，現場超大風，完全唔敢行上情人橋，因為真係驚被風吹走，所以只係逗留o左 5 分鍾，影o左一張到此一遊相之後被迫撤退......

之後去o左美麗華，預o左無得坐摩天輪o架啦，不過都去睇o下啦！
無人o既摩天輪，加上綠色o既燈光，竟然帶點詭異......

之後o係美麗華百樂園竟然發現稻中式o既活動機械獸！

返出去士林夜市，求證o下豪大大雞扒係咪真係大過塊面！

不過戶外o個部份o既士林因為大風大雨，都幾冷清，好無癮之下行o左一陣就返酒店o勒！

返酒店放低o野，之後去o左 24 小時家樂福儲糧，準備應付颱風o既來臨！
凌晨 12 點，家樂福入面竟然仲有好多人，個個都入返o的糧食先！

[ 本帖最後由魚腮人於 2007-10-9 04:16 編輯 ]

魚腮人 · 發表於 2007-10-9 03:40

6/10/2007 第三日：

鼎泰豐 -> 冰館 -> 24 小時誠品敦南店 -> 西門町戲院

一早起身，趁颱風未到，搭的士去永康街鼎泰豐食早餐，朝早一開門，都仲係無乜人，不過再晏小小，o的旅遊車就一車車咁將o的香港同日本
遊客送到

之後行去冰館，點知要 12:00 先開門，於是返去鼎泰豐隔離o個間金石堂書店買書，到o左 12 點幾再行返去冰館，發現佢無開，應該係因為太大風

睇o下鼎泰豐門外o既幾大風大雨！
[youtube]xszWc87TgDU[/youtube]

颱風拆o左鼎泰豐隔離間 Mister Donut o既招牌！
[youtube]I64FYb_Xs6E[/youtube]

之後諗住冒險去 24 小時o既誠品敦南店可以消磨o下o的時間，點知去到至發現連佢o地都閂埋！

o係去誠品途中完全感受到超級颱風o既威力！
[youtube]6FD1Dx9BMII[/youtube]

明白咩係真正o既橫風橫雨未？
[youtube]Sb-YDOvn-gc[/youtube]

真係有可能被風吹走o架！
[youtube]GpaYjM-JkFU[/youtube]

之後行o左陣敦化地下街，都見到唔少人，不過就得好少舖頭有開門，一半係食肆

唔忿氣，諗住返西門町搵戲睇，點知又係閂曬，你睇o下我o地香港人幾咁幸福，打大風都仲有戲睇！

西門町滿目瘡痍

究竟呢張苐受過o的咩o既遭遇呢？真係唔敢再諗落去......

最後惟有屈服，返酒店用新聞台送杯麵...... 原本計划去o既師大夜市、饒河街夜市、台北 101、豚屋，度小月、九份等統統都去唔到，超無奈！

附送大順大飯店門外風雨實況：

[youtube]yeUNHQ8SWaw[/youtube]

[youtube]LJBEFDhkOB0[/youtube]

7/10/2007 第四日：

24 小時誠品敦南店 -> 桃園機場

雨過天清，下晝市面開始回覆正常，去埋 24 小時誠品敦南店作最後衝刺
之後就搭國光出機場，去到機場見到好似難民營咁，好多人，國泰同港龍有好多人排隊等候補機位，反而華航就無乜人龍，check-in 好順利！

班機由 18:20 delay 到成七點幾，見有時間就去搭無人駕駛列車去第二航廈行o下

班機一再 delay 到八點先起飛
飛機餐有台南炸蝦條、蛋捲同蕃薯粒

21:30，順利降落香港國際機場