中環娛樂行~英皇戲院之體驗

sharkpigyu

之前已經留意到報導關於呢間新開張嘅英皇戲院 我個心個刻已經好想朝聖下 不過因為家住天水圍 路程比較遙遠 所以就拖到昨日先有機會去朝聖下
本身唸住試下裡面果個The Coronet影院 不過奈何價錢實在太金啦 成$260一個人 雖然話有專人服侍 又有野食 但一想起同我老婆兩個人睇要成$520 實在已經過曬我個心理關口 不過今次我睇1號院 亦有The Coronet嘅感覺 點解??? 因為全場。。。。。。。。。。
得我同我老婆兩個人睇渣
簡直有包場嘅感覺
估不到星期日早上11:30 竟然一個人都無 唔通宣傳唔夠 不過有可能係因為雷神已上了一段時間 所以無乜人睇 又或者價錢可能真係有點偏貴!
好啦 終於等到夠鐘入場啦 首先第一感覺就係工作人員服務態度非常好 沿路行樓梯上座位 一直叫我地小心 又主動問我地需不需要毛毯 加上工作人員服裝非常醒神有型 絕對給你一種專業的感覺! 好啦 坐底啦 張皮凳非常舒服 軟硬適中 連踏地下的地毯亦非常軟熟 而每個座位上都有2個USB差電位 我自己有帶差電線 甘就順便幫部電話差差電先! 不過睇報導好似話The Coronet院線會提供埋差電線{:9_430:}
好啦 感受完張凳啦 當然最重要就要留意下影院嘅硬件啦 呢間戲院係行7.1聲道 居然係現今Atmos盛行嘅年代 竟然呢間新戲院無行Atmos{:9_424:} 呢點就令我有點失望同不解{:9_435:}
不過算啦 買飛之前我已經知無 只是純粹想朝聖下! 至於個螢幕我就覺得偏細 同埋我覺得解像度好像有點不足 有少少懵 我唔知係套戲本身係甘 定係個幕嘅問題
到音效啦 個人覺得隻中置set得比較細聲 人聲唔夠出 至於低音可以用弱來形容 雷神出招同浩克咆吼聲完全感受不到個種威力 低音的不足亦令到整套戲嘅包圍感不大 呢方面有少少令我失望 感覺屯門UA仲好聲過佢 不過又係個句 唔知究竟係套戲本身問題定可能仲係新喇叭嘅關係

總結來講 我會唔會再去 答案係應該唔會啦如果係睇動作戲 不過如果係睇啲片長又長又係文藝片 呢度不失為一個好嘅選擇 因為張凳真係好舒服 坐好耐都唔會辛苦 再加上如果你係一個崇尚服務嘅人 英皇戲院絕對唔會令你失望

josephlok

good